Айналайын ақ анам

Саз жетекші Есенгалиева А

Зал әсем безендірілген.

Әтеш жүгіріп кіреді.

ӘТЕШ: Ку –ка-ре-ку!

Жақсы жаңалық әкелдім, қар еріді, қыс кетті.

Жылғалардан су ақты.

Ұйықтағанды қояйық

Аналардың мерекесін, барлығымыз бірігіп бастайық.

Балалар залға кіреді

ЖҮРГІЗУШІ: Наурыз күні- Ана күні, әлем күні

Әлемді тебірендірер ана үні

Анасыз жан туған жоқ жер бетінде

Ұғып ал, бөбектерім, сендер мұны.

АЙЗАДА: Мен мұғалім анамның, өнегесін аламын.

Ертең менде анамдай. Оқытушы боламын.

ШЕРИЗАТ: Мен үшін не керек- бәрін іздеп табасың.

Айналайын анашым, жұмысыңа барасың.

Қайтып мені көргенде, шын сағынып қаласың.

НАЗИРА: Сенен өскен балалар. Батырлар мен даналар

Құттықтаймыз мейрамын , Құрметті аналар!

ДАСТАН: Әр сөзімді жаттаған, жүрегімде сақтаған,

Анашым деп мақтанам, айналайын ақ анам!

МАДИНА: Айналайын анашым, әлпештеген баласын,

Еміп өскен бөбекпіз, анамыздың мамасын.

АЙГЕРІМ Д: Ақ қабақты анашым, күн сәулелі анашым.

Әлпештеген баласын, айналайын анашым.

ӨЛЕҢ “ҚҰТТЫҚТАЙМЫН АНАШЫМ”

ЖҮРГІЗУШІ: Көкектің айы көктемім, күлімдеп күмбез көкте күн.

Жайқалған жасыл жапанға, қарашы нұрын төккенін.

ӨЛЕҢ “КӨКТЕМ” Балалар отырады

БАСТАУЫШ: Қызық –қуаныш жалғасады

Ертегі басталады.

ЖҮРГІЗУШІ: 8 наурыз күні қарсаңында 3 қыз терезе алдында отырып, былай деп дауласыпты:

1 ҚЫЗ: Анашымды мен сыйлаймын, өлең айтып құттықтаймын!

Інімізбен екеуміз, ән салып береміз.

ЖҮРГІЗУШІ: Әй, жарайсың балақай, әнің ұшсын зымырап.

Барлық ана қызықтап, күлкі сыйласын балаларға.

Частушкалар:/шеризат, Руслан, Айзада, Жанел, Мадина, руслан/

ЖҮРГІЗУШІ: Дауласпаймын сендермен, әнді жақсы айттыңдар,

Бірақ бізде балалар, болып қалды бір жағдай.

Жылғалардан аққан сулар, мерекемізге келіп, суреттегі аналарымыздың күлкілерін шайып жіберіпті.

БАЛАЛАР: Суды біз қорқытамыз. Аналарымыздың күлкісін қайтарамыз.

ОЙЫН “ПОРТРЕТТЕГІ КҮЛКІНІ САЛ”

ЖҮРГІЗУШІ: Ертегі жалғасады, аналар қуанады.

2 ҚЫЗ: Ал мен болсам анама, би билер ем аянбай.

Қызықтап биін қызының, қуанар еді анашым.

ЖҮРГІЗУШІ: Аманбысың ару қыз! Құр бос бізге мақтанбай билеп берсең әр қалай.

БИ: “АЙГӨЛЕК”

ЖҮРГІЗУШІ: Биің сенің тамаша, қимылыңда жаңаша.

Балалар, мен қиналып тұрмын, мына жіптерді түсі бойынша жинауға көмектесіңдерші.

БАЛАЛАР: Әрқашанда бәріміз, көмек беруге әзірміз.

ОЙЫН: “ТҮСІ БОЙЫНША ЖИНА”

ЖҮРГІЗУШІ: Үшінші ару қызымыз да талпынады, ертегі жалғасады.

3 ҚЫЗ: Мен анамды құшақтаймын, “Қал жақсы ма?” – деп сұраймын

Кейін сендермен қосылып, оркестірде ойнаймын.

ЖҮРГІЗУШІ: Аспаптарды алыңдар, бірігіп әуенді ойнаңдар.

Балалар оркестірде ойнайды

ЖҮРГІЗУШІ: Ару қыздар жарайсыңдар, аналарыңа ұнайсыңдар,

Шеңберге тұрыңдар, Билейді жас өрендер.

БИ “ДОСТАСАЙЫҚ”

ЖҮРГІЗУШІ: Мынау немене, балалар?

Алтын балық келді қараңдар!

БАЛЫҚ: Сендермен өте көңілді, сый күтіп тұр сендерді.

Би билеуге сендерге , келді менің сіңілім.

“БАЛЫҚТАР БИІ” /мектепалды даярлық топ қыздары/

БАЛЫҚ: Уақытты құр өткізбе, ау лақтыр теңізге.

Балықтарды аулаңдар, аналарыңа сыйлаңдар.

Балалар ау лақтырып балық аулап аналарына сыйлық тарту етеді.

НҰРСҰЛТАН: Бәрімізге анасың, біз үшін күн боп жанасың.

Құтты болсын мейрамың, құттықтаймын анашым.

ДАРЫН: Ерлік, еңбек атқарған, еңбегімен мақтаған,

Ел сенімін ақтаған, айналайын ақ анам.

РУСЛАН: Бізді өсіріп баптаған, жақсы болсаң шаттанған.

Алтыным деп мақтанам, айналайын ақ анам.

ЖАНЕЛ: Еркелесем күлімдейтін, ұрысөқаны білінбейтін,

Маңдайымнан иіскелейтін, құлыншағым күнім дейтін.

АРЛАН: Мәпелейсің мені анам, қолыңдағы құсыңдай,

Құлпыра өсіп дем алам, құшағыңда қысылмай.

АЙГЕРІМ: Менің атым Әлия, елге даңқым жария

Лайықты даңқыма. Қызмет етем халқыма.

ӨЛЕҢ “КӨП ЖАСА АНАШЫМ”