«Азот» өндірістік кооперативі «Қазақстанның үздік тұлғалары» энциклопедиясына енгізілді

1989 жылы «Луч» ҒӨБ бірлескен экспедициясының азотты-оттегілі өндірісінің, қазіргі ҚР Ұлттық ядролық орталығының атом энергиясы институтының негізінде құрылған «Азот» өндірістік кооперативі 1990 жылдан бастап өз алдына дербес кәсіпорын ретінде жұмыс істей бастады. Компанияның негізгі қызметі – өртте қолданылатын өнеркәсіптік өндірістерді, сондай-ақ қысыммен жұмыс істейтін құрылғыларды қолданысқа енгізу (сұйылтылған азотты газдар, оттегі, газ тәріздес азот пен оттегі, газ тәрізді ерітілген ацетилен шығару).

Қазір «Азот» үнемі жоғары сұранысқа ие болып отырған ацетилен өндіретін өңірдегі бірден-бір өндіруші болып табылады. Кооператив қызметкерлерінің іске қосу-реттеу құрылғыларын орнату, қолдану жұмыстарын жүргізу және 20-дан астам оттегі толтырылатын және ауа бөлетін станциялар нысандарын толық пайдалануға тапсырудан мол тәжірибесі бар, Астана қаласында құрылғыларды құрастыру жұмыстарымен айналысты, сондай-ақ Краснояр өлкесіндегі Бородинск көмір разрезінде жер асты өртін өшіруге қатысты. Кәсіпорын мемлекетаралық деңгейдегі іскерлік қатынастар орнатқан, жабдықтарды Ресей Федерациясының Омск және Самара қалаларынан алады. Компания үнемі алға дамуда және биік міндеттер мен мақсаттарды жүзеге асыруда.

Кооперативті 1997-дан бері Владимир Алексеевич Дёмышев басқарып келеді. Кәсіпорын үшін экономикалық тұрғыдан аса қиын кезде еңбек ұжымының басшылығына келген Владимир Алексеевич зор ұйымдастырушылық қабілеті мен ерік-жігер күшінің арқасында қызметкерлерді және кәсіпорынның өндіріс қуатын сақтап қала алды. Белсенді қоғам қайраткері В.А. Дёмышев 2003 және 2007 жылдары қалалық мәслихаттың депутаты болды. Қазіргі кезде «Азот» ӨК — Курчатов қаласындағы алдыңғы қатарлы кәсіпорындардың бірі, компания Қазақстан Республикасы өнеркәсіп орындарының каталогына енгізілген.

Энциклопедия туралы анықтама:

«Қазақстанның үздік тұлғалары» энциклопедиясы Қазақстанның жергілікті әкімдіктерімен және мәслихаттарымен, республиканың қоғамдық және кәсіпкерлік одақтарымен әріптестікте құрылған. Басылымның материалдары еліміздің еңбегі сіңген азаматтары мен табысты ұйымдарына арналған. 2011 жылы кітап Беларусь, Ресей және Украина қатысқан «Үздік тұлғалар» жобасының шеңберінде жарық көрді. http://www.llk.kz