Ақынова жібек мұхтарқызы
жүктеу/скачать 3.56 Mb. Pdf көрінісі
|
| Танымдық. Мектепке дейінгі ұйымда ертегі терапиясын пайдалана
отырып, балалардың коммуникативтік дағдыларын қалыптастыру, кәсіби түрде жүзеге асыру үшін болашақ педагогтің ертегі терапиясының теориялық меңгергендігін, ертегілердің классификациясын білуі, коммуникативтік дағдыларға қатысты түсінігі болуы, ертегі терапиясының мүмкіндіктерін меңгеруі және осы жағдайларды ескере отырып, ертегі терапиясы арқылы балалардың комммуникативті дағдыларын қалыптастыру іс-әрекетінің процесін жоспарлау. Теориялық және практикалық білімді игеру процесінде болашақ педагог баланың ертегі терапиясы арқылы комммуникативтік дағдыларын қалыптастыру жұмыстарын жоспарлау және ұйымдастыру кезінде баланың ұсынылған тапсырмаларды орындай алатындығына сенім болуы [177]. Сонымен қатар бұл компоненттің мәні болашақ педагогтер балалардың комммуникативтік дағдыларын қалыптастыруда ертегі терапиясының принциптерін, формалары мен әдістерін игеруін, сондай-ақ жас педагогтер арасында психологиялық-педагогикалық мәселелерді тиімді шешуге ықпал ететін арнайы ұйымдастырылған педагогикалық жағдайлар жасау қабілетінде жатыр. Белгілі болғандай, кез келген технологияның процедуралық сипаттамасында субъектілер мен объектілер қызметінің құрылымы мен алгоритмдері, жеке элементтердің орындылығы мен оңтайлылығы, барлық әдістемелік құралдарды кешенді қолдану және өзара әрекеттесу, мақсаттар мен міндеттерге, студенттер контингентіне сәйкес келетін басқару анықталады. Сонымен қатар болашақ педагогтерді заманауи технологияларды қолдану арқылы қазақ ертегілер терапиясы негізінде балалардың коммуникативті дағдыларын қалыптастыру ерекшеліктері туралы білммен қаруландыру. Педагогикалық модель мектеп жасына дейінгі балалар қарым-қатынас дағдыларын қалыптастыруды дәйекті және мүмкіндігінше тиімді жүзеге асыруға арналған және қабілетті өзара байланысты компоненттердің жиынтығы ретінде әрекет етеді. Мектеп жасына дейінгі балаларда қарым-қатынас дағдыларын қалыптастыру үшін педагогикалық іс-әрекеттің басым бағыты ретінде ертегі терапиясы таңдау бұл балалардың шығармашылық қабілеттерін дамытуға; олардың танымдық белсенділігіне, мектеп жасына дейінгі баланың адамгершілік қасиеттерін дамуына ықпал ететіндігімен байланысты; танымдық қиялдың қалыптасуы (ең алдымен баланың логикалық және символдық функциясының дамуында көрінеді) және тиімді қиялдану. Қойылған міндеттерді сәтті шешу оқытудың белгілі бір тұғырлары негізінде педагогикалық іс-әрекетті құру кезінде ғана мүмкін болады. Біздің зерттеу жұмысымыздың ең маңызды ұстанымдары: қол жетімділік және даралау – баланың жас ерекшеліктері мен мүмкіндіктерін ескереді. 91 Импровизацилық ұстаным – ересек адам мен баланың және балалардың өзара ерекше қарым-қатынасын анықтайтын шығармашылық іс-әрекет, оның негізі еркін атмосфера, балалардың бастамасын көтермелеу, қолдау, баланың өз көзқарасының болуы, өзіндік ерекшелік пен өзін-өзі көрсетуге деген ұмтылыс. Интегративтілік ұстаным – театр және ойын қызметін дамыту бойынша мақсатты жұмыстардың тұтас педагогикалық процеске енгізілуі арқасында көрінеді. жүктеу/скачать 3.56 Mb. Достарыңызбен бөлісу:
|