Асыл тұқымды мал шаруашылығы және ветеринария саласындағы мемлекеттiк қызметтер стандарттарын бекiту және Қазақстан Республикасы Үкiметiнiң 2010 жылғы 20 шiлдедегi №745 қаулысына өзгерiстер мен толықтыру енгiзу туралы
жүктеу/скачать 453.62 Kb.
|
1 2
- Бұл бет үшін навигация:
- «Мемлекеттiк ветеринариялық-санитариялық бақылау объектiлерiне ветеринариялық-санитариялық қорытынды беру» мемлекеттiк қызмет стандарты 1. Жалпы ережелер
- 2. Мемлекеттiк қызметтi көрсетудiң тәртiбi
- 3. Жұмыс қағидаттары
- 4. Жұмыс нәтижелерi
- 5. Шағымдану тәртiбi
- Облыстық, аудандық, Астана және Алматы қалалары аумақтық инспекцияларының мекенжайлары мен телефондары
| Асыл тұқымды мал шаруашылығы және ветеринария саласындағы мемлекеттiк қызметтер стандарттарын бекiту және Қазақстан Республикасы Үкiметiнiң 2010 жылғы 20 шiлдедегi № 745 қаулысына өзгерiстер мен толықтыру енгiзу туралы
Қазақстан Республикасы Үкiметiнiң 2011 жылғы 29 сәуiрдегi № 464 Қаулысы "Егемен Қазақстан" 2011 жылғы 13 тамыз № 368-372 (26766); "Казахстанская правда" от 13.08.2011 г., № 258-259 (26679-26680); Қазақстан Республикасының ПҮАЖ-ы, 2011 ж., N 36, 430-құжат 
Қазақстан Республикасының 2008 жылғы 4 желтоқсандағы Бюджетi кодексiнiң 34-бабына және «Әкiмшiлiк рәсiмдер туралы» Қазақстан Республикасының 2000 жылғы 27 қарашадағы Заңының 9-1-бабына сәйкес Қазақстан Республикасының Үкiметi ҚАУЛЫ ЕТЕДI: 1. Қоса берiлiп отырған: 1) «Асыл тұқымды мал шаруашылығы саласындағы субъектiлердiң қызметiн мемлекеттiк аттестаттау» мемлекеттiк қызмет стандарты; 2) «Орны ауыстырылатын (тасымалданатын) объектiлерге Қазақстан Республикасының iшiнде қолданылатын және экспортқа арналған ветеринариялық сертификат беру» мемлекеттiк қызмет стандарты; 3) «Мемлекеттiк ветеринариялық-санитариялық бақылау объектiлерiне ветеринариялық-санитариялық қорытынды беру» мемлекеттiк қызмет стандарты; 4) «Жөмшөп пен жөмшөп қоспаларына, оларды мемлекеттiк тiркей отырып (қайта тiркеу) тiркеу куәлiгiн беру» мемлекеттiк қызмет стандарты; 5) «Ветеринариялық препараттарға, оларды мемлекеттiк тiркей отырып (қайта тiркеу) тiркеу куәлiгiн беру» мемлекеттiк қызмет стандарты; 6) «Тиiстi әкiмшiлiк-аумақтық бiрлiктiң аумағында қолданылатын; ветеринариялық анықтаманы беру» мемлекеттiк қызмет стандарты; 7) «Жануарға ветеринариялық паспорт беру» мемлекеттiк қызмет стандарты; 8) «Жануарлар өсiрудi, жануарларды, жануарлардан алынатын өнiмдерi мен шикiзаттың дайындауды (союды), сақтауды, қайта өңдеудi және өткiзудi жүзеге асыратын өндiрiс объектiлерiне, сондай-ақ ветеринариялық препараттарды, жемшөп пен жемшөп қоспаларын өндiру, сақтау және өткiзу жөнiндегi ұйымдарға есепке алу нөмiрлерiн беру» мемлекеттiк қызмет стандарты бекiтiлсiн. 