А. МҰратқызы, А. Е. Бекшойнова, С. К. Серикова, М.Қ. ТӨлеуова отбасылық ТӘрбиенің негіздері
Балабақша мен отбасының бірлескен жұмысы,оның мазмұны мен
жүктеу/скачать 1.54 Mb. Pdf көрінісі
|
| Балабақша мен отбасының бірлескен жұмысы,оның мазмұны мен
ұйымдастырылуы, әдістемесі мына ережелерден тұрады: 1 . Балабақша мен отбасы жұмысында балаларды тәрбиелеудегі бірлік. Оған жан-жақты тәрбиелеудің мақсаттары мен міндеттері тек тәрбиешілерге ғана емес, ата-аналарға да белгілі және түсінікті болған жағдайда, ата-аналар балаларды тәрбиелеудің негізгі мазмұны, әдістері және тәсілдерімен таныс болғанда, оларды белгілі дәрежеде меңгергенде қол жеткізіледі. 83 2. Педагогтар мен ата-аналар арасындағы өзара қарым-қатынаста сенім, баланың қажеттіліктері мен мүдделерін және тәрбиеші ретіндегі өз міндеттерін түсіну, балабақшада педагог пен ата-аналардың отбасындағы беделін нығайту, мейірімділік, сын және өзін-өзі бақылау негізінде дұрыс қарым-қатынас орнату. 3. Мектепке дейінгі балаларды тәрбиелеу бойынша бірлескен жұмыста өзара көмек. Балабақша күнделікті және түрлі жолдармен ата-аналарға балаларды тәрбиелеуде көмектеседі. Өз кезегінде ата-аналар балабақшаға түрлі тәрбие және шаруашылық жұмыстарына көмектеседі, сол арқылы тек өз баласын ғана емес, басқа да балаларды тәрбиелеуде қамқорлық жасайды. 4. Отбасы тәрбиесінің үздік тәжірибесін зерделеу, оны ата-аналар арасында насихаттау, балабақша жұмысында отбасылық тәрбиенің оң әдістерін қолдану және т.б. 5. Балабақша жұмысының түрлі формаларын отбасымен өзара байланыста пайдалану: үйі, отбасы өмірімен танысу; ата-аналармен және т.б. отбасы мүшелерімен педагогикалық әңгімелесу, кеңес беру; топтық және жалпы ата-аналар жиналысы; конференция, лекторий, ата-аналар университеті, сұрақтар мен жауаптар кеші, ауызша журнал, педагогикалық насихаттың көрнекі формалары. 6. Белгілі бір жоспар бойынша бірлесіп тәрбиелеу - білім беру жұмысының мазмұны мен міндеттерін ескеріп, жыл бойы балабақшаның ата- аналарымен байланысын жүйелі түрде жүзеге асыру. 7. Ата-аналар мен жұртшылықты мектепке дейінгі мекеме қызметіне, отбасымен жұмыс істеуге тарту [6]. Ата-аналар мен тәрбиешілер өздерінің күш-жігерін біріктіріп, баланы екі есе қорғауды, эмоционалдық жайлылықты, балабақша мен үйде қызықты, мазмұнды өмірді қамтамасыз ету, негізгі қабілеттерінің дамуын, құрдастарымен қарым-қатынас жасауын ынталандыру, мектепке дайындықты қамтамасыз етуі керек. Тәрбиешінің отбасымен жұмыс жасаудағы басты міндеттерінің бірі - балабақша мен ата-аналар арасындағы кедергілерді жою. Өзара іс-қимыл бірлескен қызмет қағидаттары негізінде құрылып, балаға педагогикалық өзара іс-қимылды үйлестіру. Мектепке дейінгі мекемелермен балаларды адамгершілік, еңбек, ақыл- ой, дене, көркемдік тәрбиелеу мен дамытудың тиімділігін арттыру мақсатында ата-аналармен ынтымақтастықты ұйымдастырудың мол тәжірибесі жинақталған. Балабақша тәрбиешілері, әдіскерлер осы жұмыстың мазмұны мен формаларын үнемі жетілдіріп, балаға тәрбиелік ықпал етудің үйлесімділігіне қол жеткізу, жан-жақты дамуын қамтамасыз етуге ұмтылады. Балабақшадағы отбасымен атқарылатын жұмыс түрлері республикамыздың мемлекеттік жалпыға міндетті білім беру стандартындағы отбасы тәрбиесін ұйымдастыруға қойылатын жалпы талаптарға сай жүргізіледі. жүктеу/скачать 1.54 Mb. Достарыңызбен бөлісу:
|