Қазақстан Республикасы Көлік және коммуникация министрінің м а. 2011 жылғы 13 мамырдағы №276 Бұйрығы «Ішкі су көлігі туралы»

жүктеу/скачать 1.8 Mb.

бет	8/23
Дата	09.06.2016
өлшемі	1.8 Mb.
	#124549

1 ... 4 5 6 7 8 9 10 11 ... 23

38-тармағының талаптарына сәйкес техникалық бақылау жүргізеді.

353. Механизмдерді монтаждау олардың типі және конструкциясына байланысты және бұйымды дайындаушы-ұйымның ұсыныстарын ескере отырып, келісілген техникалық құжаттамаға сәйкес жүргізіледі.

354. Беріліс және муфтіні монтаждауға техникалық бақылау жүргізу кезінде Кеме қатынасы тіркелімінің қызметкері тексереді:

1) беріліс корпустарының кемелік іргетастарға бекітілуінің сенімділігі;

2) біліктерде берілісте айналу сәтіне қатысушы түйіндер мен бөлшектер монтажының сапасы.

355. Басты қозғалтқыштардан әрекетте жүргізілетін объектілерді монтаждауға және сынауға техникалық бақылау, басты қозғалтқыштарды монтаждауға және сынауға техникалық бақылаумен жүргізіледі.

356. Монтаждық жұмыс аяқталғаннан кейін монтаж сапасын және оның Кеме қатынасы тіркелімімен келісілген жұмыс сызбасына сәйкестігін тексеру үшін механизмдерді қарау жүргізіледі.

357. Дейдвудты құрылғыларды және білік өткізгіштерді кемеде монтаждау, басты қозғалтқыштар және білік өткізгіштердің мойынтірегі астындағы іргетас бойынша, білік өткізгіш және машиналық бөлімшенің ауданында орналасқан саңылауларды және цистерналарды сынау, білік өткізгіштің теоретикалық осін анықтау бойынша жұмыстарды қоса корпустық жұмыстар аяқталғаннан кейін жүргізіледі.

358. Дейдвудты құрылғыларды және білік өткізгіштерді монтаждауға дейін шоғырланған жүктер, корпустың деформациясына әкеліп соғуы мүмкін ауырлық күштері, өздерінің штатты орындарында орнатылуы және нығайтылуы қажет, ал білік өткізгіш және машиналық бөлімше ауданында орналасқан корпустың орналасуын өзгерту, оның жұмыс басында тіркеген орналасуынан ±3 мм асады.

359. Дейдвудты құрылғыны монтаждау кезінде тексеріледі:

1) білік өткізгіштің теоретикалық осінің тесу сапасы;

2) өлшемдер, үлгілердің және отырғызылатын белбеулердің кедір-бұдырлығының және кронштейннің тік бетінен ауытқуы, мортирді, ахтерпикті аралықтарды, дейдвудты құбырлар және мойынтіректердің төлкелерінің белдіктерін отырғызуды;

3) отырғызылатын жанасатын беттің сызба талаптарына сәйкестігі;

4) бөлшектерді престеу бойынша күшейту, оларды бекіту және тоқтату сенімділігі.

Монтаждан кейін ішкі диаметрлерге бақылап өлшеу және мойынтіректерге дейдвудты қарау жүргізіледі.

Егер дейдвудты құбыр корпусты су өткізбеушілікке сынағаннан кейін орнатылса, онда бұл сынау корпустың тиісті тесігіне қолданумен қайта жүргізіледі.

360. Білік өткізгішті монтаждау алдында Кеме қатынасы тіркелімі мыналарды қызметкері тексереді:

1) іргетастарды мойынтірек астында орнатуды және олардың тіректік беттерін өңдеуді - жазықтықтан, кедір-бұдырлықтан ауытқуын, іргетастардың тіректік табақшаларының қалыңдығын;

2) сыртынан қарау жолымен еспелі білікті және оның құжаттарын;

3) еспелі бұранданы және жартылай муфтыны еспелі білікке қалыптастыру сапасы;

4) еспелі білік және мойынтіректер мойынын өлшеу нәтижелері бойынша, дейдвудты және кронштейнді мойынтіректердегі саңылаулар.