2. «Жеке және заңды тұлғаларға көрсетiлетiн мемлекеттiк қызметтердiң тiзiлiмiн бекiту туралы» Қазақстан Республикасы Үкiметiнiң 2010 жылғы 20 шiлдедегi № 745 қаулысына (Қазақстан Республикасының ПҮАЖ-ы, 2007 ж., № 23, 264-құжат) мынадай өзгерiстер мен толықтыру енгiзiлсiн: көрсетiлген қаулымен бекiтiлген Жеке және заңды тұлғаларға көрсетiлетiн мемлекеттiк қызметтердiң тiзiлiмiнде: реттiк нөмiрлерi 133 және 135-жолдар алынып тасталсын; реттiк нөмiрi 136-жолдың 2-бағаны мынадай редакцияда жазылсын: «Ветеринариялық препараттарға, оларды мемлекеттiк тiркей отырып (қайта тiркеу) тiркеу куәлiгiн беру»; мынадай мазмұндағы 136-1 жолмен толықтырылсын: «136-1. «Жемшөп пен жемшөп қоспаларына, оларды мемлекеттiк тiркей отырып, (қайта тiркеу) тiркеу куәлiгiн беру»; 2-бағанда: реттiк нөмiрi 139-жол мынадай редакцияда жазылсын: «Орны ауыстырылатын (тасымалданатын) объектiлерге Қазақстан Республикасының iшiнде қолданылатын және экспортқа арналған ветеринариялық сертификат беру»; реттiк нөмiрi 142-жол мынадай редакцияда жазылсын: «Мемлекеттiк ветеринариялық-санитариялық бақылау объектiлерiне ветеринариялық-санитариялық қорытынды беру»; реттiк нөмiрi 143-жол мынадай редакцияда жазылсын: «Тиiстi әкiмшiлiк-аумақтық бiрлiктiң аумағында қолданылатын ветеринариялық анықтаманы беру»; реттiк нөмiрi 143-жолдың 6-бағанындағы «Облыстық және» деген сөздер алынып тасталсын. 3. Осы қаулы алғашқы ресми жарияланған күнiнен бастап күнтiзбелiк он күн өткен соң қолданысқа енгiзiледi. Қазақстан Республикасының Премьер-министрi К. Мәсiмов Қазақстан Республикасы Үкiметiнiң 2011 жылғы 29 сәуiрдегi N 464 қаулысымен бекiтiлген «Мемлекеттiк ветеринариялық-санитариялық бақылау объектiлерiне ветеринариялық-санитариялық қорытынды беру» мемлекеттiк қызмет стандарты 1. Жалпы ережелер 1. «Мемлекеттiк ветеринариялық-санитариялық бақылау объектiлерiне ветеринариялық-санитариялық қорытынды беру» мемлекеттiк қызметiн (бұдан әрi - мемлекеттiк қызмет) мекенжайлары мен байланыс деректерi осы Стандартқа 1-қосымшада көрсетiлген Қазақстан Республикасы Ауыл шаруашылығы министрлiгiнiң Ветеринариялық бақылау және қадағалау комитетiнiң аумақтық инспекциясының (бұдан әрi - Аумақтық инспекция) республикалық, маңызы бар қаланың, астананың бас мемлекеттiк ветеринариялық-санитариялық инспекторы және оның орынбасары, ауданның (облыстық маңызы бар қаланың) мемлекеттiк ветеринариялық-санитариялық инспекторы (бұдан әрi - Инспектор) ұсынады. Ескерту. 1-тармақ жаңа редакцияда - ҚР Үкiметiнiң 2011.09.23 N 1090 Қаулысымен. 2. Көрсетiлетiн мемлекеттiк қызметтiң нысаны: автоматтандырылмаған. 3. Мемлекеттiк қызмет: 1) «Ветеринария тураяы» Қазақстан Республикасының 2002 жылғы 10 шiлдедегi Заңының 1-бабы 9) тармақшасының, 16-бабының 3-тармағы 4) тармақшасының және 35-бабы 2-тармағына; 2) «Мемлекеттiк ветеринариялық-санитариялық бақылау объектiлерiне ветеринариялық құжаттарды беру ережесiн бекiту туралы» Қазақстан Республикасы Ауыл шаруашылығы министрiнiң м.а. 2009 жылғы 31 желтоқсандағы № 761 бұйрығының негiзiнде көрсетiледi. 