АЈӘтуллаһҮЛ-Үзма беһҸӘтин һӘЈаты نام کتاب: زندگی نامه ی آیت الله بهجت



бет14/26
Дата03.07.2016
өлшемі0.77 Mb.
#173915
1   ...   10   11   12   13   14   15   16   17   ...   26

Кечмиш ҝүнләрин һәсрәтиндә


Беһҹәт һәмишә дүнјасыны дәјишмиш, әбәдијјәтә говушан бөјүк алимләри вә онларын неҹә һәјат сүрмәләрини чох һәсрәтлә јад едәрди. Бир ҝүн јенә онлардан сөз дүшәндә, деди: “Биз әввәлки алимләрин ҝетдији дүз јолу ҝетмирик.” Сонра дәриндән аһ чәкәрәк әлавә етди: “Билмирәм нијә беләдир? Ајәтуллаһ Гази өз устадынын дилиндән белә нәгл едир: “Бир вахтлар Һәзрәт Әлинин (ә) һәрәминдә ҝеҹә намазларынын гунутунда “Әбу Һәмзә Сумали” дуасыны охујан јетмиш нәфәр бөјүк шәхсијјәт вар иди. Гази дејәрди: “Бизим дөврүмүздә бу ҹүр адамлар үч-дөрд нәфәрдән чох дејил.” Амма биз өз заманымызда һәлә белә адамлардан бирини дә ҝөрмәмишик. Һал-һазырда да вәзијјәтин неҹә олдуғуну ҝөрүрсүнүз.

Һаны әмәл едән?


Бир дәфә тәләбәләрдән бири Беһҹәтин јанына ҝедиб дејир: Бизә әмәл етмәк үчүн хүсуси дини тапшырыг верин. Беһҹәт бујурур: “Тапшырыг? Тапшырыға әмәл едән һаны?” Тәләбә хаһиш едир ки, һеч олмаса бизә нәсиһәт вә дуа един. О белә ҹаваб верир: “Дуа едирик. Дуа ки, бир шеј дејил.” Тәләбә јенә дејир: Инди дә бизә бир тапшырыг верин. Беһҹәт бујурур: “Сизә дејәҹәјим тәк бир кәламы ешидин вә гулағыныздан сырға един: “Һара ҝедирсиниз ҝедин, амма ҝүнаһ етмәјин.”

Сејри-сүлукда нијә шаҝирд гәбул етмирсиниз?


Һөҹҹәтүл-ислам Әнсари Һәмәдани белә нәгл едир: Нәҹәф-Әшрәфдә олдуғум вахт бир ҝүн Ајәтуллаһ Беһҹәтдән сорушдум: “Ирфан” вә “Сејри-сүлук” јолунда јетишдирмәк үчүн нијә шаҝирд гәбул етмирсиниз? Деди: “Чәршәнбә ахшамы Сәһлә мәсҹидинә ҝет. Орада ҝөрдүкләринин һамысыны мәнә данышандан сонра сәнин суалына ҹаваб верәҹәјәм.” Беһҹәтин дедији кими һәфтәнин чәршәнбә ахшамы Сәһлә мәсҹидинә ҝетдим. Мәсҹиддә адам чох иди. Гоҹа-ҹаван, һәр кәс бир ҹүр Аллаһла мүнаҹат етмәјә мәшғул иди. Ҝеҹә јарысына јахын мәсҹид јаваш-јаваш бошалмаға башлады. Бармагла сајыласы вә узун-узады ҝеҹә намазы гылан бир-нечә гоҹадан башга мәсҹиддә бир адам галмады. Беһҹәтин јанына ҝедиб мәсҹиддә ҝөрдүкләрими она данышдым. О ҹавабында белә деди: “Шаҝирд гәбул етмәмәјимин әсас сәбәби, ибадәтдә мөһкәм адам тапа билмәмәјимдир.” (Адамларын чоху ағыр ибадәтә таб ҝәтирә билмирләр.)

Ајәтуллаһ Беһҹәтин ҝүндәлик програмы


Онун ҝүндәлик програмы һәмишә хүсуси низам үзрәдир. Мәрҹәи-тәглид олмаздан әввәл вә ја сонра онун бу програмларында һеч бир дәјишиклик баш вермәјиб. Беһҹәт вахтыны ибадәт, зикр, тәфәккүр, мүталиә, тәдрис етмәклә вә ја ваҹиб мәишәт ишләрини ҝөрмәклә кечирәр. Тарих боју бөјүк дини шәхсијјәтләр өмүрләринин һәр анындан сәмәрәли истифадә етмәјә чалышмышлар.