361. Еспелі білікті орнатқанннан кейін тексереді:

1) мойынтіректегі саңылаулар;

2) осьтік бағыттағы дейдвудты құрылғыдағы еспелі біліктің орналасуы;

3) дейдвудты майлағыштарды орнатудың немесе басқа дейдвудты құрылғыларды тығыздау және майлағыш толтырғышты салу сапасы.

362. Жылжытқышты монтаждау алдында бақылайды:

1) құжаттардың, таңбаның болуы;

2) жоғарғы беткі ақаулардың болмауы (сыртынан қарау жолымен);

3) отырғызылатын жоғарғы күпшік саңылауының сапасы, күпшіктің конусты саңылауын білік бойынша қалыптастыруды;

4) шпонкілерді шпонды жалғауларға қалыптастыру.

363. Еспелі бұранданы немесе су атқыш жылжытқыштардың роторларын монтаждау кезінде Кеме қатынасы тіркелімінің қызметкері тексереді:

1) білікке қатысты еспелі бұранданың осьтік орын ауыстыруы;

2) жалғаулардағы престеу және тарту күштері;

3) гайка орағышының күпшікке жанасу және оны тоқтату сенімділігінің бірқалыптылығы және тығыздығы;

4) тарту күшін және алмалы қалақшалардың нығайту бөлшектерін тоқтатуды;

5) қондырма және бұранда қалақшалары арасындағы немесе суатқыш жылжытқыштың ағын бөлігіндегі саңылаулар;

364. Білік өткізгішті монтаждау және центрлеу алдында тексереді:

1) біліктердің мойнының диаметрін және мойынтіректердегі саңылауларды анықтау үшін бақылап өлшеу нәтижесі бойынша мойынтірек жапсарларының ішкі қырнағыштарын;

2) біліктердегі айналу мойынтірегі монтажының сапасы;

3) мойынтіректердегі біліктерді салуды және мойынтіректерді іргетасқа орнату;

4) бақылау таңбасы бойынша оларды цехта жалғау кезінде біліктердің бір-біріне қатысты өзара орналасуы;

5) тіреуіш болттардың және іргетастардағы және мойынтіректердегі саңылаулардың өңделуін.

365. Білік өткізгішті центрлеу Кеме қатынасы тіркелімі қызметкерінің келісімі бойынша кез келген жалпы қабылданған тәсілмен жүргізіледі және осындай үлгімен, кемені тиеудің кез келген нұсқасында және біліктер мен мойынтіректердің рұқсат етілген тозуларында мойынтіректе біліктердегі кернеулер мен жүктемелерді пайдалану кезінде рұқсат етілген мәннен аспауы керек.

366. Фланцтық жалғау болтының астындағы саңылауларды жалғанатын біліктердің екі фланцы үшін, нақты өлшемі бойынша бірге өңдейді, сонымен бірге болттар мен гайканың басының жоғарғы фланцке жанасу тығыздығын тексереді.

367. Білік өткізгішті монтаждау кезінде және барлық жалғаулар, бекітулер құрамасын аяқтағаннан кейін тексеріледі:

1) мойынтіректердегі біліктердің күйін және тіректік жапсарларды білік мойындарына жанасуын;

2) еспелі және сегменттік арасындағы тіректік мойынтіректегі саңылаулар, тіректік бурттар және білік өткізштердің ойыңдары немесе мойынтірек жапсарларының бүйір жағы арасындағы саңылаулар;

3) мойынтіректер корпусының тірек қалақшаларының астындағы астарды қалыптастыру;

4) іргетастардағы және мойынтіректердегі бекітетін болттардың саңылауын өңдеу;

5) бекіту сенімділігі және болттарды тоқтату;

6) басты қозғалтқыштың иінді білігінің оны білік өткізгішке жалғағаннан кейінгі раскептері.

368. Білік өткізгішті центрлеудің ақырғы бақылауы кемені бос су ығысуынан 85% кем емес су ығысуы кезінде төсемді мойынтірекке ақтаудан кейін жүргізіледі.

