Қазақстан Республикасы Әділет министрінің 2012 жылғы 31 қаңтардағы №30 бұйрығы «Нотариат туралы»



Дата17.07.2016
өлшемі119.33 Kb.
#205296
Жеке нотариустардың есептік тіркеуден өту ережесін бекіту туралы

Қазақстан Республикасы Әділет министрінің 2012 жылғы 31 қаңтардағы № 30 бұйрығы

 

«Нотариат туралы» Қазақстан Республикасы Заңының 32-бабы 7) тармақшасына сәйкес БҰЙЫРАМЫН:



1. Қоса беріліп отырған жекеше нотариустардың есептік тіркеуден өту ережесі бекітілсін.

2. «Жекеше нотариустарды есептік тіркеу туралы ережені бекіту туралы» Қазақстан Республикасы Әділет министрінің 2011 жылғы 15 тамыздағы № 264 бұйрығының күші жойылды деп танылсын. (Нормативтік құқықтық актілерді мемлекеттік тіркеу тізілімінде № 7074 болып тіркелген).

3. Осы бұйрықтың орындалуын бақылау Қазақстан Республикасы Әділет министрлігі Тіркеу қызметі және құқықтық көмек көрсету комитетінің төрағасына жүктелсін.

4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.

 

 



Министр

Б. Имашев

 

Қазақстан Республикасы



Әділет министрінің

2012 жылғы 31 қаңтардағы

30 бұйрығымен



бекітілген

 

 



Жекеше нотариустардың есептік тіркеуден өту

ережесі

 

1. Жекеше нотариустардың есептік тіркеуден өту ережесі (бұдан әрі - Ереже) Қазақстан Республикасының «Нотариат туралы» Заңының (бұдан әрі - Заң) 32-бабының 7) тармақшасына сәйкес әзірленді және жекеше нотариустардың есептік тіркеуден өту шарттары мен тәртібін айқындайды.

2. Жекеше нотариустарды есептік тіркеу (бұдан әрі - есептік тіркеу) дегеніміз жекеше нотариус пен оның үй-жайының орналасқан жері туралы мәліметтерді қалыптастыру мақсатында нотариаттық палатаға мүшелікке енген адамдарды аумақтық әділет органында есепке қою.

3. Нотариаттық палатаның мүшелігіне енген адам есептік тіркеуден өтуі үшін аумақтық әділет органына осы Ережеге 1-қосымшаға сәйкес нысан бойынша өтініш береді.



Өтінішке мынадай құжаттар:

1) Қазақстан Республикасы азаматының жеке басын куәландыратын құжатының көшірмесі;

2) аумақтық нотариаттық палата басқармасының оны нотариаттық палатаға мүшелікке қабылдағаны туралы шешімінен үзіндісі;

3) аумақтық әділет органының тиісті нотариаттық округтың есептік тіркеуінен шығару туралы бұйрығының көшірмесі (егер өтініш беруші бұрын басқа нотариаттық округте нотариаттық қызметті жүзеге асырған болса);

4) жекеше нотариустың меншік құқығын немесе үй-жайды жалға алғанын растайтын құжаты қоса беріледі.

4. Аумақтық әділет органы жекеше нотариустың есептік тіркеуге өтініші келіп түскен күннен бастап бес жұмыс күні ішінде оның үй-жайының Қазақстан Республикасы Әділет министрінің 2012 жылғы «31» қаңтар № 29 бұйрығымен бекітілген (нормативтік құқықтық актілерді мемлекеттік тіркеу тізілімінде № 7444 тіркелген) Нотариустардың үй-жайына қойылатын талаптарына (бұдан әрі - Талаптар) сәйкес келуіне тексеруді жүзеге асырады.

5. Аумақтық әділет органы өтінішті қараудың нәтижесі бойынша өтініш берушіні есептік тіркеуге қою туралы бұйрық шығарады және нотариаттық палатамен бірлесіп оның қызмет ететін аумағын белгілейді.

6. Осы Ереженің 3-тармағында көзделген құжаттар тізбесін толық ұсынбаған немесе жекеше нотариустың үй-жайы Талаптарға сәйкес келмеген жағдайда аумақтық әділет органы есептік тіркеуге қоюдан бас тарту туралы бұйрық шығарады.

7. Өтініш берушіні есептік тіркеуге қою және оның қызмет етуіне аумақты белгілеу туралы мәліметтер Бірыңғай нотариаттық ақпараттық жүйедегі жекеше нотариустарды есептік тіркеуге қою туралы мәліметтердің электрондық тізіліміне (БНАЖ электрондық тізілімі) осы Ереженің 2-қосымшасына сәйкес нысан бойынша енгізіледі.

8. БНАЖ электрондық тізілімін аумақтық әділет органдары жүргізеді.

9. БНАЖ электрондық тізіліміне енгізілетін мәліметтердің толық, дұрыс және уақтылы болуын аумақтық әділет органы бірінші басшысының немесе оның міндеттерін атқарушы тұлғаның бұйрығымен белгіленген аумақтық әділет органының қызметкері қамтамасыз етеді.

