Ақынова жібек мұхтарқызы
Практикалық сабақ 8. «Ертегілердің үзінділерін айту»
жүктеу/скачать 3.56 Mb. Pdf көрінісі
|
- Бұл бет үшін навигация:
- Практикалық сабақ 9. «Ертегі айтып бер».
| Практикалық сабақ 8. «Ертегілердің үзінділерін айту».
Мақсаты: топ ішінде сенім атмосферасын, достық қарым-қатынасын қалыптастыру. Өз ойын нақты, ашық жеткізуге үйрету. Баланың есте сақтауын, сөйлеу (сөйлемді дұрыс құра білу), сұрақ қоя білу және оған жауап беру дағдысын қалыптастыру. Сәлемдесу рәсімі. «Менің отбасым» жаттығуы. Қатысушылардың алдына он шақты ойыншықты немесе ертегі кейіпкерлері беріледі, оның отбасы мүшелеріне ұқсайтындарын таңдап алуды өтінеді. Қатысушының отбасы мүшелері туралы ойы қандай екенін және нені сезінетінін, отбасы мүшелеріне деген қандай қарым-қатынаста екенін біліп алуға септігі тиеді. Ертегілердің үзінділерін айту. Қатысушыларға ертегінің үзіндісі бейнеленген суретті беріп, сол туралы бала айтып береді. Егер бала қиналып айта алмаған жағдайда, педагог суретке байланысты сұрақ қояды, сұраққа жауап беру арқылы бала ертегіні айтады (Қосымша К). Тапсырма. Қатысушылар айтқан ертегі кейіпкерлерін жапсырмаға (липучка) жапсыру және кюар код арқылы ертегіні тыңдау (Қосымша Л). Қоштасу рәсімі. Практикалық сабақ 9. «Ертегі айтып бер». Мақсаты: топ ішінде сенім атмосферасын, достық қарым-қатынасын қалыптастыру. Өз ойын нақты, ашық жеткізуге үйрету. Баланың есте сақтауын, сөйлеу (сөйлемді дұрыс құра білу), сұрақ қоя білу және оған жауап беру дағдысын қалыптастыру. «Ертегіні модельдеу». «Тап» әдісі. Бұл әдісте түрлі-түсті геометриялық фигураларды қолданау арқылы ертегі кейіпкерлерді табу. Мысалы: шеңбер – сұр (сиыр, тышқан), төртбұрыш- қоңыр (жылқы), үшбұрыш -ақ (қоян), шеңбер - қызғылт сары (түлкі), төртбұрыш- сұр үлкен (қасқыр), үшбұрыш - қоңыр үлкен (аю). Балаларға суреттер бойынша сұрақтар қойылады. Бұл шеңберлер кімді бейнелейді? Ертегі қалай аталады? Кейіпкер қай ертегіден?, «Бұл қандай кейіпкер - мейірімді, батыл, айлакер, зұлым ба?». Балалар нақты жауап береді (Қосымша К). Ертегіге кіру рәсімі. Енді, біз көзімізді жұмып, кілем-ұшағымен ұшамыз. Бұлттардың үстінен жоғары көтерілеміз, деп елестетеміз. Біздің астымызда егістіктер мен ормандар, ауылдар мен қалалар бар. Айналамыз аппақ бұлт, қоңыр күздің салқынына қарамастан, біздің көңіліміз ақ жарқын! Міне, таңғажайып бұлттардың арасынан, біз ертегі орманын көреміз. Ол орманда үлкен әдемі алаңқай бар. Біз ертегі әлеміне келдік. Ал, енді көзімізді ашамыз. Ертегі айту. (Таяқша театры). Қатысушыларға таныс ертегі кейіпкерлері таяқшада беріледі. Өздері таңдаған кейіпкерлерін, рөлдерін сахналау арқылы кейіпкерледі сомдайды (Қосымша К). 114 Ертегіден шығу рәсімі. Ертегі ұнады ма? Маған өте қатты ұнады. Ал, енді біз Ертегі әлемінен кететін кез келді. Біз көзімізді жұмып, сиқырлы кілем-ұшаққа отырамыз. (Баяу музыка). Біз өз орнымызға оралдық! Бірақ, бұл ертегі біздің есімізде қалады. - Айтыңызшы, сіз осы ертегідегі кейіпкерлердің рөлінде өзіңізді қалай сезіндіңіз? - Бұл рөлдерді ойнау оңай болды ма? - Олар сіздің мінезіңізге жақын ба? - Бұл ертегіде қандай мәселе көтерілді деп ойлайсыз? - Бұл әдісті қандай жағдайларда қолдануға болады? Қоштасу рәсімі. Болашақ мектепке дейінгі ұйым педагогтерімен практикалық сабақ үрдісінде жоғарыда келтірілген әдістермен «Мақта қыз бен мысық», «Қотыр торғай», «Ақымақ қасқыр», «Күшік пен мысық», «Жыл басына таласқан хайуанаттар», «Қарлығаш пен дәуіт» қазақ халық ертегілері қолданылды. Болашақ мектепке дейінгі ұйым педагогтерін ертегі терапиясы арқылы балалардың коммуникативтік дағдыларын қалыптастыруға даярлау жұмыстарының мазмұны ұсынылды. Болашақ мектепке дейінгі ұйым педагогтерді іс жүзінде ертегімен жұмыс істеу формаларын, ертегіні құрастыру алгоритімін меңгерту. Балалардың коммуникативтік дағдыларын қалыптастыруда заманауи технологияларды қолдану үлгілерін барынша ашып көрсетуге тырыстық, зерттеуші ғалымдарың аталмыш мәселеге қатысты еңбектеріне сүйене отырып, нақты тұжырымдар келтірдік. жүктеу/скачать 3.56 Mb. Достарыңызбен бөлісу:
|