Қазақстан Республикасы Спорт және дене шынықтыру iстерi агенттiгi, дене шынықтыру және спорт саласындағы жергiлiктi атқарушы органдар көрсететiн мемлекеттiк қызмет стандарттарын бекiту туралы
жүктеу/скачать 0.59 Mb.
|
- Бұл бет үшін навигация:
- ҚАУЛЫ ЕТЕДI
- 1. Жалпы ережелер
- 2. Мемлекеттiк қызмет көрсету тәртiбi
- 3. Жұмыс қағидаттары
- 4. Жұмыс нәтижелерi
- 5. Шағымдану тәртiбi
- Облыстың (республикалық маңызы бар қаланың, астананың) дене шынықтыру және спорт мәселелерi жөнiндегi жергiлiктi атқарушы органдарының мекенжайлары мен жұмыс кестелерi
| Қазақстан Республикасы Спорт және дене шынықтыру iстерi агенттiгi, дене шынықтыру және спорт саласындағы жергiлiктi атқарушы органдар көрсететiн мемлекеттiк қызмет стандарттарын бекiту туралы
Қазақстан Республикасы Үкiметiнiң 2012 жылғы 27 шiлдедегi № 981 Қаулысы 
Қазақстан Республикасының 2008 жылғы 4 желтоқсандағы Бюджет кодексiнiң 34-бабына, «Әкiмшiлiк рәсiмдер туралы» Қазақстан Республикасының 2000 жылғы 27 қарашадағы Заңының 9-1, 15-2-баптарына сәйкес Қазақстан Республикасының Үкiметi ҚАУЛЫ ЕТЕДI: 1. Қоса берiлiп отырған: 1) «Спорттық костюмдер мен басқа да спорттық керек-жарақтарды ресiмдеу кезiнде «Қазақстан Республикасының құрама командасы» деген атауды пайдалануға рұқсат беру» мемлекеттiк қызмет стандарты; 2) «Спорт құрылыстарын салуға арналған жобалау құжаттамасын келiсу» мемлекеттiк қызмет стандарты; 3) «Спорт түрлерi бойынша республикалық қоғамдық бiрлестiктердi аккредиттеу туралы куәлiк беру» мемлекеттiк қызмет стандарты; 4) «Еңбек сiңiрген спортшылар мен жаттықтырушыларға өмiр бойы ай сайынғы материалдық қамсыздандыруды төлеу» мемлекеттiк қызмет стандарты; 5) «Қазақстан Республикасының еңбек сiңiрген жаттықтырушысы» құрметтi атағы, «Қазақстан Республикасының еңбек сiңiрген спорт шеберi» құрметтi атағы, Қазақстан Республикасының халықаралық дәрежедегi спорт шеберi, Қазақстан Республикасының спорт шеберi, бiлiктiлiгi жоғары және орта деңгейдегi жоғары санатты жаттықтырушы, бiлiктiлiгi жоғары деңгейдегi жоғары санатты нұсқаушы-спортшы, бiлiктiлiгi жоғары және орта деңгейдегi жоғары санатты әдiскер, жоғары санатты ұлттық спорт төрешiсi, ұлттық спорт төрешiсi спорттық атақтары мен санаттарын беру» мемлекеттiк қызмет стандарты; 6) «Казино қызметiмен айналысу үшiн лицензия беру, қайта ресiмдеу, лицензияның телнұсқаларын беру» мемлекеттiк қызмет стандарты; 7) «Ойын автоматтары залы қызметiмен айналысу үшiн лицензия беру, қайта ресiмдеу, лицензияның телнұсқаларын беру» мемлекеттiк қызмет стандарты; 8) «Букмекер кеңсесi қызметiмен айналысу үшiн лицензия беру, қайта ресiмдеу, лицензияның телнұсқаларын беру» мемлекеттiк қызмет стандарты; 9) «Тотализатор қызметiмен айналысу үшiн лицензия беру, қайта ресiмдеу, лицензияның телнұсқаларын беру» мемлекеттiк қызмет стандарты; 