Ақселеу: Дүние былтыр қандай, биыл қандай, Заманның жал-құйрығы сұйылғандай. Тұрсын

Ақселеу: Дүние былтыр қандай, биыл қандай,

Заманның жал-құйрығы сұйылғандай.

Тұрсын: Жауап жоқ жан дауысым шықса-дағы,

Құдайдың құрдымына құйылғандай.

Тұрсын: Жалғанның жалаңдаған білдім бетін,

Жалайын енді аға кімнің көтін?

Ақселеу: Көнесің, көнбесіңе шара бар ма,

Сүйегің аман болсын, садақа етің.

Ақселеу: Дүние былтыр қандай, биыл қандай,

Дидары күннен күнге құлпырғандай.

Тұрсын: Жанарым, жаным аға, жарқ етті ғой,

Сусыным бір қанғанда жүрген қанбай.

Тұрсын: Дүние былтыр да осы, биыл да осы,

Талтайып тұрған, аға, ол да мосы.

Ақселеу: Бауырым, қызық-шыжық өтер-кетер,

Аумасын ер жігіттің тіккен қосы.

Достарыңызбен бөлісу: