Д. Н. СӘрсекова, Е. М. ҚАспақбаев орманшылық Алматы, 2008
ОРМАНДАРДЫ КҮТIП-БАПТАУ КЕСУЛЕРI
жүктеу/скачать 1.52 Mb.
|
- Бұл бет үшін навигация:
- 2.4.2 Күтiп-баптау кесулерiнiң негiзгi және екiншi дәрежелі мiндеттерi.
| 2.4 ОРМАНДАРДЫ КҮТIП-БАПТАУ КЕСУЛЕРI
2.4.1 Жалпы ұғымдар. Күтiп-баптау кесулерi – алқа ағаштарда басты ағаш түрлерінің өсуiне қолайлы жағдайлар жасауға, орманның пайдалы қызметiн арттыруға және ағаш сүрегін уақытында пайдалануға бағытталған кесулер болып саналады. Олар орманнан ағаштардың бір бөлiгiн кезеңдерге бөліп кесiп тастау болып табылады және бұл сүрекдiңнiң бүкiл тiршілігінде жүргiзiледi. Қазақстан Республикасында күтiп-баптау кесулерiн балауса ағаштардың жанаса бастаған уақытынан бастайды, тұқымнан өскен және аралас тектi қылқан жапырақтылар мен қатты жалпақ жапырақты алқа ағаштарда басты кесулерге дейiн 10 жыл қалғанда, ал түбірөркеннен өскен жұмсақ және қатты жалпақ жапырақты алқа ағаштарда 5 жыл қалғанда күтіп-баптау кесулері тоқтатылады. 2.4.2 Күтiп-баптау кесулерiнiң негiзгi және екiншi дәрежелі мiндеттерi. Негiзгi мiндеттерi: а) сүрекдiң құрамын шаруашылық үшiн қажеттi бағытта өзгерту; б) техникалық жетiлген сүректi өсiру кезеңiн қысқарту; в) ауданның бiрлiк өлшемi бойынша пайдаланатын сүректiң мөлшерiн көбейту; г) өсiрiлетiн сүректiң сапасын арттыру, д) белгiлi бір сортименттерді алу; е) ағаш түрлерінің тез өсетiн аса бағалы формаларын таңдап алу; ж) ормандағы санитарлық жағдайды жақсарту және сүрекдiңдердiң зиянды факторларға қарсы төзімділігін арттыру; з) өсiп тұрған орманның су мен топырақ қорғау, рекреациялық және басқа пайдалы қасиеттерiн күшейту; и) ауданның бiрлiк өлшемiне келетiн сүректiң жалпы өсiмiн көбейту; к) сүрекдiңдердiң жалпы өнiмдiлiгiн арттыру. Екiншi дәрежелі мiндеттер: а) өтiмдi сүректi сатудан қосымша табыс алу; б) курорт, қорық, қалалық және ауылдық ормандарда алқа ағаштардың қажеттi құрылымын қалыптастыру; в) қорғаныш орман алқаптарының және жасыл қоршаулардың қажетті конструкциясын құру; г) ағаш пен бұта түрлерінің жемiстерi мен тұқымдарының түсiмiн арттыру және орманның табиғи қайта жаңару жағдайын жақсарту; д) алқа ағаштарда орман астарының шығу мен өсу жағдайларын жақсарту, сол арқылы құстардың ұя салуы және олардың мекендеуi үшiн қолайлы жағдай жасау; е) рекреациялық маңызды ормандардың эстетикалық құндылығын арттыру. жүктеу/скачать 1.52 Mb. Достарыңызбен бөлісу:
|