Мақсаты: «Б» дыбысымен таныстыру.
Міндеттері: «Б» дыбысынан басталатын сөздер айтқызып, буынға бөлгізу. Көркем сурет бойынша әңгіме құрату арқылы сөздік қорларын молайту. Саусақ бұлшық еттерін дамыту.
Балаларды ұқыптылыққа, ептілікке тәрбиелеу. Күтілетін нәтиже:
Жасайды: саусақ бұлшық еттерін дамыту жаттығуын жасайды; Түсінеді: дыбыстың дұрыс айтылу артикуляциясын; Қолданады: сөздердер құрап, буынға бөледі.
Қолданылатын көрнекі құралдар: қолайна, жұмыс дәптері.
Сөздік жұмыс: шулайтын. Билингвалды компонент: бақа – лягушка.
ҰОҚ барысы:
1. Ұйымдастыру кезеңі
Балалар қазір жылдың қай мезгілі?
Күз мезгілінің қазір қай айы?
Күз мезгілінің соңғы айы суық, ызғарлы, болып соңы қарға ұласады.
2. Негізгі кезең:
Осы кезде сарқыраған судың дыбысы естіледі.
Балалар, тыңдаңдаршы ненің дыбысын естіп отырсыңдар?
Тағы да ненің дыбысы естіліп тұр?
Осы кезде үстел үстіне бақа шыға келеді.
Сәлеметсіңдер ме, балалар!
Балалар, бақа бүгін алыстағы көлден қонаққа келіпті. Сендердің ақылды, білімді екендеріңді көргісі келеді. Сондықтанда мен сендерге бір жұмбақ жасырайын, жауабын сендер ойланып айтасыңдар.
Билингвалды компонент: бақа – лягушка.
Жұмбақ.
Алыста көлде,
Кеште де, түнде.
Бақ-бақ етіп,
Шулайтын ол не?
Иә, дұрыс айтасыңдар. Бақа сөзі «Б» дыбысынан басталады.
Педагог бақа сөзін екі тілде айтады.
Кәне, бірге «Б», – деп қайталайық.
«Б»дыбысының дұрыс айтылу артикуляцсиясы.
Ерін бір-біріне жабысып тиеді, дауыс екпінімен «Б» дыбысы пайда болады.
«Б» дыбысын ұзақ айтуға келмейді «М» дыбысына ұқсап кетеді екен?
Сондықтан да «Б» дыбысы дауысты дыбыс па, дауыссыз дыбыс па ?
Иә, "Б"дыбысы – ұяң дауыссыз дыбыс.
Ал дауысты дыбыстар қалай айтылады?
Дауысты дыбыстарды қандай түсті текшемен белгілейміз?
Ал дауыссыз дыбыстарды ше?
«Б» дыбысынан басталатын сөздер ойлап айтыңдаршы.
Енді осы сөздерді буынға бөлейік.
Ба-қа, бал-ға, бал-та, бұ-ғы.
Сергіту сәті:
Саусағымда сақина
Санап көрші, кәнеки,
1, 2, 3 – бір, екі, үш –
Демалайық жинап күш.
Тілге жаттығу жасату.
Ба-ба – бақа.
Та-та – тасбақа.
Дидактикалық ойын: «Жоқ дыбысты тауып айт»
Ойын шарты: педагог өлең оқып, соңғы дыбысын айтпайды. Балалар өздері қосып айтады. Мысалы: Көлде жүрген бақ....
Жұмыс дәптермен жұмыс: дәптердегі № 19 тапсырма орындалады. Көмек керек балаларға педагог көмектеседі.
Достарыңызбен бөлісу: |
