КІРІСПЕ Тақырыптың өзектілігі

Тәуелсіздік...

Осынау сөзді есту үшін, оған қол жеткізу үшін, артындағы келешегін қорғап, намыс үшін тырысып, қолдарына найза алып, осынау кең байтақ жатқан жер үшін, қасықтай қандарымен, шыбын жандарымен қорғаған халқымыз сан ғасырлар бойы «көз алартқандармен» арпалысқан еді.

Атамекен бостандығы, әрине, оңайлықпен келмеді. Халық қабырғадан қан кешті, дала төсін қайғы-қасірет жапты. Тарих тудырған қазақ халқымның батыр ұлдарының ерлігі халық қасіретін жеңілдеткендей болды, рухтан-дырды, демеп жіберді.

Қазақстан Республикасы сан ғасырлар бойы аңсаған тәуелсіздігін қолына алып, он бес жылдығын басынан өткеріп, болашаққа аяқ басып отыр. Осынша жылдар өтсе де, халқымыз берекелі де шуақты күндер мен бірлікте бір ту астынан табылып тыныш өмір сүріп жатыр. Бұған «тәубә» деуіміз қажет шығар. Иә, Қазақстан дербес мемлекет атанып, ішкі және сыртқы саясатын тәуелсіздік тұрғысында жүргізіп келгені шындық және жүргізе береріне еш күмән жоқ.