10) «Спорт құрылыстарына санаттар беру» мемлекеттiк қызмет стандарты; 11) «Cпорт шеберлiгiне үмiткер, бiрiншi спорттық разряд, бiлiктiлiгi жоғары және орта деңгейдегi бiрiншi санатты жаттықтырушы, бiлiктiлiгi жоғары деңгейдегi бiрiншi санатты нұсқаушы-спортшы, бiлiктiлiгi жоғары және орта деңгейдегi бiрiншi санатты әдiскер, бiрiншi санатты спорт төрешiсi» cпорттық разрядтары мен санаттарын беру» мемлекеттiк қызмет стандарты; 12) «Екiншi және үшiншi, жасөспiрiмдер арасындағы бiрiншi, екiншi және үшiншi, бiлiктiлiгi жоғары және орта деңгейдегi екiншi санатты жаттықтырушы, бiлiктiлiгi жоғары деңгейдегi екiншi санатты нұсқаушы-спортшы, бiлiктiлiгi жоғары және орта деңгейдегi екiншi санатты әдiскер, спорт төрешiсi спорттық разрядтары мен санаттарын беру» мемлекеттiк қызмет стандарты бекiтiлсiн. 2. Осы қаулы алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi. Қазақстан Республикасының Премьер-Министрi К. Мәсiмов Қазақстан Республикасы Үкiметiнiң 2012 жылғы 27 шiлдедегi № 981 қаулысымен бекiтiлген «Cпорт шеберiне кандидат, бiрiншi спорттық разряд, бiлiктiлiгi жоғары және орта деңгейдегi бiрiншi санатты жаттықтырушы, бiлiктiлiгi жоғары деңгейдегi бiрiншi санатты нұсқаушы-спортшы, бiлiктiлiгi жоғары және орта деңгейдегi бiрiншi санатты әдiскер, бiрiншi санатты спорт төрешiсi» cпорттық разрядтары мен санаттарын беру» мемлекеттiк қызмет стандарты 1. Жалпы ережелер 1. Мемлекеттiк қызметтi облыстың (республикалық маңызы бар қаланың, астананың) дене шынықтыру және спорт жөнiндегi жергiлiктi атқарушы органдары (бұдан әрi - жергiлiктi атқарушы органдар) мекенжайлары осы стандартқа 1, 2-қосымшаларда көрсетiлген халыққа қызмет көрсету орталықтары (бұдан әрi - орталықтар) арқылы ұсынады. Мемлекеттiк қызметтiң шалғайдағы елдi мекендердiң тұрғындарына қолжетiмдiлiгiн қамтамасыз ету мақсатында мемлекеттiк қызметтi мобильдi орталықтар арқылы көрсетуге жол берiледi. 2. Көрсетiлетiн мемлекеттiк қызметтiң нысаны: автоматтандырылмаған. 3. Мемлекеттiк қызмет «Дене шынықтыру және спорт туралы» Қазақстан Республикасының 1999 жылғы 2 желтоқсандағы Заңының 22-1-бабының 2), 3), 4) және 5) тармақтарының, «Әкiмшiлiк рәсiмдер туралы» Қазақстан Республикасының 2000 жылғы 27 қарашадағы Заңының 15-2-бабының, «Ақпараттандыру туралы» Қазақстан Республикасының 2007 жылғы 11 қаңтардағы Заңының 29-бабының, «Дене шынықтыру және спорт саласында азаматтық қызметшiлердi аттестаттаудан өткiзу ережесi мен шарттарының, сондай-ақ Жаттықтырушыларға, әдiскерлерге, нұсқаушыларға бiлiктiлiк санаттарын беру ережесiн бекiту туралы» Қазақстан Республикасы Туризм және спорт министрiнiң мiндетiн атқарушының 2011 жылғы 5 наурыздағы № 02-02-18/29 бұйрығының және «Спорттық атақтар мен разрядтар және спорттан төрешi санаттарын берудiң ережесiн бекiту туралы» Қазақстан Республикасы Туризм және спорт министрiнiң мiндетiн атқарушының 2008 жылғы 22 тамыздағы № 01-08/142 бұйрығының негiзiнде көрсетiледi. 