Бейорганикалық химия практикумы
Фосфордың күкірткөміртекте ерігіштігі (жұмысты тартқыш шкафта жасаңдар, жанарғыларды өшіріп қойыңдар)
жүктеу/скачать 6.08 Mb.
|
- Бұл бет үшін навигация:
- 2. Фосфордың су астында жануы.
- 3. Фосфор (ІІІ) оксиді.
| 3. Фосфордың күкірткөміртекте ерігіштігі (жұмысты тартқыш шкафта жасаңдар, жанарғыларды өшіріп қойыңдар). Кәрлен тостағанға немесе сынауыққа 2-3 мл күкірткөміртек құйып, оған ақ фосфордың кішкене кесегін салыңдар. Қандай өзгеріс болады? Қысқыш арқылы кішкене сүзгі қағазын алып, күкірткөміртектегі фосфор ертіндісімен ылғалдап, қандай өзгерістер болатынын байқаңдар. Қызыл фосфордың күкірткөміртекте ерігіштігін анықтаңдар. Табиғи қосылыстардан фосфорды қалай алады?
ғ 60 жұмыс. Фосфор қосылыстары
1. Фосфин. Стаканға су құйып, тұз қышқылды ортада кальций фосфидінің бірнеше кристалдарын салыңдар. Қандай өзгеріс болады? Бөлінген газдың тұтануын қалай түсіндіресіңдер? Фосфор сутекпен қандай қосылыстар түзеді? Олардың тұрақтылығы және басқа да қасиеттері қандай? 2. Фосфордың су астында жануы. Сынауыққа 5-10 мл дистилденген су құйып, оны суы бар стаканға салып, тұрғыға бекітіңдер. Су құйылған сынауыққа ақ фосфордың кішкене түйірін салып, стакандағы суды ақ фосфордың балқу температурасынан 15-200С жоғары температураға дейін қыздырыңдар. Газометрден шығатын оттек ағынын реттей отырып, газ өткізгіш түтікті бөлінетін оттек балқыған фосформен жанасатындай етіп енгізіңдер. Қандай өзгерістерді байқауға болады? 3. Фосфор (ІІІ) оксиді. 53 суреттегі құрылғыны жинаңдар. Шайғыш шынысауытқа (1) аздап вазелин майын құйып, U-тәрізді түтікті (2) сусыз кальций хлоридімен толтырыңдар. Кәрлен қайықшаға (3) ақ фосфор салып, оны қиын
балқитын шыныдан жасалған (4) түтікке орнатыңдар. Қабылдағыш ретінде қолданылатын U-тәрізді түтікті (5) су ағынды сорғыға жалғап, 4-ші түтіктің бір ұшын босатып, ыстық шыны таяқшаны тигізіп фосфорды жағыңдар. 4-ші түтікті тығынымен жауып, суағынды сорғыны қосыңдар. Қайықшада фосфордың аз мөлшері қалғанда реакцияны тоқтатыңдар. Сорғыны шығарып, 4 және 5 түтіктерде жиналған фосфор (ІІІ) оксидін аздаған су көлемінде (20-30 мл) ерітіп, алынған ерітіндіні қағаз сүзгімен сүзіп, келесі тәжірибелерге сақтап қойыңдар. жүктеу/скачать 6.08 Mb. Достарыңызбен бөлісу:
|