4. Мемлекеттiк қызмет туралы ақпарат және мемлекеттiк қызмет көрсету стандарты (бұдан әрi - стандарт) Қазақстан Республикасы Ауыл шаруашылығы министрлiгiнiң интернет-ресурсында - www.minagri.gov.kz және осы Стандартқа 1-қосымшада көрсетiлген мекенжайлардағы аумақтық инспекциялардың үй-жайларында iлiнген стендтерде орналасқан. 5. Ұсынылатын мемлекеттiк қызметтiң нәтижесi: мемлекеттiк ветеринариялық-санитариялық бақылаудағы объектiнiң ветеринарлық (ветеринариялық-санитариялық) ережелерге, талаптарға және нормаларға, сәйкестiгi туралы ветеринариялық-санитарлық қорытынды (қағаздағы тасымалдағышта) бередi; анықталған жөнсiздiктi жоюға ұсыныстармен бiрге объектiнiң сәйкессiздiгi туралы ветеринариялық-санитариялық қорытынды беру (қағаздағы тасымалдағышта) болып табылады. 6. Мемлекеттiк қызмет жеке және заңды тұлғаларға (бұдан әрi - тұтынушы) көрсетiледi. 7. Мемлекеттiк қызмет мынадай мерзiмдерде ұсынылады: 1) тұтынушы осы Стандарттың 11-тармағында анықталған қажеттi құжаттарды тапсырған сәттен бастап мемлекеттiк қызметтi ұсыну мерзiмi - 5 (бес) жұмыс күнiнен аспайды; 2) мемлекеттiк қызметтi алуға дейiнгi ең жоғары рұқсат етiлетiн күту уақыты - 30 (отыз) минуттан аспайды; 3) мемлекеттiк қызметтi алушыға ең жоғары рұқсат етiлетiн қызмет көрсету уақыты - 30 (отыз) минуттан аспайды. 8. Мемлекеттiк қызмет ақылы көрсетiледi (ветеринариялық-санитариялық қорытынды бланкiсiн беру). Тұтынушы банк операцияларының жекелеген түрлерiн жүзеге асыратын екiншi дәрежелi банктер немесе ұйымдар арқылы мемлекеттiк сатып алу туралы конкурс нәтижесi бойынша анықталған бланктiң құнын төлейдi. Тұтынушы мемлекеттiк қызметке ақы төлеу кезiнде мынадай құжаттардың нысандарын толтырады: 1) қолма-қол ақы төлеу тәсiлi кезiнде - ақы төлеу туралы түбiртек; 2) «Қазақстан Республикасының аумағында төлем құжаттарын пайдалану және ақшаның қолма-қол жасалмайтын төлемдерi мен аударымдарын жүзеге асыру ережесiн бекiту туралы» Қазақстан Республикасының Ұлттық Банкi Басқармасының 2000 жылғы 25 сәуiрдегi № 179 қаулысымен бекiтiлген Қазақстан Республикасының аумағында төлем құжаттарын пайдалану және ақшаның қолма-қол жасалмайтын төлемдерi мен аударымдарын жүзеге асыру ережесiне сәйкес қолма-қол жасалмайтын ақы төлеу тәсiлi кезiнде - төлем тапсырмасы. 9. Мемлекеттiк қызмет «Қазақстан Республикасындағы мерекелер туралы» Қазақстан Республикасының 2001 жылғы 13 желтоқсандағы Заңында белгiленген демалыс және мереке күндерiнен басқа, жұмыс күндерi, сағат 9.00-ден 18.30-ге дейiн, сағат 13.00-ден 14.30-ге дейiнгi түскi үзiлiспен ұсынылады. Қабылдау алдын ала жазылусыз және тездетiлген қызмет көрсетуге, кезек күту тәртiбiмен жүзеге асырылады. 10. Мемлекеттiк қызметтi ұсыну үшiн күтуге және қажеттi құжаттарды дайындауға жағдай жасалады (күтуге арналған креслолар, құжаттарды толтыруға арналған орындар қажеттi құжаттардың тiзбесi және оларды толтыру үлгiлерi бар стендiлермен жарақталады). Комитеттiң ғимаратына физикалық мүмкiндiгi шектеулi адамдардың кiруiне арналған пандусы бар кiреберiспен жабдықталған. 