4. Мемлекеттiк қызмет көрсету тәртiбi туралы толық ақпарат: 1) Қазақстан Республикасы Спорт және дене шынықтыру iстерi агенттiгiнiң (бұдан әрi - уәкiлеттi орган) www.mts.gov.kz интернет-ресурсында, «Мемлекеттiк қызметтер» бөлiмiнде; 2) «Халыққа қызмет көрсету орталығы» республикалық мемлекеттiк кәсiпорнының (бұдан әрi – «Орталық» РМК) www.con.gov.kz интернет-ресурсында; 3) ресми ақпарат көздерiнде және осы стандартқа 1-қосымшаға сәйкес орталықтардың үй-жайларында орналасқан стендiлерде орналастырылады. Мемлекеттiк қызмет туралы ақпарат call-орталығының 1414 телефоны арқылы да берiлуi мүмкiн. 5. Мемлекеттiк қызмет нәтижесi қағаз жеткiзгiште 5 жыл мерзiмге спорттық разряд немесе санат беру туралы бұйрықтан көшiрме не мемлекеттiк қызметтi көрсетуден бас тарту туралы электрондық құжат нысандағы дәлелдi жауап болып табылады. 6. Мемлекеттiк қызмет жаттықтырушыларға, әдiскерлерге, нұсқаушыларға, спортшыларға және спорт төрешiлерiне (бұдан әрi - алушылар) спорттық разрядтары мен бiлiктiлiктерiн ресми тану мақсатында көрсетiледi. 7. Мемлекеттiк қызмет көрсету мерзiмi: 1) мемлекеттiк қызмет көрсету мерзiмi алушы жүгiнген сәттен бастап күнтiзбелiк 30 күннен аспайды (құжаттарды қабылдау күнi мемлекеттiк қызмет көрсету мерзiмiне кiрмейдi, бұл ретте жергiлiктi атқарушы орган мемлекеттiк қызмет көрсету нәтижесiн қызмет көрсету мерзiмi аяқталғанға бiр күн қалғанда ұсынады); 2) алушы жүгiнген күнi сол жерде көрсетiлетiн мемлекеттiк қызметтi алуға дейiнгi күтудiң жол берiлетiн ең көп уақыты 20 минуттан аспайды; 3) алушы жүгiнген күнi сол жерде көрсетiлетiн мемлекеттiк қызметтi алушыға қызмет көрсетудiң жол берiлетiн ең көп уақыты 20 минуттан аспайды. 8. Мемлекеттiк қызмет тегiн көрсетiледi. 9. Жұмыс кестесi: жергiлiктi атқарушы органдарда демалыс және мереке күндерiн қоспағанда, сағат 9.00-ден 18.00-ге дейiн, түскi үзiлiс сағат 13.00-ден 14.00-ге дейiн осы стандартқа 1-қосымшаға сәйкес оның жұмысы қамтамасыз етiлетiн кесте белгiленедi. Орталықтарда мемлекеттiк қызмет демалыс және мереке күндерiн қоспағанда, дүйсенбiден сенбiнi қоса алғанда, еңбек заңнамасына сай, белгiленген жұмыс кестесiне сәйкес сағат 9.00-ден 20.00-ге дейiн үзiлiссiз көрсетiледi. Қабылдау «электрондық» кезек тәртiбiмен, жеделдетiлген қызмет көрсетусiз жүзеге асырылады. Мобильдi орталықтар құжаттар қабылдауды орталық бекiткен кестеге сәйкес, бiрақ бiр елдi мекенде кемiнде алты жұмыс сағаты бойы жүзеге асырады. 