Һәр ҝүн сүбһ азанындан бир-ики саат габаг јухудан дуруб ибадәтлә мәшғул олар вә фүрсәт тапанда мүталиә едәр. Намазыны әввәл вахтында өз мәнзилиндә гылар, бир аз кечәндән сонра исә ҹамаат намазы гылмаг үчүн мәсҹидә ҝедәр. Ҹамаат намазындан сонра хүсуси тәгибаты јеринә јетириб һәрәмә јолланар, тәгрибән саат 930-да евә гајыдар. Он-он беш дәгигә отуруб динҹини аландан сонра тәдрис етмәк үчүн “Фатимијјә” мәсҹидинә ҝедәр. Дәрсдән сонра бир аз мүталиә едиб, ҹамаат намазы гылмаға һазырлашар, намаздан сонра мүраҹиәт едәнләри гәбул едәр, сонра исә наһар јемәјини јејәр. Ҝүнүн гыса вә узун олмасыны нәзәрә алараг бир-ики саат истираһәт едәндән сонра јенә тәдрис етмәк үчүн мәсҹидә јолланар вә дәрсдән сонра фасиләсиз шам намазына һазырлашар. Евә гајыдан заман гаранлыг бир отагда намаздан сонракы хүсуси ибадәтләри јеринә јетирәр, бир стәкан чај ичиб, мүталиә илә мәшғул олар вә сонра исә шам јемәјини јејиб истираһәт едәр.1


Јемәк програмы


Ајәтуллаһ Беһҹәт һәфтә әрзиндә бир-ики дәфәдән артыг әт јемәји јемәзмиш. Бахмајараг ки, бә`зи јерләрдә кабаб вә башга јемәкләр јемәјә төвсијә едилмишдир. Сәһәрләр пендир, чај, чөрәк вә ја бир стәкан сүд, ахшамлар исә чај-чөрәк мејл едәр. Әлбәттә, әввәлләр ахшам ајран-чөрәк јејәрди, амма ағыр хәстәләндикдән сонра һәким ајраны гадаған етмишдир. Бундан сонра о, ҝеҹәләр лимон шәрбәтилә чөрәк јејәр. Мәдә ағрылары баш верәндән сонра бу јемәк програмыны да дәјишиб.2

Сүбһ намазыны ҝеҹ гылмағын сәбәби


Ајәтуллаһ Беһҹәт һәмишә сүбһ намазыны әввәл вахтында өз мәнзилиндә гыландан сонра, ҹамаат намазы гылмаг үчүн мәсҹидә ҝедәрди. Беһҹәтин ҹамаат намазында иштирак едәнләрдән бә`зиләри узаг јердән ҝәлдикләри үчүн ондан намазы бир аз ҝеҹ гылмасыны хаһиш етмишдиләр. Онларын хаһишинә ҝөрә даһа сүбһ намазыны да бир аз ҝеҹ гылар. Иран ингилабындан сонра јаранан вәзијјәтә ҝөрә Имам Хомејни онун үчүн ҹанҝүдән гојмаг истәјир. Амма Беһҹәт ҹавабында “ҹанҝүдәни горујан Аллаһ, бизи дә һифз едәр”– дејиб, Имамын бу тәклифини гәбул етмир. Теһрандан белә сифариш ҝәлди: “Чалышын гаранлыгда евдән чөлә чыхмајын.” Беһҹәт бу сифаришдән сонра һәмишә мәсҹидә дә бир аз ҝеҹ ҝедәр. Бу да онун сүбһ намазыны ҝеҹ гылмасынын башга бир сәбәби иди.