2. Мемлекеттiк қызметтi көрсетудiң тәртiбi 11. Мемлекеттiк қызметтi алуға қажеттi құжаттар және оларға қойылатын талаптар тiзбесi: 1) мыналар көрсетiлген еркiн нысандағы өтiнiш: жеке тұлғалар үшiн - тегi, аты, әкесiнiң аты және мемлекеттiк ветеринариялық-санитариялық бақылау объектiсiнiң мекенжайы; заңды тұлғалар үшiн - атаулары, мемлекеттiк ветеринариялық-санитариялық бақылау объектiсiнiң мекенжайы, оның профилi; 2) жеке тұлға үшiн - жеке басын куәландыратын құжаттың көшiрмесi; 3) заңды тұлғалар үшiн - мемлекеттiк тiркеу (қайта тiркеу) туралы куәлiк көшiрмесi; 4) қажеттi зертханалық зерттеулер жүргiзiлгенi туралы ветеринариялық зертханалардың сараптама актiсi; 5) тексерiлетiн өндiрiс объектiсiн пайдалануға беру кезiнде - санитариялық-эпидемиологиялық қадағалау және өртке қарсы қызмет органдарының қорытындылары, үй-жайды жалға алу шарты немесе үй-жай иесiнiң меншiк құқығын растайтын құжат; 6) ветеринариялық-санитариялық қорытындыны бланкiсiнiң құнын төлегенiн растайтын құжат. 12. Өтiнiш осы Стандарттың 11-тармағының ережелерiн ескере отырып еркiн нысанда толтырылады. 13. Мемлекеттiк қызметтi алу үшiн тұтынушы осы Стандартқа 1-қосымшада көрсетiлген мекенжайлар бойынша, Аумақтық инспекцияның лауазымды адамдарына өтiнiш жасайды. 14. Тұтынушының қажеттi құжаттарды тапсырғанын растайтын құжат тiркеу нөмiрi мен күнi және мемлекеттiк қызметтi алатын күн көрсетiлген талон болып табылады. 15. Мемлекеттiк ветеринариялық-санитариялық бақылау объектiлерiне ветеринариялық-санитариялық қорытынды беру тұтынушының жеке өзi не оның өкiлi келген кезде жүзеге асырылады. 16. Объектiнiң сәйкессiздiгi туралы ветеринариялық-санитариялық қорытынды беруге мыналар: 1) мемлекеттiк ветеринариялық-санитариялық бақылау объектiсiнiң ветеринарлық (ветеринариялық-санитариялық) қағидаларға, талаптарға және нормаларға сәйкессiздiгiнiң анықталуы; 2) осы Стандарттың 11-тармағында көрсетiлген құжаттардың толық пакетiнiң, ұсынылған құжаттарда мемлекеттiк ветеринариялық-санитариялық бақылау объектiсiнiң ветеринариялық-санитариялық қағидаларға, талаптарға және нормаларға сәйкестiгi туралы толық ақпараттың болмауы; 3) мемлекеттiк ветеринариялық бақылау объектiсiнiң шыққан (орналасқан) орнында жануарлардың инфекциялық аурулары бойынша эпизоотиялық жағдайдың өзгеруi (нашарлауы) негiз болып табылады. 3. Жұмыс қағидаттары 17. Мемлекеттiк қызмет көрсететiн Аумақтық инспекцияның лауазымда адамдары өз қызметiнде мынадай қағидаттарды басшылыққа алады: 1) қарапайымдылық таныту, өзiнiң лауазымдық жағдайын баса көрсетпеу және пайдаланбау; 2) сыпайы және әдептi болу; 3) құжаттарды қарау кезiнде төрешiлдiк пен сөзбүйдаға салу көрiнiстерiне жол бермеу, олар бойынша белгiленген мерзiмде қажеттi шараларды қабылдау; 4) қызметтi тұтынушы құжаттарының сақталуын, қорғалуын және мазмұны туралы ақпараттың құпиялылығын қамтамасыз ету. 4. Жұмыс нәтижелерi 18. Тұтынушыларға мемлекеттiк қызметтi көрсету нәтижелерi осы Стандарттың 2-қосымшасына сәйкес сапа және тиiмдiлiк көрсеткiштерiнен өлшенедi. 