«атамекен» Қазақстан Республикасының Ұлттық кәсіпкерлер палатасы

Ағымдағы жылдың 10 тамызынан бастап тәлімгерлік қағидаттарын қолданумен жобалық оқытуды іске асыру басталды. Жобалық оқыту «Бизнес-кеңесші» курстарының логикалық жалғасына айналды. Аталған оқудың шеңберінде ӨКП бизнес-жаттықтырушылары тыңдаушыларға өңір үшін талап етілетін агроөнеркәсіптік кешен, өңдеу өнеркәсібі, қызметтер көрсету және т.б. бағыттардағы нақты жобаларды іске асыруға көмектеседі.

Жалпы, Жобалық оқыту тыңдаушыларға халықаралық тәжірибені ескере отырып, бизнес-жоспар мен маркетингтік стратегиядан бастап персоналды басқару менеджментіне дейін қадамдық практикалық нұсқаулықтар береді. Мысалы, шағын-ферманы немесе дүкенді қалай ашуға болады, жүк тасымалдары қызметін көрсететін фирманы қалай құруға болады, құрылыс материалдарын өндіру немесе жылыжай орнатуды ұйымдастыру үшін не істеу керек екеніне үйрететін нұсқаулықтар. Мұндай дағдылар бұрын кәсіпкерлікпен мүлдем айналыспаған не басқа қызмет түрімен айналысқандар үшін пайдалы. Бұл, негізінен, тыңдаушының одан әрі тек іске асырылуы ғана қалатын дайын жобаның «нобайын» алатындығымен қолайлы.

Жобалық оқыту Қостанай облысы әкімдігінің Кәсіпкерлік және индустриялық-инновациялық даму басқармасымен келісілген, бекітілген кесте бойынша жүргізіледі. Осы кестеге сәйкес оқыту 2015 жылғы 30 қазанға дейін жүргізілді. Тыңдаушылар саны бойынша қол жеткізілген жоспарлы көрсеткіш 65 адамды құрайды. 2015 жылғы 1 желтоқсандағы жағдай бойынша Жобалық оқытудан 74 тыңдаушы өтті.

№14 кесте. «Тәлімгерлік қағидатын қолданумен жобалық оқыту» жобасы тыңдаушыларының ішінде «Бизнестің жол картасы 2020» бизнесті қолдаудың мемлекеттік бағдарламасы шеңберінде іске асырылған жобалар

2015 жылғы 1 сәуірден 30 қарашаға дейінгі кезең ішінде «Жобалық оқыту» жобасының шеңберінде оқудан 107 адам өтті. «Жобалық оқыту» курсы бойынша оқудан өтуге ниет білдіргендер өз ниеттерін жобалық оқытудың басты артықшылығы тәлімгерлік қағидаттарын қолдану болып табылатынымен уәждейді. Палата курстарға бейінді салаларда табыстарға жеткен, жұмыс істеп тұрған кәсіпкерлерді тартады.  

Курстарда алған білімінің арқасында «Бизнес-Мектеп» құрауышының кейбір қатысушылары өз бизнестерін ашып, қызметтерін кеңейте алды.

Мәселен, 2015 ж. 1 шілдеден бастап 1 қазанға дейінгі кезеңде «Жобалық оқыту» жобасы бойынша оқытылған тыңдаушылардың ішінде 83,4 млн. теңге сомасына 19 жоба қаржыландырылды, олардың ішінде Қызылорда қ. – 2, Арал ауданында – 1, Жалағаш ауданында – 2, Қазалы ауданында – 2, Қармақшы ауданында – 6, Сырдария ауданында – 1, Шиелі ауданында – 5.

• 
  ЕДБ – 13 млн. тг. сомасына 1 жоба;
  
• 
  АШҚҚҚ АҚ – 28,4 млн. тг. сомасына 11 жоба;
  
• 
  «Лукойл» ААҚ гранты – 200 мың тг. сомасына 1 жоба;
  
• 
  инновациялық грант – 4 млн. тг. сомасына 2 жоба;
  
• 
  РАО – 38 млн. тг. сомасына 4 жоба.
  

Маңғыстау облысында әкімнің орынбасары бекіткен және келіскен кестеге сәйкес аталған жоба бойынша оқыту 2015 жылғы 6 қыркүйектен басталды. Жобаның шеңберінде оқыту мынадай тақырыптар бойынша жүргізілді:

– шаруа қожалығын құру (ІҚМ, ҰМ және құс шаруашылығы);

– наубайхана, аспазхана ашу;

– жылыжай, көкөніс өсіру;

– ателье, тігін цехын ашу;

– туристік компания ұйымдастыру (ішкі туризм);

– балабақша ашу.

Есепті кезең ішінде аталған курс шеңберінде оқудан 15 адам өтті. Жобаға қатысушылардың барлығы кәсіпкерлер болып табылады.

Маңғыстау облысында тәлімгерлік қағидаттарын қолдана отырып жобалық оқытудың нәтижесі (16-кесте):

№16 кесте. Жобалық оқыту бойынша оқу нәтижелері

Павлодар облысында оқытуды ұйымдастыру үшін мынадай 8 тәлімгер шақыртылды: