Бастауыш, негiзгi орта, жалпы орта бiлiм беру ұйымдарына денсаулығына байланысты ұзақ уақыт бойы бара алмайтын балаларды



бет1/4
Дата14.07.2016
өлшемі451.1 Kb.
#198056
  1   2   3   4
Қазақстан Республикасы 
Үкiметiнiң      
2012 жылғы 31 тамыздағы
№ 1119 қаулысымен   
бекiтiлген     

«Бастауыш, негiзгi орта, жалпы орта бiлiм беру ұйымдарына
денсаулығына байланысты ұзақ уақыт бойы бара алмайтын балаларды
үйде жеке тегiн оқытуды ұйымдастыру үшiн құжаттарды қабылдау»
мемлекеттiк қызмет стандарты

1. Жалпы ережелер

      1. «Бастауыш, негiзгi орта, жалпы орта бiлiм беру ұйымдарына денсаулығына байланысты ұзақ уақыт бойы бара алмайтын балаларды үйде жеке тегiн оқытуды ұйымдастыру үшiн құжаттарды қабылдау» мемлекеттiк қызметiн (бұдан әрi – мемлекеттiк қызмет) Қазақстан Республикасының жалпы орта бiлiм беретiн ұйымдары көрсетедi.


      2. Көрсетiлетiн мемлекеттiк қызмет нысаны: автоматтандырылмаған.
      3. Мемлекеттiк қызмет:
      1) «Бiлiм туралы» Қазақстан Республикасының 2007 жылғы 27 шiлдедегi Заңымен;
      2) «Кемтар балаларды әлеуметтiк және медициналық-педагогикалық түзеу арқылы қолдау туралы» Қазақстан Республикасының 2002 жылғы 11 шiлдедегi Заңымен;
      3) Қазақстан Республикасы Үкiметiнiң 2005 жылғы 3 ақпандағы № 100 қаулысымен бекiтiлген Арнаулы (түзеу) бiлiм беру ұйымдарының қызметiн ұйымдастыру тәртiбi туралы ережемен;
      4) Қазақстан Республикасы Бiлiм және ғылым министрiнiң 2004 жылғы 26 қарашадағы № 974 бұйрығымен бекiтiлген Стационарлық емдеу-алдын алу, оңалту және басқа денсаулық сақтау ұйымдарында емдеу курсынан өтiп жатқан мүгедек балалар үшiн оқу сабақтарын ұйымдастыру, оқу-тәрбие ұйымдарының мүгедек балаларды үйде оқытуда ата-аналарға көмек көрсету тәртiбi туралы ережемен реттеледi.
      4. Мемлекеттiк қызметтi көрсету тәртiбi туралы толық ақпарат Бiлiм және ғылым министрлiгiнiң www.edu.gov.kz ресми сайтында орналастырылады.
      5. Мемлекеттiк қызметтi аяқтау нысаны бiлiм беру ұйымының бұйрығы немесе қызмет көрсетуден бас тарту туралы дәлелдi жауап болып табылады.
      6. Аталған қызмет денсаулық жағдайына байланысты уақытша немесе үнемi бiлiм беру ұйымдарына бару мүмкiндiгi жоқ жеке тұлғаларға (бұдан әрi – мемлекеттiк қызметтi алушы) ұсынылады.
      7. Мемлекеттiк қызметтi көрсету мерзiмдерi:
      мемлекеттiк қызметтi алушы осы стандарттың 11-тармағында айқындалған қажеттi құжаттарды тапсырған сәттен бастап – 3 жұмыс күнi.
      8. Мемлекеттiк қызмет тегiн көрсетiледi.
      9. Мемлекеттiк қызмет демалыс және мереке күндерiн қоспағанда, сағат 13.00-ден 14.30-ға дейiнгi түскi үзiлiспен күн сайын сағат 8.00-ден 17.00-ке дейiн жүзеге асырылады.
      Алдын ала жазылу және жедел рәсiмдеу қарастырылмаған.
      10. Мемлекеттiк қызмет бiлiм беру ұйымының ғимаратында жүзеге асырылады. Қызмет көрсетiлетiн бөлме көлемi, орналасуы және сырт пiшiнi жағынан сапалы қызметтердi ұсыну талаптарына сай келедi. Күтуге және қажеттi құжаттарды дайындауға қолайлы жағдай жасау үшiн бөлме креслолармен және орындықтармен жабдықталған.

2. Мемлекеттiк қызметтi көрсету тәртiбi

      11. Мемлекеттiк қызметтi алу үшiн мемлекеттiк қызметтi алушы мынадай құжаттарды ұсынуы қажет:


      1) медициналық көрсеткiштер бойынша мүгедек баланы үйде оқыту қажеттiлiгi туралы қорытынды: жергiлiктi Қазақстан Республикасы Денсаулық сақтау министрлiгiнiң алғашқы медициналық-санитарлық көмек көрсету ұйымдарындағы Дәрiгерлiк-консультациялық комиссия бередi;
      2) мүгедек баланы үйде оқыту үшiн бiлiм беру бағдарламасы түрiнiң қорытындысы мен ұсынысы: тұрғылықты мекенжайы бойынша психологиялық – медициналық – педагогикалық консультация (ПМПК) бередi;
      3) бiлiм беру ұйымы директорының атына ата-ананың еркiн нысанда жазған өтiнiшi;
      4) мемлекеттiк қызметтi алушы ата-аналарының бiреуiнiң жеке басын куәландыратын құжаттарының көшiрмесi;
      5) мемлекеттiк қызметтi алушының жеке басын куәландыратын құжаттар көшiрмесi;
      6) мекенжай анықтамасы;
      7) ата-аналардың жұмыс орнынан анықтама.
      12. Мемлекеттiк қызметтi көрсету тәртiбi туралы толық ақпарат Қазақстан Республикасы Бiлiм және ғылым министрлiгiнiң www.edu.gov.kz ресми сайтында орналастырылады.
      13. Мемлекеттiк қызметтi алушылардың құжаттары бiлiм беру ұйымының басшысына тапсырылады.
      14. Мемлекеттiк қызметтi алу үшiн қажеттi құжаттарды тапсыру кезiнде мемлекеттiк қызметтi алушыға алатын күнi белгiленген тiзiмдеме берiледi.
      15. Қызмет көрсету нәтижесiн беру мемлекеттiк қызметтi алушының заңды өкiлiнiң жеке қатысуымен жүзеге асырылады.
      16. Бiлiм беру ұйымы осы стандарттың 11-тармағында қарастырылған құжаттар пакетi толық ұсынылмаған жағдайда мемлекеттiк қызметтi алушыға себептерiн көрсете отырып, қызмет көрсетуден бас тартылғаны туралы хабарлайды.