19. Мемлекеттiк қызмет көрсететiн Аумақтық инспекцияның жұмысы бағаланатын мемлекеттiк қызметтiң сапа және тиiмдiлiк көрсеткiштерiнiң мақсатты мәндерi жыл сайын Қазақстан Республикасы Ауыл шаруашылығы министрiнiң бұйрығымен бекiтiледi. 5. Шағымдану тәртiбi 20. Инспектордың әрекетiне (әрекетсiздiгiне) шағым беру тәртiбiн түсiндiрудi, сондай-ақ шағымды дайындауда жәрдем көрсетудi осы Стандартқа 1-қосымшада көрсетiлген мекенжай бойынша аумақтық инспекция кеңсесi қызметкерi жүзеге асырады. 21. Көрсетiлген мемлекеттiк қызметтiң нәтижелерiмен келiспеген жағдайда, шағым Қазақстан Республикасы Ауыл шаруашылығы министрлiгiнiң Ветеринариялық бақылау және қадағалау комитетi төрағасының атына мына мекенжай бойынша: 010000, Астана қаласы, Кенесары көшесi, 36, 701-кабинет, телефон (8-7172) 555-961, e-mail: veterinar@minagri.kz, демалыс және мереке күндерiнен басқа, жұмыс күндерi, сағат 13.00-ден 14.30-ға дейiн түскi үзiлiспен, сағат 9.00-ден 18.30-ға дейiн берiледi. Ескерту. 21-тармақ жаңа редакцияда - ҚР Үкiметiнiң 2011.09.23 N 1090 Қаулысымен. 22. Дөрекi қызмет көрсеткен жағдайда шағым аумақтық инспекция бастығының атына осы Стандартқа 1-қосымшада көрсетiлген мекенжай бойынша демалыс және мереке күндерiн есептемегенде сағат 9.00-дгн 18.30-ға дейiн, түскi үзiлiспен сағат 13.00-ден 14.30-ға дейiн берiледi. 23. Шағым жазба түрiнде (еркiн) нысанда (дәлелдi бас тартудың көшiрмесiмен - болған жағдайда) қоса пошта немесе қолма-қол Аумақтық инспекция кеңсесiнде қабылданады. 24. Тұтынушы мемлекеттiк қызмет көрсету нәтижесiмен келiспеген жағдайда заңнамада белгiленген тәртiппен сотқа жүгiнуге құқығы бар. 25. Өтiнiш берушiге оның шағымының қабылданғаны туралы растама ретiнде берiлген шағымға жауап алатын күнi мен уақыты, мерзiмi мен орны көрсетiлген, шағымның қаралу барысы туралы бiлуге болатын лауазымды адамдардың байланыс деректерi көрсетiлген талон берiледi. 26. Тұтынушы мемлекеттiк қызметтiң көрсетiлетiн түрi бойынша қосымша ақпаратты осы Стандартқа 1-қосымшада көрсетiлген мекенжай бойынша аумақтық инспекция кеңсесiнде және аумақтық инспекцияда iлiнген стендтерден ала алады. «Мемлекеттiк ветеринариялық-санитариялық бақылау объектiлерiне ветеринариялық-санитариялық қорытынды беру» мемлекеттiк қызмет стандартына 1-қосымша Облыстық, аудандық, Астана және Алматы қалалары аумақтық инспекцияларының мекенжайлары мен телефондары
«Мемлекеттiк ветеринариялық-санитариялық бақылау объектiлерiне ветеринарлық-санитариялық қорытынды беру» мемлекеттiк қызмет стандартына 2-қосымша жүктеу/скачать 453.62 Kb. Достарыңызбен бөлісу:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
1 2