Амма ҝүнорта намазынын дәгиг вахтыны билән кими, намаза һазырлашар. О өз һәјәтиндә үфүги бир хәтт дүзәлтмишдир. О бу үфүги хәтлә зөһр намазынын шәр`и вахтыны дәгиг тә`јин едир.1


Мәһбубла мүнаҹат


Ајәтуллаһ Шејх Ҹавад Кәрбәлаји дејир: Ајәтуллаһ Беһҹәт ҝеҹә намазына вә ҝеҹә јарысы ибадәтләринә хүсуси әһәмијјәт верәр. Хүсусилә дә ҹүмә ахшамларында мүнаҹат етмәји чох үстүн тутар. Танынмыш алимләрдән бири мәнә деди: “Нәҹәф-Әшрәфдә олдуғум вахтлар иди. Бир дәфә ҹүмә ахшамы ҝеҹә јарысы Сејјидин мәдрәсәсиндә Беһҹәтин сәҹдә һалында һәзин сәслә ағлајараг бу ҹүмләни тәкрар етдијини ҝөрдүм: “Илаһи, мәнли ғәјрук, әс`әлуһу кәшфә зурри вән-нәзәрә фи әмри.” 1

Ајәтәл күрси вә онун тә`сирләри


Ҹәнаб Заһиди мәктубларынын бириндә белә нәгл едирди:

“Кәрәминижадын хаһишинә әсасән, достлардан биринин Беһҹәт һаггында нәгл етдији бир әһвалаты сизин үчүн јазырам. Үмидварам бу әһвалат мө`минләрин үрәјинҹә олсун, иншаллаһ.

“Гум елми һөвзәсинин фазил шәхсләриндән Урумијә шәһәриндән олан Мирзә Јусиф башына ҝәлән гәрибә бир әһвалаты мәним үчүн данышараг деди: Бир-ики ил оларды ки, тәһсил алмаг үчүн Гум елми һөвзәсинә ҝәлмишдим. Чохлу дәрс вә мүталиә нәтиҹәсиндә ҝөзләрим ағрымаға башлады. Артыг үзбәүздәки шејләри ҝөрә билирдим. Јаваш-јаваш ағрыларым шиддәтләнмәјә башлады. Гум шәһәриндәки ҝөз һәкимләринин әлиндән бир шеј ҝәлмәдијинә ҝөрә мәни Теһрана ҝөндәрдиләр. Теһрандакы мүтәхәссис һәким ҝөзләрими мүајинә едәндән сонра бир ијнә вурду вә ҝөзләрим сағалмаға башлады. Бир-ики ајдан сонра јенә һәмин хәстәлик үзә чыхды. Әввәл јанына ҝетдијим һәкимин јанына ҝетдим вә јенә бир ијнә вурду. Бу дәфә ики-үч һәфтәдән сонр јенә һәмин ағрылар башладыгда һәкимә мүраҹиә етдим. Һәминки кими ијнә вуруб ағрыларымы сакитләшдирди. Артыг бу дәфә ики-үч ҝүн кечмәмиш ҝөзүм әввәлкиндән гат-гат шиддәтли ағрымаға башлады. Һәким артыг һеч бир шеј едә билмәди. Дәфәләрлә апарылан мүајинәләрдән сонра һәкимләр мәним бу хәстәлијимин әлаҹсыз олдуғуну дедиләр. Мән дедим: Әҝәр хариҹи өлкәләрдә бу хәстәлији мүалиҹә едә биләрләрсә, мән ҝетмәјә һазырам. Амма һәкимләр гәти олараг дедиләр: “Бу хәстәлијин мүалиҹәси јохдур.” Наүмид һалда Гума гајытдым. Мәсҹиддә Ајәтуллаһ Беһҹәт илә намаз гыландан сонра онун ардынҹа ҝетдим. Суалы олан һәр кәс ҹавабыны алыб ҝедәндән сонра мәним дә суал едәҹәјими баша дүшүб деди: “Бујур, сөзүнү де.” Кәдәр мәни боға-боға башыма ҝәләнләри Беһҹәтә данышдым. Ҝүлүмсүнүб деди: “Ҝүндәлик ваҹиби намазлардан сонра әлләрини ҝөзләринин үстүнә гој вә бир Ајәтәл күрси оху. Сонра бу ҹүмләни де: “Аллаһум-мәһфәз һәдәгәти биһәгги һәдәгәтәј Әли ибн Әби Талиб!”

Мирзә Јусиф дејир: Алты-једди ҝүн мән Беһҹәтин дедији тапшырыға әмәл етдим вә ҝөзләрим тамамилә сағалды. Һәмин һадисәдән он ики-он үч ил кечмәсинә вә ҝеҹә-ҝүндүз мүталиә етмәјимә бахмајараг һәмин хәстәликдән әсәр-әламәт дә јохдур.




Достарыңызбен бөлісу:
1   ...   10   11   12   13   14   15   16   17   ...   26




©dereksiz.org 2024
әкімшілігінің қараңыз

    Басты бет