Білім алушының өзіндік жұмысы (БӨЖ) – белгілі бір тақырыптар бойынша оқу-әдістемелік әдебиеттермен қамтамасыз етілген және тестілеу, бақылау жұмыстары, коллоквиумдар, рефераттар, шығармалар және есеп беру түрінде бақыланатын өздік жұмыстары.
Білімнің электронды банкісі – оқу үдерісін және құжат айналымын автоматтандырылған басқару жүйесімен байланысты оқу және ғылыми негіздегі бағдарламалар мен дидактикалық құралдардың жиынтығы.
|
Виртуалды сабақтар – онлайндық және офлайндық технологиялармен қамтамасыз ететін оқу сабақтарының бір түрі.
|
Гипермәтін – интерактивті мәтін сияқты электронды формада көрсетілген, гиперсілтемемен байланысты ақпарат.
|
Гипермедиа – гипермәтін ретінде электронды формада көрсетілген оқу материалдарының бір түрі.
|
Қосымша білім беру бағдарламасы (Міпог) (минор) - білім алушыларға қосымша құзыреттіліктерді қалыптастыру мақсатында зерделеу үшін анықталған пәндер және (немесе) модульдер және оқу жұмысының басқа да түрлерінің жиынтығы.
|
Екі дипломдық білім беру –екі тең бағалы диплом немесе бір негізгі және екінші қосымша диплом алу мақсатында екі білім беру бағдарламасы мен оқу жоспары бойынша оқу мүмкіндігі.
|
Еуропалық трансферт (аударма) және кредит жинақтау жүйесі (ECTS) – студент шетелде алған кредиттерді өз білім беру ұйымына қайтып оралғаннан кейін дәрежені алу, сондай-ақ білім беру бағдарламалары шеңберінде кредиттерді жинақтау үшін есептелетін кредиттерге аудару тәсілі.
|
Желілік оқу материалдары – Интернетте бар материалдар, мультимедиа курстарының желілік нұсқалары.
|
|