Білікөткізгіш сызықтарын центрлеу сапасы мойынтірек сырғанауында, арнайы құралмен немесе есепті кесте көмегімен анықталатын мойынтірекке нақты жүктеме бойынша бағаланады. Бағалау сондай-ақ, мойынтірекке рұқсат етілген жүктемеге байланысты жақын формула көмегімен анықталатын білік осьтерінің сынықтары мен ығысуларының рұқсат етілген мәні бойынша жүргізіледі.

Центерлеу параметрлерінің (білік осьтерінің сынықтары және ығысулар) өлшеу нәтижелері, осы параметрлердің есепті және рұқсат етілген мәндері келтірілетін кестеге жазылады және Кеме қатынасы тіркелімінің қызметкеріне ұсынылады.

369. Білік өткізгіш құрылғының, тахометр қалқанының, білік өткізгіш тежегішінің, қуат құрылғысын таңдау монтаждау, жинау және бақылау Кеме қатынасы тіркелімімен келісілген техникалық құжаттамаға сәйкес жүргізіледі.

370. Басты қозғалтқыштың иінді білігінің центрлеу параметрлерін білік өткізгішпен және редуктормен өлшеу білік өткізгішті центрлеумен бір мезгілде немесе онан кейін жүргізіледі. Өлшенген параметрлер мәні стандарттарда немесе дайындаушы-ұйыммен әзірленген тізбектелген объектілерді монтаждаудың техникалық шарттарында көрсетілгенге сәйкес келуі қажет. Иінді біліктің рамасының тіксызықтығы және раскептерінің рұқсат етілген ауытқулары, қозғалтқышты дайындаушы-ұйыммен белгіленген нормаға сәйкес келуі қажет.

371. Қозғалтқыштың және электрогенератордың иінді білігін олардың қатты жалғауларында центрлеу (электрлі жылжитын кемелердегі басты агрегаттардың) генераторды дайындаушы-ұйымның техникалық шарттарында көрсетілген рұқсат етілген шекте орындалады.

Еспелі электр қозғалтқыш зәкірінің білігін және тіректік білікті центрлеу, еспелі электр қозғалтқышты дайындаушы-ұйыммен белгіленген рұқсат етілген шекте орындалады.

372. Компрессорларға, сорғыларға, желдеткіштерге және сеператорларға техникалық бақылау бұйым типіне, міндетіне және конструкциясына байланысты келісілген техникалық құжаттамаға сәйкес жүргізіледі.

373. Жүйелер және құбырлар монтажына техникалық бақылау оларды принципиальды схемаға сәйкестігін және жұмыс құжаттамасының талаптарын орындалуын тексерумен қорытындыланады.

Сонымен бірге Кеме қатынасы тіркелімінің қызметкері тексереді:

1) жинақтылығы және жүйелер элементтерінің техникалық құжаттама талаптарына сәйкестігі;

2) антикоррозиялық жабындар жабылған жүйелер элементтерін тазалау және өңдеу сапасы;

3) арматуралардың, құбырлардың, кемеге дейін орнатқанға дейінгі аппараттардың гидравликалық сынау жүргізу дерегі және нәтижелері;

4) құбырларды, арматураларды, бақылап-өлшегіш құралдарды және автоматика құралдарын орналастыру және орнату дұрыстығы, құбыр иілуінің радиусы көрсетілген сызбаға сәйкестігі;

5) жинау, дәнекерлеу және корпустық конструкцияларды су өткізбеушілікке сынауды аяқтау, оның ішінде тойдырылған дәнекерленген бөлшектерді орнатудан кейінгі;

6) донно-борттық арматураларды, протекторлы қорғаудың элементтерін орнату сенімділігі және дұрыстығы;

7) штатты төсемдерді, тіреулерді орнатуды, құбырларды, компрессорларды нығайту сенімділігі;

8) құбырларды және арматураларды техникалық қызмет көрсету және жөндеу ыңғайлығы және қауіпсіздігі;

