Үш валентті хромның алты валентті күйге дейін тотығу реакциялары

Хром (III) алты валентті күйге дейін сілтілік ортада H₂O₂, Br₂, PbO₂, KMnO₄ реагенттер көмегімен тотықтыруға болады.

2 CrCl₃ + 3 H₂O₂ + 10 NaOH = 2 Na₂CrO₄ + 6 NaCl + 8 H₂O (22)

2Cr³⁺ + 3 H₂O₂ + 10 OH^- = 2CrO₄^2- + 8H₂

6.5.2 _{Қышқылдық ортада тотықтыру.}

Реакцияның орындалуы

5-6 тамшы (NH₄)₂S₂O₈ ерітіндісін сынауыққа құйып, осы ерітіндіге бір тамшыдан 2н. H₂SO₄ және AgNO₃ ерітінділерін қосады,содан соң Cr₂(SO₄)₃ ерітіндісін қосып, буландырғышта қыздырады, ерітіндінің түсінің өзгергенін байқау қажет.

Cr(SO₄)₃ + 3 (NH₄)₂S₂O₈ + 7H₂O = H₂Cr₂O₇ + 3(NH₄)₂SO₄ + 6 H₂SO₄ (23)

2Cr³⁺ + 3S₂O₈^2- + 7H₂O = Cr₂O₇^2- + 6SO₄^2- + 14 H⁺

Көбінесе катализатор ретінде AgNO₃ пайдаланады. Реакция теңдеуін жазыңдар.

Реакцияның орындалуы

Күкірт қышқылы ортасында хромат иондарына сутек пероксидімен әсер еткенде көк түсті надхром қышқылы түзіледі:

2K₂Cr₂O₇ + 4 H₂O₂ + H₂SO₄ = 2 H₂CrO₆ + K₂SO₄ + 3H₂O (24)

Cr₂O₇^2- + 4H₂O₂ + 2H⁺ = 2H₂CrO₆ + 3 H₂O

Су ерітінділерінде надхром қышқылы тұрақсыз, сондықтан оны органикалық қабатта экстрациялайды. Реакция өте спецификалық, хромды бұл реакциямен барлық аналитикалық топ катиондарының катысында анықтауға болады. Реакция теңдеуін жазыңдар.

Калий дихроматы ерітіндісінің 2-4 тамшысына 5 тамшы H₂O₂ және 0,5 мл амил спиртін қосып араластырады да, тамшылап H₂SO₄ (1:4) ерітіндісін қосады. Cr₂O₇^2- иондары қатысында органикалық қабат көк түске боялады.