10. Мемлекеттiк қызмет алушының тұратын жерi бойынша орталықтардың ғимаратында көрсетiледi. Залда анықтама бюросы, күтуге арналған орындықтар, толтырылған бланкiлердiң үлгiлерi бар анықтамалық стендiлер орналасады. Ғимаратта мүмкiндiгi шектеулi адамдар үшiн жағдайлар (күтуге арналған орындықтар, стендiлер) көзделген. Спортшыны спорттық атаққа, разрядқа ұсыну үшiн құжаттар жергiлiктi атқарушы органдарға және орталықтарға тиiстi норматив немесе талап орындалған сәттен бастап алты ай iшiнде жiберiледi. 2. Мемлекеттiк қызмет көрсету тәртiбi 11. «Спорт шеберiне кандидат» спорттық атағын, «1 разрядтағы спортшы» спорттық разрядын беру (және/немесе растау) туралы мемлекеттiк қызметтi алу үшiн алушы орталыққа мынадай құжаттар тiзбесiн ұсынады: 1) осы стандартқа 3-қосымшаға сәйкес белгiленген нысандағы ұсыным; 2) жарыстың атауы, оны өткiзу мерзiмi мен орны көрсетiлген, жарыстың бас төрешiсi мен бас хатшысы қол қойған хаттамадан үзiндi; 3) осы спорт түрiнен республикалық федерацияның мөрiмен расталған жарыстар хаттамаларының көшiрмелерi; 4) осы стандартқа 4-қосымшаға сәйкес бас төрешiсiнiң, бас хатшысының қол қойған бокс, күрес түрлерi мен басқа да жекпе-жектердiң нәтижелерi туралы анықтамасы. «Бiлiктiлiгi жоғары деңгейдегi бiрiншi санатты жаттықтырушы», «Бiлiктiлiгi орта деңгейдегi бiрiншi санатты жаттықтырушы», «Бiлiктiлiгi жоғары деңгейдегi санаты жоқ жаттықтырушы» және «Бiлiктiлiгi орта деңгейдегi санаты жоқ жаттықтырушы» санаттарын беру (және/немесе растау) туралы мемлекеттiк қызметтi алу үшiн алушы орталыққа мынадай құжаттар тiзбесiн ұсынады: 1) осы стандартқа 5-қосымшаға сәйкес белгiленген нысандағы өтiнiш; 2) бiлiмi туралы, бiлiктiлiгiн арттыруы туралы құжаттардың көшiрмелерi; 3) еңбек кiтапшасының немесе жұмыс берушiнiң оны тоқтату күнi мен негiздемесi туралы белгiсi бар еңбек шартының немесе еңбек шартын жасау және тоқтату негiзiнде еңбек қатынастарының туындауын және тоқтатылуын растайтын жұмыс берушiнiң актiсiнен үзiндiнiң көшiрмесi немесе қызметкердiң еңбек қызметi туралы мәлiметтен тұратын мұрағат анықтамасы; 4) бұдан бұрынғы бiлiктiлiк санатын беру туралы куәлiктiң көшiрмесi; 5) осы стандартқа 6-қосымшаға сәйкес белгiленген нысанда жаттықтырушы-оқытушының спортшыларды дайындауы туралы анықтама («Бiлiктiлiгi жоғары және орта деңгейдегi санаты жоқ жаттықтырушы» санатын берудi қоспағанда); 6) осы спорт түрiнен республикалық федерацияның мөрiмен расталған жарыстар хаттамаларының көшiрмелерi («Бiлiктiлiгi жоғары және орта деңгейдегi санаты жоқ жаттықтырушы» бiлiктiлiк санатын берудi қоспағанда). Мынадай құжаттардың мәлiметтерi: алушы – жеке тұлғаның жеке басын куәландырушы құжат. «Бiлiктiлiгi жоғары деңгейдегi бiрiншi санатты жаттықтырушы», «Бiлiктiлiгi орта деңгейдегi бiрiншi санатты жаттықтырушы», «Бiлiктiлiгi жоғары деңгейдегi санаты жоқ жаттықтырушы» және «Бiлiктiлiгi орта деңгейдегi санаты жоқ жаттықтырушы» санаттарын беру осы стандартқа 7-қосымшаға сәйкес дене шынықтыру ұйымдары қызметкерлерiнiң лауазымдарына арналған бiлiктiлiк