10. Жекеше нотариустың тегі, аты, әкесінің аты өзгерген не нотариаттық қызметпен айналысу құқығына лицензияның телнұсқасын алған жағдайда аумақтық әділет органы жекеше нотариустан тиісті ақпарат түскен күннен бастап бес жұмыс күнінен кешіктірмей БНАЖ электрондық тізіліміне өзгерістерді енгізеді.



Бұл ретте, жекеше нотариус аумақтық әділет органына өзінің деректерінің өзгергені туралы ақпаратына тиісті өзгерістерді растайтын құжаттарының көшірмелерін қоса ұсынады.

Аумақтық әділет органы жекеше нотариустың бұрын берілген жеке мөрін алып қояды және жояды.

Бұл ретте жекеше нотариус жаңа мөрді дайындап болған соң нотариаттық іс-әрекеттер (өзгертілген деректерімен) жасайды.

11. Жекеше нотариустың белгіленген аумақтағы үй-жайының орналасқан жері өзгерген жағдайда ол туралы аумақтық әділет органын осы Ереженің 3-қосымшасына сәйкес нысан бойынша хабардар етеді.



Аумақтық әділет органы хабарламаны алғаннан кейін бес жұмыс күні ішінде жекеше нотариустың үй-жайының Талаптарға сәйкес келуіне тексеру жүргізеді.

Жекеше нотариустың үй-жайының орналасқан жері белгіленген аумақ ішінде өзгерген кезде қайтадан есептік тіркеу талап етілмейді.

12. Жекеше нотариустың үй-жайы Талаптарға сәйкес келген кезде аумақтық әділет органы БНАЖ электрондық тізіліміне тиісті өзгерістер енгізеді.



Бұл ретте жекеше нотариус жаңа орналасқан жері бойынша БНАЖ электрондық тізіліміне тиісті өзгерістер енгізілген соң ғана нотариаттық іс-әрекеттер жасайды.

13. Жекеше нотариус нотариаттық палата мүшелігінен шығу туралы өтініш берген кезде үш жұмыс күні ішінде нотариатық палата аумақтық әділет органын ол туралы хабарландырады.

14. Аумақтық әділет органы хабарлама түскеннен кейін бір айлық мерзім ішінде мынадай шараларды жүзеге асырады:

1) жасалынған нотариаттық іс-әрекеттердің заңдылығын тексеру;

2) жекеше нотариустың жеке мөрін алып қою және жою;

3) жекеше нотариустың лицензиясын алып қою және Қазақстан Республикасының Әділет министрлігіне жіберу (лицензияның қолданысы Заңның 12-бабының 2)-7) тармақшаларындағы негіздер бойынша тоқтатылған болса).

Аумақтық әділет органы нотариаттық палатамен бірлесіп айлық мерзім ішінде нотариаттық құжаттарды қабылдауды және жекеше нотариаттық мұрағатқа табыстауды жүзеге асырады.

Осы тармақта көзделген іс-шараларды жүргізу үшін қосымша уақыт қажет болған жағдайда аумақтық әділет органының басшысы, не оның міндеттерін атқарушы тұлға және нотариаттық палатаның төрағасы оны бір айдан аспайтын мерзімге ұзартады.

15. Осы Ережеде көзделген іс-шараларды жүргізудің нәтижелері бойынша аумақтық әділет органы нотариаттық палатамен бірлесіп осы Ереженің 4-қосымшасына сәйкес нысан бойынша жекеше нотариусты есептік тіркеуден шығару туралы қорытынды шығарады.



Шығарылған қорытындының негізінде аумақтық әділет органы жекеше нотариусты есептік тіркеуден шығару туралы бұйрық шығарады.

16. Жекеше нотариусты есептік тіркеуден шығару туралы мәлімет БНАЖ электрондық тіркеліміне енгізіледі.

 

Жекеше нотариустардың



есептік тіркеуден өту ережесін

ережесіне 1-қосымша

 

 



Нысан

 

_________________(қаласы) облысы



Әділет департаментінің бастығына

_______________________________

___________________________-дан

_______________________________

 

Өтініш

 

Сізден ________________________________________________________________________________________________________

(нотариаттық округтің әкімшілік аумақтық бірлігі көрсетіледі)

______________________________________________________________________________________________ жекеше нотариусы

ретінде есептік тіркеуден өткізуіңізді сұраймын.

Осы өтінішке қоса беріледі:

_______________________________________________________________________________________________________________

_______________________________________________________________________________________________________________

_______________________________________________________________________________________________________________

_______________________________________________________________________________________________________________

_______________________________________________________________________________________________________________

_______________________________________________________________________________________________________________

_______________________________ _________________________________________

 (Қолы)                                                           (аты-жөні)



20 __ жылғы «____»___________________

 

Жекеше нотариустардың



есептік тіркеуден өту ережесін

ережесіне 2-қосымша

 

 



Нысан

 

Бірыңғай нотариаттық ақпараттық жүйедегі ________________________ (қаласы) облысы



жекеше нотариустарын есептік тіркеу туралыэлектрондық

 тізілімі

 