9) кеңістікті үрлеу және түсіруге арналған құрылғының болуы, сұйықтық тұрып қалатын зонаның болмауы, гидравликалық соққының пайда болу мүмкіндігінің болмауы, құбырлар еңісінің болуы;

10) оқшаулаудың, бүркеніштің, қоршаулардың, механикалық зақымдардан қорғаулардың болуы;

11) арматурада айыра алатын жұқа тақтайшалардың, құбырларды айыра алатын бояулардың, жапқыш органдардың күйін көрсеткіштің болуы;

12) жергілікті және дистанционды жетектердің әрекеті, оларға еркін кіруді қамтамасыз ету;

13) қабылдағыш қосалқылардың және құю тесіктерінің орналасуы және конструкциясы;

14) тесіктердің су алып кетуінің, жарылыс өртке қауіпті және улы газдың және қызметтік және тұрғын бөлмелерге кіріп кетпеуі бойынша алдын алу іс-шараларының қауіпсіздігі.

Монтажды аяқтағаннан кейін, жүйелерге егер осы ауыстырулар осы Қағидамен көзделсе беріктілік және кемеде тығыздығына гидравликалық сынау немесе әуе сынағын жүргізеді.

374. Жөнделген жүйелер және құбырлар тығыздығына гидравликалық сынауды ұйымның техникалық бақылау қызметінің персоналдары жүргізеді.

Басты бу құбырларын, қоректік құбырларды, жоғарғы және төменгі үрлеу құбырларын, ауа өткізгішті және тез бұзылатын жүктерді тасымалдаушы кемелердің тоңазытқыш қондырғыларының жүйесін гидравликалық сынау Кеме қатынасы тіркелімі қызметкерінің қатысуымен жүргізіледі.

375. Швартовты сынаудың мақсаты, монтаж сапасы және механизмдерді және жүйелерді реттеу, олардың параметрлерінің және ерекшелік сипаттамасының сәйкестігі және кеменің жүрістік сынауға дайындығын анықтау болып табылады.

376. Механизмдер арқандап байлап сынауына монтаждық жұмыстарды, монтаж сапасын тексеруді, жинауды, реттеуді, орауды және жүйелермен және құрылғылармен бірге тікелей мақсаты бойынша жұмысқа дайындығын толық аяқтағаннан кейін жүргізіледі.

377. Механизмдерді және жүйелердің тікелей мақсаты бойынша әрекетте арқандап байлау сынауды тек штаттық жабдықтармен режимде және көлемде Кеме қатынасы тіркелімімен келісілген бағдарлама-әдістемемен көзделген сынау бойынша жүргізіледі.

378. Арқандап байлау сынауларды бастар алдында дайындаушы-ұйымның техникалық бақылау қызметімен монтажға, механизмдер мен жүйелерді орау және реттеуге байланысты барлық жұмыстары аяқталады және қабылданады.

Арқандап байлау сынау кезіндегі техникалық бақылау бойынша жалпы ережелер осы Қағиданың 138-143-тармақтарында айтылған.

379. Арқандап байлау сынау процесінде қолдық, қашықтықтан және автоматты басқару, блоктау құралдарының, апатты-сақтандырғыш қорғау және сигнал беру, машина-қазандық бөлімшелеріндегі арасындағы байланыс құралдарының, жүрістік көпірлер мен басқару постыларының жұмыстарын тексереді.

380. Арқандап байлау сынау жүргізу кезінде сынаудың бағдарлама-әдістемесімен көзделген параметрлердің барлық мәндері тіркеледі. Өлшеу кестелері және сынау нәтижелерін ұсыну үлгісі дайындаушы- ұйыммен немесе жобалаушымен әзірленеді.

381. Механизмдерді оларды әрекетте тексеру кезіндегі жұмыста мәжбүрлі үзіліс болған жағдайда, режимді жалғастыру туралы шешімді, оның ұзақтығын ұлғайтуды және қайталауды Кеме қатынасы тіркелімі қызметкерінің келісімі бойынша тоқтату тудырған себепті ескере отырып қабылданады.