талаптарына сәйкес жүзеге асырылады. Мемлекеттiк электрондық ақпараттық ресурс болып табылатын құжаттардың мәлiметтерiн жергiлiктi атқарушы орган тиiстi мемлекеттiк ақпараттық жүйелерден халыққа қызмет көрсету орталықтарының ақпараттық жүйесi арқылы электрондық цифрлық қолтаңба қойылған электрондық құжат нысанында алады. Орталық қызметкерi түпнұсқаларды құжаттардың көшiрмелерiмен және мемлекеттiк органдардың мемлекеттiк ақпараттық жүйелерiнен алынған мәлiметтермен салыстырып тексередi, содан кейiн түпнұсқаларды мемлекеттiк қызметтi алушыға қайтарады. «Бiлiктiлiгi жоғары деңгейдегi бiрiншi санатты әдiскер» және «Бiлiктiлiгi орта деңгейдегi бiрiншi санатты әдiскер» санатын беру (және/немесе растау) туралы мемлекеттiк қызметтi алу үшiн алушы орталыққа мынадай құжаттар тiзбесiн ұсынады: 1) осы стандартқа 5-қосымшаға сәйкес белгiленген нысандағы өтiнiш; 2) бiлiмi туралы, бiлiктiлiгiн арттыруы туралы құжаттардың көшiрмелерi; 3) еңбек кiтапшасының немесе жұмыс берушiнiң оны тоқтату күнi мен негiздемесi туралы белгiсi бар еңбек шартының немесе еңбек шартын жасау және тоқтату негiзiнде еңбек қатынастарының туындауын және тоқтатылуын растайтын жұмыс берушiнiң актiсiнен үзiндiнiң көшiрмесi немесе қызметкердiң еңбек қызметi туралы мәлiметтен тұратын мұрағат анықтамасы; 4) бұдан бұрынғы санатты беру туралы куәлiктiң көшiрмесi. Мынадай құжаттардың мәлiметтерi: алушы – жеке тұлғаның жеке басын куәландырушы құжат. «Бiлiктiлiгi жоғары деңгейдегi бiрiншi санатты әдiскер» және «Бiлiктiлiгi орта деңгейдегi бiрiншi санатты әдiскер» санаттарын беру осы стандартқа 7-қосымшаға сәйкес дене шынықтыру ұйымдары қызметкерлерiнiң лауазымдарына арналған бiлiктiлiк талаптарына сәйкес жүзеге асырылады. Мемлекеттiк электрондық ақпараттық ресурс болып табылатын құжаттардың мәлiметтерiн жергiлiктi атқарушы орган тиiстi мемлекеттiк ақпараттық жүйелерден халыққа қызмет көрсету орталықтарының ақпараттық жүйесi арқылы электрондық цифрлық қолтаңба қойылған электрондық құжат нысанында алады. Орталық қызметкерi түпнұсқаларды құжаттардың көшiрмелерiмен және мемлекеттiк органдардың мемлекеттiк ақпараттық жүйелерiнен алынған мәлiметтермен салыстырып тексередi, содан кейiн түпнұсқаларды мемлекеттiк қызметтi алушыға қайтарады. «Бiлiктiлiгi жоғары деңгейдегi бiрiншi санатты нұсқаушы-спортшы» санатын беру (және/немесе растау) туралы мемлекеттiк қызметтi алу үшiн алушы орталыққа мынадай құжаттар тiзбесiн ұсынады: 1) осы стандартқа 5-қосымшаға сәйкес белгiленген нысандағы өтiнiш; 2) бiлiмi туралы, бiлiктiлiгiн арттыру туралы құжаттардың көшiрмелерi; 3) еңбек кiтапшасының немесе жұмыс берушiнiң оны тоқтату күнi мен негiздемесi туралы белгiсi бар еңбек шартының немесе еңбек шартын жасау және тоқтату негiзiнде еңбек қатынастарының туындауын және тоқтатылуын растайтын жұмыс