Рет №

Жекеше нотариустың аты-жөні

Жеке басты куәландыратын құжаттың нөмірі, күні

Мемлекеттік лицензияның нөмірі, берген күні

Нотариаттық палатаға мүшелікке кірген күні

Есептік тіркеуге қойылған күні

Жекеше нотариустың қызмет ететін аумағы

Жекеше нотариуcтың орналасқан үй-жайы

Жекеше нотариустың тұратын мекенжайы

Нотариаттық палата мүшелігінен шығарылған күні

Есептік тіркеуден шығарылған күні

Жазбаны енгізген тұлғаның аты-жөні (лауазымы)

Ескертпе

1

2

3

4

5

6

7

8

9

10

11

12

13

 

 

 

 

 

 

 

 

 

 

 

 

 

 

Жекеше нотариустардың



есептік тіркеуден өту ережесін

ережесіне 3-қосымша

 

 



Нысан

 

________________ (қаласы) облысы бойынша



Әділет департаментінің бастығы

________________________________________

________________________________________

____________________________________-тан

 

Хабарлама

 

Мен, жекеше нотариус ___________________________________________________________________________________________,

(нотариустың аты-жөні. Лицензиясының нөмірі мен берген күні)

өз үй-жайымның орналасқан жерінің өзгергені туралы хабарлаймын

_______________________________________________________________________________________________________________,

(үй-жайының өзгеру себебін көрсетсін)

___________________________________________________________________________________ мекенжайы бойынша орналасқан.

(үй-жайының орналасқан мекенжайын көрсетсін)

Аумақтық әділет органының көрсетілген үй-жайдың Қазақстан Республикасы Әділет министрінің 2012 жылғы _____________ №_____ бұйрықпен бекітілген нотариустың үй-жайына қойылатын талаптарына сәйкес келу мәніне тексеру жүргізуді сұраймын.

Аталған мекенжай бойынша нотариаттық іс-әрекеттер БНАЖ электрондық тізіліміне өзгерістер енгізілген соң жасалатыны маған белгілі.

 

Нотариус ___________________________

 (қолы)

Күні

 

Жекеше нотариустардың



есептік тіркеуден өту ережесін

ережесіне 4-қосымша

 

 



Нысан

 


Келісілді

Нотариаттық палатаның

Төрағасы

__________________________(округі)

_______________________(аты-жөні)

20 __ жылғы «___» _______________

Келісемін

__________________ қаласы (облысы)

Әділет департаментінің

бастығы

_________________________________

20 __ ж. «____» ___________________

 

 



 

 

Жекеше нотариусты есептік тіркеуден шығару туралы



қорытынды

 

Әділет департаменті (қаланың, облыстың) нотариаттық палатамен (округтың атауы) бірлесіп нотариаттық практикамен айналысатын жекеше нотариустың (жекеше нотариустың аты-жөні) есептік тіркеуден шығару туралы ұсынған құжаттарын қарап шығып, мыналарды белгіледі.



20 __ жылғы «___» ____ (округтың атауы) нотариаттық палатасына жекеше нотариустың (аты-жөні) нотариаттық палатаның мүшелігінен шығу туралы оның өтініші түсті.

(Округтың атауы) нотариаттық палатасы жекеше нотариус (аты-жөні), нотариаттық палатаның басқарма мүшелерінің отырысының хаттамасына (хаттаманың күні) сәйкес нотариаттық палата мүшелігінен шығарды.

20 __ жылы «___»____ (______қаласы, облысы) Әділет департаментіне (округтың атауы) нотариаттық палатасының жекеше нотариус (аты-жөні) (округтың атауы) нотариаттық палатасы мүшелігінен шығару туралы хабарламасы келіп түсті.

20 __ жылы «___» ____ (______қаласы, облысы) Әділет департаменті жекеше нотариус (аты-жөні) жасаған нотариаттық іс-әрекеттердің заңдылығына тексеру жүргізді, ол туралы тексерудің нәтижелері туралы актіде көрсетілген.

Жасалынған нотариаттық іс-әрекеттердің заңдылығын тексерудің нәтижелері туралы актіге сәйкес жекеше нотариустың (аты-жөні) қызметінде бұзушылықтар анықталған жоқ (бұзушылық болған жағдайда оларды жою туралы іс-шараларды көрсету).

(облыстардың, қаланың) Әділет департаменті жекеше нотариустың жеке мөрін алып қою және жоюды 20 __ жылғы «____» ______ актіге сәйкес жүргізді. Жекеше нотариустың құжаттары 20 __ жылғы «____» ______ қабылдау табыстау актісіне сәйкес жекеше нотариаттық мұрағатқа берілді. Жекеше нотариус (аты-жөні) 20__ жылғы «____» ______№ _______ жекеше нотариаттық қызметпен айналысу құқығына лицензиясы алынды.

Жоғарыда жазылғандардың негізінде жекеше нотариус (аты-жөні) есептік тіркеуден шығаруға болады деп есептейміз.

(аты-жөні, қолы, қорытынды жасаған тұлғаның лауазымы)

 

 

Достарыңызбен бөлісу:




©dereksiz.org 2024
әкімшілігінің қараңыз

    Басты бет