382. Қозғалтқыштарды сынау кезінде мыналарды тексереді:

1) қозғалтқыштарға қызмет көрсететін агрегаттардың және жүйелердің жұмысқа дайындығы;

2) қозғалтқыштардың осы Қағидаға сәйкес іске қосу және реверсивті сапалары, ауа сақтағыш көлемнің немесе аккумуляторлық батареяның сыйымдылығының жеткіліктілігі;

3) айналу жиілігін автоматты реттеу жүйесін және шекті сөндіргіштердің әрекетін;

4) техникалық шарттарға сәйкес қозғалтқыштардың параметрлері.

383. Жүктемелер режимі мен басты және қосымша қозғалтқыштар арқандап байлап сынау кезінде осы Қағиданың 17-қосымшасында көрсетілгенге сәйкес болуы қажет.

384. Параметрлерді өлшеуді қозғалтқыштың белгіленген жылу күйінде әрбір режимде барлық ауыспалы процестерді аяқтағаннан кейін жүргізеді.

385. Білік өткізгіштерді, берілістерді және муфтыларды олардың жұмыс істеуі кезінде басты қозғалтқыштармен бірге сынайды.

Кеме қатынасы тіркелімінің қызметкері мыналарды тексереді:

1) тіректік және тіреуіш мойынтіректердің температурасы;

2) дейдвудты құрылғыда, мойынтірек бірілістерінде және муфтыларында тарсылдың болмауы;

3) қозғалтқыштардың, мойынтіректердің және іргетастардың дірілін;

4) дейдвудты құрылғыларды тығыздаудың тиімділігі;

5) дейдвудты құбырға судың берілуін.

386. Сорғылар, желдеткіштер, компрессорлар және сеператорларды құрамына олар кіретін құрылғылар және жүйелермен бірге сынайды.

Сонымен бірге тексереді:

1) жергілікті, қашықтықтан, авариялық және қосалқы постылардан басқару мүмкіндігі;

2) автоматтандыру, сигнал беру және қорғау құралдарының қалыптасу дұрыстығы, жетектерді реттеу мүмкіндігі;

3) техникалық шарттарға сәйкес объектілердің ерекшелік параметрлері;

4) сақтандырғыш, өткізуші, қарым қатынасты және тежегіш құрылғылардың қозғалу тиімділігі;

5) жалғаулардың және құбырлардың тығыздығы;

6) қолдық жетектердің тұтқасындағы күштер.

387. Сығылған ауа жүйесін оны күтуші компрессорлармен сынау кезінде Кеме қатынасы тіркелімінің қызметкері тексереді:

1) сақтандырғыш, редукционды және іске қосқыш тез жабылатын клапандардың әрекеті және манометрлердің көрсеткіші;

2) көзделген жұмыс қысымына дейінгі ауа сақтағыштарды қысылған ауамен толтыру ұзақтылығы;

3) уақытылы компрессорларды автоматты қосылуы және өшірілуі, автоматты үрлеудің оларды іске қосқан кезде ұзақтылығы;

4) тифонға және оның жұмысына ауа шығындары;

5) электр жабдықтардың жай-күйі мен жұмысы және компрессор жұмысы туралы рульді рубкадағы сигнал беруді;

6) ауа сақтағышқа келетін, ауа температурасы.

388. Отын жүйесін сынау кезінде тексереді:

1) тапсырылған режимде жылу айдағыш сорғылардың тұрақты жұмысы және қашықтықтан ажырату мүмкіндігі;

2) шығыс цистерналарын толтыру ұзақтылығы;

3) сигнал берудің цистернадағы ең кіші рұқсат етілген отын деңгейінде іске қосылуы;

4) электр жабдықтың техникалық жай-күйі және жұмысқа қабілеттілігі;

5) шығыс цистерналарының және негізігі қор цистерналарын, сондай-ақ құю құбырлары клапандарын қашықтықтан жабу құрылғысының жұмыс істеуінің дұрыстығы;

6) қозғалтқыштарды ауыр отыннан дизельді отынға және кері ауыстыру кезінде жұмысының тұрақтылығын;

7) ауыр отынды дайындау жүйесін қалыптастыру дұрыстығы (сеператорлар, сүзгі қондырғылары, қыздырғыштар, отынның берілген температурасын ұстап тұру автоматикасы).