берушiнiң актiсiнен үзiндiнiң көшiрмесi немесе қызметкердiң еңбек қызметi туралы мәлiметтен тұратын мұрағат анықтамасы; 4) спорт түрiнен республикалық федерацияның спортшының соңғы 2 жылдағы жетiстiктерi көрсетiлген, санатын беру туралы мөрмен расталған қолдаухаты; 5) бұдан бұрынғы санатты беру туралы куәлiктiң көшiрмесi. Мынадай құжаттардың мәлiметтерi: алушы - жеке тұлғаның жеке басын куәландырушы құжат. «Бiлiктiлiгi жоғары деңгейдегi бiрiншi санатты нұсқаушы-спортшы» санатын беру осы стандартқа 7-қосымшаға сәйкес дене шынықтыру ұйымдары қызметкерлерiнiң лауазымдарына арналған бiлiктiлiк талаптарына сәйкес жүзеге асырылады. Мемлекеттiк электрондық ақпараттық ресурс болып табылатын құжаттардың мәлiметтерiн жергiлiктi атқарушы орган тиiстi мемлекеттiк ақпараттық жүйелерден халыққа қызмет көрсету орталықтарының ақпараттық жүйесi арқылы электрондық цифрлық қолтаңба қойылған электрондық құжат нысанында алады. «Бiрiншi санатты спорт төрешiсi» төрешi санатын беру туралы мемлекеттiк қызметтi алу үшiн алушы орталыққа Қазақстан Республикасының спорттық жiктегiшiнiң талаптарына сәйкес төрешiлiк практика курсынан өткенiн растайтын құжатты ұсынады. Орталық қызметкерi түпнұсқаларды құжаттардың көшiрмелерiмен және мемлекеттiк органдардың мемлекеттiк ақпараттық жүйелерiнен алынған мәлiметтермен салыстырып тексередi, содан кейiн түпнұсқаларды мемлекеттiк қызметтi алушыға қайтарады. 12. Орталық арқылы мемлекеттiк қызметтi алу үшiн өтiнiштердiң бланкiлерiн толтыру талап етiлмейдi. 13. Орталықтар құжаттарды қабылдауды операциялық залда «кедергiсiз» қызмет көрсету арқылы орталықтың қызметкерлерi жүзеге асырады. 14. Мемлекеттiк қызметтi алу үшiн барлық қажеттi құжаттар тапсырылған кезде алушыға мыналар көрсетiле отырып тиiстi құжаттардың қабылданғаны туралы қолхат берiледi: 1) сұрауды қабылдау күнi мен нөмiрi; 2) сұрау жасалған мемлекеттiк қызмет түрi; 3) қоса берiлген құжаттардың саны мен атауы; 4) құжаттарды беру күнi (уақыты) мен орны; 5) құжаттарды ресiмдеуге өтiнiштi қабылдаған орталық қызметкерiнiң тегi, аты, әкесiнiң аты; 6) алушының тегi, аты, әкесiнiң аты, уәкiлеттi өкiлдiң тегi, аты, әкесiнiң аты және олардың байланыс телефондары. 15. Орталықта дайын құжаттарды алушыға берудi орталықтың қызметкерi қолхаттың негiзiнде онда көрсетiлген мерзiмде күн сайын «терезе» арқылы жүзеге асырады. Егер алушы көрсетiлген мерзiмде қызметтiң нәтижесiн алуға келмесе, орталық оның бiр ай бойы сақталуын қамтамасыз етедi, содан кейiн жергiлiктi атқарушы органға бередi. 