Фенолдың тотығуы. Пробиркаға 2 мл фенолдың судағы ерітіндісін және соңдай мөлшерде сода ерітіндісін құйып, оның үстіне 0,5 мл калий перманганат ерітіндісін қосады. Калий перманганатының түсі бірден жойылып кетеді де қоспада күрделі фенол қосылысы, марганец (IV) оксид және сілті пайда болады.
Фенол формальдегид смоласын алу. Екі пробиркаға 1 г фенол салып, біріншісіне 1 мл, екіншісіне 2,5 мл формальдегид ерітіндісін қосып, су жылытқышта қыздырады. Фенол еріп кетеді. 2—3 минуттан соң пробирканың біреуіне 2—3 тамшы концентрациялы тұз қышқылын, екіншісіне 1 мл (жайлап бірте-бірте) аммиак, тамызып, қоспа қабатқа бөлінгенше қыздыра береді. Қоспа қабатқа бөлінген соң пробиркаларды стақандағы суық суға салып суытады. Пробиркалардағы қабаттың жоғарғысы — су, ал төменгі бөлігі — смола. Суын ептеп төгіп тастап, смоланы тағы қыздырады. Бірінші пробиркадағы смоланың көпіруі басылған соң бір жазық бет қаңылтырға немесе керамикаға құяды. Ол суыған соң ацетонда ерімтал қатты масса түзіледі. Оны жаңа лакты смола деп атайды.
Екінші пррбирканы ұзақ қыздырған соң пайда болған қоймалжың смоланы резолды смола деп атайды. Осы резолды смоланы 120° С жоғары қыздырғанда, құрамынан қосымша су бөлініп, күрделі құрылысты, қыздырғыш пайда болады.
№9 Лабораториялық жұмыс
Достарыңызбен бөлісу: |