3. Жұмыс қағидаттары

      17. Бiлiм беру ұйымының қызметi мына қағидаттарға негiзделедi:


      1) адамның конституциялық құқығы мен бостандығын сақтау;
      2) қызметтiк мiндеттi орындау кезiнде заңдылықты сақтау;
      3) сыпайылық
      4) толық және жеткiлiктi ақпарат ұсыну;
      5) қорғау және құпиялылық.
      6) мемлекеттiк қызметтi алушы мерзiмiнде ала алмаған құжаттардың сақталуын қамтамасыз ету.

4. Жұмыстың нәтижесi

      18. Мемлекеттiк қызмет көрсету нәтижесi осы стандартқа 1-қосымшаға сәйкес сапа және тиiмдiлiк көрсеткiштерiмен өлшенедi.


      19. Мемлекеттiк қызметтiң сапа және тиiмдiлiк көрсеткiштерiнiң мақсатты мәнi жыл сайын Қазақстан Республикасы Бiлiм және ғылым министрiнiң бұйрығымен бекiтiледi.

5. Шағымдану тәртiбi

      20. Уәкiлеттi лауазымды тұлғалардың әрекетiне (әрекетсiздiгiне) шағымдану қажет болған жағдайда, мемлекеттiк қызметтi алушының заңды өкiлi осы стандартқа 2-қосымшаға сәйкес, тиiстi жергiлiктi атқарушы органның бiлiм бөлiмiне хабарласуына болады.


      21. Шағымдар жазбаша түрде поштамен немесе бiлiм басқармасының кеңсесi арқылы жұмыс күндерi қолма қол қабылданады.
      22. Мемлекеттiк қызметтi ұсынудың сапасы бойынша наразылық болған жағдайда, шағым аудандық (қалалық) немесе облыстық бiлiм басқармасы бастығының атына жазылады.
      23. Шағым аудандық (қалалық) немесе облыстық бiлiм басқармасының кеңсесi арқылы берiледi. Жұмыс кестесi: демалыс және мереке күндерiн қоспағанда, сағат 13.00-ден 14.30-ға дейiнгi түскi үзiлiспен 9.00-ден 18.30-ға дейiн жүзеге асырылады.
      24. Көрсетiлген мемлекеттiк қызмет нәтижесiмен келiспеген жағдайда, мемлекеттiк қызметтi алушының заңнамада белгiленген тәртiппен сотқа жүгiнуге құқығы бар.
      25. Қабылданған шағымдар бiлiм бөлiмiнiң кiрiс хат-хабарлар журналына тiркеледi және «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңында белгiленген мерзiмде қарастырылады. Мемлекеттiк қызметтi алушыға қабылдау мерзiмi мен уақыты көрсетiлген, қабылдаған қызметкердiң аты-жөнi жазылған талон берiледi.
      Шағымды қарастыру нәтижесi туралы мемлекеттiк қызметтi алушыға жазбаша түрде пошта арқылы хабарланады.

«Бастауыш, негiзгi орта, жалпы орта бiлiм  


беру ұйымдарына денсаулығына байланысты   
ұзақ уақыт бойы бара алмайтын балаларды   
үйде жеке тегiн оқытуды           
ұйымдастыру үшiн құжаттарды қабылдау»    
мемлекеттiк қызмет стандартына       
1-қосымша                 

Кесте. Сапа және тиiмдiлiк көрсеткiштерiнiң мәнi

Сапа және тиiмдiлiк көрсеткiштерi

Көрсеткiштiң нормативтiк мәнi

Көрсеткiштiң келесi жылдағы нысаналы мәнi

Көрсеткiштiң есептi жылдағы ағымдағы мәнi

1

2

3

4

1. Уақтылылығы

1.1. Құжатты тапсырған сәттен бастап белгiленген мерзiмде қызметтi ұсыну жағдайларының %-ы (үлесi)










2. Сапасы

2.1. Қызметтi ұсыну үдерiсiнiң сапасына қанағаттанған тұтынушылардың % (үлесi)










3. Қолжетiмдiлiк

3.1. Қызметтi ұсынудың сапасына және оны ұсыну тәртiбi туралы ақпаратқа қанағаттанған тұтынушылардың %-ы (үлесi)










3.2. Ақпаратына электронды форматта қол жеткiзуге болатын қызметтер %-ы (үлесi)










4. Шағымдану үдерiсi

4.1. Шағымданудың қолданыстағы тәртiбiне қанағаттанған тұтынушылардың %-ы (үлесi)










5. Сыпайылық

5.1. Персоналдың сыпайылығына қанағаттанған тұтынушылардың %-ы (үлесi)











Достарыңызбен бөлісу:
  1   2   3   4




©dereksiz.org 2024
әкімшілігінің қараңыз

    Басты бет