16. Жергiлiктi атқарушы органдар аталған мемлекеттiк қызметтi көрсетуден мынадай негiздемелер бойынша бас тартады: 1) осы стандарттың 11-тармағында көрсетiлген құжаттардың толық тiзбесi ұсынылмаса; 2) құжаттарда жалған немесе бұрмаланған деректер анықталса; 3) спортшыға спорттық атақтарды беру құжаттарын тиiстi норматив немесе талаптар орындалған сәттен бастап алты айдан асып кеткен мерзiмде ұсынылса. Алушы осы стандарттың 11-тармағында көрсетiлген құжаттардың бiреуiн тапсырмаған жағдайда, орталық құжаттарды қабылдаудан бас тартады. Құжаттарды қабылдаудан бас тартқан кезде орталықтың қызметкерi алушыға жетiспейтiн құжаттарды көрсете отырып қолхат бередi. Өтiнiштi қараудан бас тарту туралы дәлелдi жауап, құжаттар толық ұсынылмаған не мемлекеттiк қызмет көрсету үшiн белгiленген мерзiмде ұсынылмаған жағдайда алушыға екi күндiк мерзiмде берiледi. 3. Жұмыс қағидаттары 17. Жергiлiктi атқарушы органдардың қызметi мынадай қағидаттарға негiзделедi: 1) заңдылық 2) адамның және азаматтың конституциялық құқықтары мен бостандықтарын, Қазақстан Республикасының мемлекеттiк қызметшiлерiнiң ар-намыс кодексiн сақтау; 3) сыбайлас жемқорлық көрiнiстерiне қарсы тұру; 4) мемлекеттiк қызметшiлер үшiн заңнамада белгiленген тыйымдар мен шектеулердi қатаң сақтау; 5) заң мен сот алдында баршаның теңдiгi; 6) азаматтардың құқықтары мен бостандықтарының басымдығы; 7) сапа және азаматтар мен ұйымдардың өтiнiштерiн қарау кезiнде төрешiлiк пен сөзбұйдалық көрiнiстерiне жол бермеу; 8) жеке адамның, қоғам мен мемлекеттiң өзара жауапкершiлiгi мен мүдделерiнiң теңдiгi; 9) мемлекеттiк құпиялар және заңмен қорғалатын өзге де құпия туралы заңнаманы қатаң сақтай отырып, қоғамдық пiкiр мен жариялылықты ескеру; 10) көрсетiлетiн мемлекеттiк қызмет туралы толық ақпарат беру; 11) алушы келмеген жағдайда құжаттарды алу үшiн оларды сақтау; 12) ақпараттардың сақталуын және құпиялылығын қамтамасыз ету; 13) тиiмдiлiк; 14) сыпайылық. 4. Жұмыс нәтижелерi 18. Алушыларға мемлекеттiк қызмет көрсету нәтижелерi осы стандартқа 8-қосымшаға сәйкес сапа және тиiмдiлiк көрсеткiштерiмен өлшенедi. 19. «Cпорт шеберiне кандидат, бiрiншi спорттық разряд, бiлiктiлiгi жоғары және орта деңгейдегi бiрiншi санатты жаттықтырушы, бiлiктiлiгi жоғары деңгейдегi бiрiншi санатты нұсқаушы-спортшы, бiлiктiлiгi жоғары және орта деңгейдегi бiрiншi санатты әдiскер, бiрiншi санатты спорт төрешiсi» cпорттық разрядтары мен санаттарын беру» мемлекеттiк қызметiн көрсететiн жергiлiктi атқарушы органның жұмысы бағаланатын осы мемлекеттiк қызметтiң сапа және тиiмдiлiк көрсеткiштерiнiң нысаналы мәнi жыл сайын жергiлiктi атқарушы органның бұйрығымен бекiтiледi. 5. Шағымдану тәртiбi 20. Уәкiлеттi лауазымды тұлғаларының әрекетiне (әрекетсiздiгiне) шағымдану тәртiбi туралы ақпаратты алу және өтiнiш дайындауға жәрдем көрсету осы стандартқа 1-қосымшада көрсетiлген мекенжайлар бойынша жүзеге асырылады. Орталық қызметкерiнiң әрекетiне (әрекетсiздiгiне) шағымдану тәртiбi туралы ақпаратты call-орталықтың (1414) телефоны бойынша не осы стандартқа 2-қосымшада көрсетiлген мекенжайлар мен телефондар бойынша алуға болады. 