389. Майлы жүйеде сынау кезінде Кеме қатынасы тіркелімінің қызметкері рубкадан, термостаттан және май айдағыш сорғылардан қозғалтқыштың май айдауын қашықтықтан басқару жүйесін, басты қозғалтқыштарды маймен механизмді (жергілікті басқару постынан немесе ОБП) жетекпен қолдық сорғымен айдау жүйесін тексереді.

390. Салқындату жүйесін сынау кезінде тексереді:

1) салқындатқыштан және қозғалтқыштан шығу және кіруде судың температурасын;

2) газ шығарушы құбырдың, дейдвудты құрылғының компрессорларын салқындатуға судың берілуі;

3) салқындаушы судың температурасын автоматты реттеу құрылғысының жұмыс істеуінің дұрыстығы;

4) салқындатудың ішкі контурын борт сыртындағы суға немесе резервке ауыстырып қосу мүмкіндігі;

5) ішкі контурдағы кеңейтілген сауытта ең төменгі су деңгейі бойынша сигнал берудің іске қосылуы.

391. Кемелік жүйелерде іс-қимылда сынау кезінде тексереді:

1) техникалық құжаттамамен көзделген барлық басқару операцияларының орындалу мүмкіндігі;

2) арматуралардың, оның жетектерінің, сақтандырғыш және қайта жіберу құрылғылары жұмысының сенімділігі;

3) жалғаулардың тығыздығы;

4) штатты бақылап-өлшеуіш құралдардың және автоматика құралдарының түзулігі және дұрыстығы;

5) рұқсат етілмеген дірілдердің, қыздырулардың, бөтен шулардың болмауы;

6) жүйенің мақсатымен айтылған және осы Қағидамен көзделген арнайы талаптардың орындалуын.

392. Энергетикалық қондырғыларды және пайдалануға жақын шарттардағы жүйелерді кешенді тексеру, жүрістік сынау мақсаты болып табылады.

393. Жүрісте сынау Кеме қатынасы тіркелімімен келісілген бағдарлама-әдістеме бойынша арқандап байлау сынау кезінде анықталған ақауларды жойғаннан кейін жүргізіледі. Жүрістік сынау бағдарламасында кеменің сипаттамасымен және кемелік техникалық құралдардың техникалық шартымен жазылған барлық параметрлерді тексеру көзделеді.

394. Жүктеме режимдері және жүрісте сынаудағы басты қозғалтқыштарды сынау ұзақтылығы осы Қағиданың 18-қосымшасында көрсетілгендермен сәйкес келуі қажет.

Дизель-генераторлар тікелей мақсаты бойынша іс-қимылда сыналады.

395. Компрессорлар, сорғылар, желдеткіштер, сеператорлар және арқандап байлап сынауда қабылданған жалпы кемелік жүйелерді тікелей мақсаты бойынша іс-қимылда тексереді.

396. Палубалық механизмдер олармен бірге кіретін құрылғылармен, сынаудың бағдарлама-әдістемесімен көзделген режимде бірге сыналады.

397. Осы Қағидамен көзделген жағдайда, жүрістік сынауларда Кеме қатынасы тіркелімімен келісілген жеке бағдарлама-әдістеме бойынша білік өткізгіштің айналыс тербелісінің параметрлерін өлшеу жүргізіледі.

Өлшеуді ең кіші тұрақтылықтан ең жоғары айналу жиілігіне дейінгі бұрандалы сипаттама режимінде орындайды.

Айналу жиілігінің тыйым салынған зонасы анықталған жағдайда сандық мәндері кеменің паспортына жазылады, ал тыйым салынған зона тахометр шкаласында жақсы көрінетін сырмен белігіленеді. Тыйым салынған зоналардың болуы туралы, кемеге берілетін Кеме қатынасы тіркелімінің құжаттарында жазылады.

жүктеу/скачать 1.8 Mb.

Достарыңызбен бөлісу:

1 ... 4 5 6 7 8 9 10 11 ... 23