Қазақстан республикасының денсаулық сақтау министрлігі оңТҮстік қазақстан медицина академиясы
жүктеу/скачать 6.31 Mb. Pdf көрінісі
|
- Бұл бет үшін навигация:
- Сулы сығынды дайындағанда қолданылатын аппараттар.
- Электр тогымен қызатын инфундирлік аппараты АИ-3.
- Электр тогымен қызатын инфундирлік аппараты АИ-3
- Инфундирлік аппарат АИ-3000
|
Технологиясы: Жазылым құрамына шикізаттың екі түрі кіреді. Сығындыларды әртүрлі жолмен дайындау керек. 1. Жалбызтікен тамырынан қайнатпа дайындалады. Инфундирлік стаканға 6,5 г шикізатты 130 мл тазартылған сумен бөлме температурасында тұндырып, шикізатты сықпай, сығындыны сүзеді. 2. 10,0 г сасық шөп шөбін инфундирлік стаканға салып, 220 мл сумен су моншасында 15 минут тұндырып, 45 минут салқындатып, шикізатты сығады. Екі сығындыны біріктіріп, қажет болса көлемін 300 мл дейін сумен жеткізіп, босататын құтыға құйып, тығындап, безендіреді. Сулы сығынды дайындағанда қолданылатын аппараттар. Сулы сығындыны дайындағанда - инфундирка (лат. іnfundіo - төгу, құю, қайнатып алу) қолданылады. Инфундиркалар эмальды, тот баспайтын болатты және фарфорлы болуы мүмкін. Инфундирка өсімдік шикізатымен әрекеттеспейтін материалдардан жасалынады. Ол толық жылу өткізгіш және механикалық тұрақты болуы керек. Фарфорлы инфундиркалар нашар қызады, сондықтан оларды алдын-ала 15 минут қыздырады. Инфундирка судың бетінде 5-8 см биіктікте орналасуы, ал оның ішкі температурасы 97-98 0 С құрауы тиіс. Инфундиркаларды қыздыру арнайы су моншасында - инфундирлік аппаратта жүргізіледі. Инфундирлік аппаратта бірден 2-3 инфундирка орналасуы мүмкін. Қазіргі уақытта өнеркәсіпте бірнеше маркалы инфундирлік аппаратар шығарылады, олар құрылысы, көлемі және инфундирлік стакандардың саны бойынша ерекшеленеді. Электр тогымен қызатын инфундирлік аппараты АИ-3. Қондырғының төменгі бөлігінде электр қыздырғышы, ал үстінгі бөлігінде үш темір пештік (конфорка), қақпағында үш фарфорлы инфундирлік стаканы орналасқан (сурет 39). Инфундирлік стақан торлы кәрзеңкемен жабдықталған, ал кәрзеңкенің ішкі бөлігі жылжымалы сығатын дискіден тұрады. Үлкен инфундирлік стақанның сыйымдылығы 500 мл, ал кіші екеуі - 300 мл. Су моншасында судың жылдам қызуын ауыстырып қосқыштың тұтқасын 1000 Вт қуатқа дейін қондыру 286 арқылы жүзеге асыруға болады. 500 Вт қуатқа ауыстырып, тиісті темір пештің қақпақтарына инфундирлік стақандарды орнатады. Сурет 39. Электр тогымен қызатын инфундирлік аппараты АИ-3 а) магнитті араластырғышы бар инфундирка; б) 1- қақпағы; 2- торлы кәрзеңке; 3- шикізатты сығатын дискі; 4- тұтқа Су моншасы тазартылған сумен толмаған жағдайда аппаратты токқа қосуға тыйым салынады. Жұмыс барысында су моншасындағы судың деңгейі оны бақылайтын шыны түтіктің төменгі қауіп қатерлі белгісінен төмен болмауы тиіс. Бұл аппаратты барлық дәріханаларда қолдануға болады. Қазіргі уақытта өндірісте осыған ұқсас АИ-2-250 аппараты шығарылады. Ол АИ-3- тен инфундирлік стақандардың саны, көлемі және тұтыну қуаты бойынша ерекшеленеді. Инфундирлік аппарат АИ-3000 (40 суретте) көрсетілген. Сурет 40. Инфундирлік аппарат АИ-3000 Дәрілік өсімдік шикізатынан көлемі 3000 мл дейін тұнба және қайнатпа дайындауға арналған. Аппарат су деңгейін көрсететін шыны түтігі бар су моншасынан және қолданылатын максималды қуаттылығы 1200 Вт электр қыздырғышы бар цилиндрлі корпустан тұрады. Корпус металды қабықпен 287 жабылған, ал оған электр қыздырғышты ауыстырып қосқышы бар басқару панелі, сигналды лампалары және сақтандырғыш бекітілген. Инфундирлік ыдыста сығатын құрылысы бар перфорирленген стақан, ал стақанның ішінде тұтқаға бекітілген штогы мен ұстағышы бар перфорирленген диск орналасқан, жылжымалы тұтқа инфундирлік ыдыстың қақпағына қондырылған. Сығатын қондырғы көмегімен тұнбаны (қайнатпаны) араластыруға және сығу арқылы сұйық фракциясын бөліп алуға болады. Перфорирленген стақанға өлшенген дәрілік өсімдік шикізаты салынады. Су моншасындағы тазартылған судың мөлшері судың деңгейін көрсететін шыны түтік арқылы бақыланады, конфорканың қақпағын жауып, ауыстыратын қосқышты қуаты 1200 Вт сәйкес келетін «3» деген белгіге орнатып, аппарат электр тогына қосылады. Су моншасында су қайнаған соң, конфоркаға, перфорирленген стакандағы өсімдік шикізатына есептелген мөлшерде тазартылған су құйылған, инфундирлік ыдыстарды орнатады. Кейін су моншасы қайта қайнатылған соң, аппараттың қуатын қайнауды қолдап тұратын (қуаты 600 немесе 300 Вт сәйкес келетін ауыстырып қосқыштың жағдайы «2» немесе «1» тең) етіп қосады. Тұндыру уақыты талап бойынша аяқталған соң, аппаратты өшіреді, су моншасындағы инфундирлік ыдыстарды алып, тұнба мен қайнатпаны суытады, содан соң перфорирленген стақан құрамын сығады. Жұмыстан соң аппараттың бөлшектерін өсімдік шикізатының қалдығынан тазартып, жуғыш заттардың сулы ерітіндісімен, содан кейін тазартылған сумен шайып кептіреді. Су моншасындағы тазартылған судың деңгейін үнемі бақылап отырады және қажет жағдайда судың деңгейін көрсететін шыны түтік белгісіне дейін жеткізеді. Инфундирлік аппаратты қолданғанда нұсқауда берілген электр қауіпсіздігі талаптарын сақтау қажет. Аппараттар сериялы шығарылады және ауруханалық, ірі ауруханалық және жеке кәсіпкерлік дәріханаларда қолданылады. жүктеу/скачать 6.31 Mb. Достарыңызбен бөлісу:
|