21. Көрсетiлген қызмет нәтижелерiмен келiспеген жағдайда, алушы осы стандартқа 9-қосымшада көрсетiлген мекенжайлар бойынша жоғары тұрған инстанцияға жүгiне алады. Орталықтың қызметкерi дұрыс қызмет көрсетпеген жағдайда шағым орталық басшысының атына берiледi. 22. Шағымдар ауызша немесе жазбаша нысанда, пошта арқылы немесе қолданыстағы заңнамада көзделген жағдайларда электрондық түрде, не жұмыс кестесi мен мекенжайлары осы стандарттың 26-тармағында және 1, 2, 9-қосымшаларында көрсетiлген жергiлiктi атқарушы органдардың, әкiмдiктердiң, орталықтардың және «Орталық» РМК кеңселерiнде қолма-қол қабылданады. 23. Жергiлiктi атқарушы органның, әкiмдiктiң, орталықтың немесе «Орталық» РМК кеңсесiнде өтiнiштiң қабылданғанын растау оның тiркелгенi (мөртабан, кiрiс нөмiрi және тiркеу күнi шағымның екiншi данасына немесе шағымның iлеспе хатына қойылады) болып табылады. Алушыға оның шағымының қабылдағанын растау үшiн шағымды қабылдаған адам талон бередi, онда нөмiрi, күнi, байланыс деректерi көрсетiле отырып, шағымды қабылдаған адамның тегi көрсетiледi. 24. Шағымдарды қарау «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңында көзделген тәртiппен және мерзiмдерде жүзеге асырылады. Шағымды қараудың нәтижелерi туралы алушыға пошта арқылы жазбаша түрде хабарланады. 25. Көрсетiлген мемлекеттiк қызмет нәтижелерiмен келiспеген жағдайда алушы заңнамада белгiленген тәртiппен сотқа жүгiнуге құқылы. 26. «Орталық» РМК мекенжайы: Қазақстан Республикасы Көлiк және коммуникация министрлiгiнiң Мемлекеттiк қызметтердi автоматтандыруды бақылау және халыққа қызмет көрсету орталықтарының қызметiн үйлестiру комитетiнiң «Халыққа қызмет көрсету орталығы» республикалық мемлекеттiк кәсiпорны: Астана қаласы, Республика даңғылы, 43А үй, телефон: 8 (7172) 94-99-95, интернет-ресурс: www.con.gov.kz. «Cпорт шеберiне кандидат, бiрiншi спорттық разряд, бiлiктiлiгi жоғары және орта деңгейдегi бiрiншi санатты жаттықтырушы, бiлiктiлiгi жоғары деңгейдегi бiрiншi санатты нұсқаушы- спортшы, бiлiктiлiгi жоғары және орта деңгейдегi бiрiншi санатты әдiскер, бiрiншi санатты спорт төрешiсi» спорттық разрядтары мен санаттарын беру» мемлекеттiк қызмет стандартына 1-қосымша Облыстың (республикалық маңызы бар қаланың, астананың) дене шынықтыру және спорт мәселелерi жөнiндегi жергiлiктi атқарушы органдарының мекенжайлары мен жұмыс кестелерi
«Cпорт шеберiне кандидат, бiрiншi спорттық разряд, бiлiктiлiгi жоғары және орта деңгейдегi бiрiншi санатты жаттықтырушы, бiлiктiлiгi жоғары деңгейдегi бiрiншi санатты нұсқаушы- спортшы, бiлiктiлiгi жоғары және орта деңгейдегi бiрiншi санатты әдiскер, бiрiншi санатты спорт төрешiсi» спорттық разрядтары мен санаттарын беру» мемлекеттiк қызмет стандартына 2-қосымша жүктеу/скачать 0.59 Mb. Достарыңызбен бөлісу:
|