Мөлдірлеу – су құрамындағы механикалық қоспалардан суды тазарту Суды зиянсыздандыру – суды микроорганизмдерден жəне бактериялардан тазарту əдісі: хлорлау, озондау немесе қайнату. Суды жұмсарту – су құрамындағы ерітінді түріндегі Са жəне Mg тұздарынан жарым-жартылай немесе толық тазарту. Суды тұзсыздандыру – тұзды судан тұзды алып тастау арқылы тұщы суды жасау. Суды газсыздандыру – суды еріген газдан тазарту. Су –барлық тіршілік иелерінің тіршілігі үшін қажет. Адамдар бірнеше күн ғана сусыз өмір сүре алады.Ал ары қарай шыдау қиын. Яғни судың маңыздылығы жоғары. Əр түрлі деңгейдегі су отандық жəне шетелдік медициналық жəне фармацевтикалық тəжірибеде кеңінен қолданылады. Фармацевтикалық мақсаттағы су көзі табиғи су болып табылатын ауыз судан алынатындықтан, маңыздысы, соңғысын ондағы қоспалардан шығару болып табылады. Табиғи суда əртүрлі тұздардың иондарын құрайтын еритін заттар болуы мүмкін. Бұл заттардың едəуір бөлігі ауыз су алу кезеңінде жойылады. Алайда фармацевтикалық мақсаттағы су арнайы талаптарға сай болуы керек. Қазіргі заманғы фармацевтикалық кəсіпорындағы оған қойылатын ерекше талаптар судың өндірістің барлық кезеңдерінде қолданылатындығына байланысты. Бұл үй-жайлар мен жабдықтарды жуу, санитарлық- гигиеналық мақсаттар, аналитикалық ерітінділер дайындау, жылу тасымалдағыш жəне компоненттер мен дайын өнімді дайындау. Су-əмбебап жəне қол жетімді еріткіш. Бұл қасиет сұйық дəрілік формаларды дайындау кезінде суды еріткіш жəне дисперсиялық орта ретінде пайдалануға мүмкіндік береді. Тазартылған суды медицинада қолдану: • ішке жəне сыртқа қолдануға арналған дəрілік ерітінділер; • көз тамшылары жəне офтальмологиялық ерітінділер; • жаңа туған нəрестелерге арналған дəрілік препараттар; • кейіннен стерильдеу көзделген инъекциялық емес ерітінділер Егер дəрілік түрлер үшін зарарсыздандыру қарастырылмаса, тазартылған стерильді су қолданылады.
