Металлургия
Өндірістік қауіпті және зиянды факторларды талдау
жүктеу/скачать 1.93 Mb. Pdf көрінісі
|
| 4.2 Өндірістік қауіпті және зиянды факторларды талдау
Мұнайгаз өндіруші өнеркәсіптер қоршаған ортаны ластайтын негізгі салалардың қатарына жатады. Мұнай және газ кен орындарын игеру мен пайдалану барысында, оның қоршаған табиғи орта мен жер қойнауына техногендік әсері өте зор. Қоршаған ортаны және жер қойнауын қоғау Қазақстан Республикасының қазіргі кездегі заңына сәйкес жүзеге асырылуы және халықаралық нормалар мен ережелерге сай болуы керек. Технологиялық жабдықтардан (резервуарлар мен аппараттардан) зиянды заттардың бөлініп шығу себептеріне мыналарды жатқызуға болады: фланецті қосылыстарда саңылаудың болуы; коррозия салдарынан апаттың болуы; құбырлардың жарылып кетуі; жөндеу және профилактикалық жұмыстарды жүргізу барысында мұнайдың ағып кету жағдайының болуы. Мұнайгаз өндіруші және өңдеуші кәсіпорындарында атмосфераға бөлініп шығатын негізгі ластаушы компоненттер: күкіртсутек, күкіртті ангидрид, көміртегі тотығы, көмірсутектер, азот тотығы және басқада қауіптілігі ІІІ-ІV класстарға жататын улы заттар болып табылады. Шу деп толку процесі нәтижесінде туатын және адамда жағымсыз сезім тудыратын әртүрлі күштер мен қарқындылык дыбыстарының ретсіз байланысының жиынтығын айтады. Есту мүшесіне катты шу әсер ете отырып, толық естімеуге немесе кәсіби кереңдікке әкеледі. Осымен бірге жүрек - тамырдың қалыпты кызметін бұзады, технологиялық тепе-теңдік жағдайына әсер етеді, адамның энергетикалық шығындары ұлғаяды. Діріл деп құрылғы мен коммуникацияның беріктігі және техникалык саңылаусыздығының бұзылуына әкелетін серпімді дененің, әртүрлі құрылғылардың, машина және құралдардың механикалық тербелісін айтады. Адам мүшесіне зиянды әсер ететін діріл дірілдік аурулардың тууымен бейнеленеді. Діріл кызметімен жүйкелік және жанама буын жүйесінде өзгерістер, бұлшықет күші мен массасының төмендуі, артериалды қысымының көтерілуі, көз көрудің төмендеуі, есту, жүрек тамырының спазмаларының әлсізденуі болады. Шу мен діріл деңгейінің төмендеуі әртүрлі жолдармен жетуі мүмкін. Ең алдымен (оларды) металды детальдарды пластмассаға, карқындыны қарқынсызға ауыстыра отырып, түзілу көзінде оларды кішірейту керек. Бөлменінің ішкі беті әшкереленеді және дыбыс жұтқыш материалдармен жасалады кейбір жағдайларда дыбыс жою үшін камералар, тыстар және т.б. жасалады. Егер жөнделген өндрістік қондырғылар діріл мен шудың артуын түзсе, онда оны құрылыстан арнайы іргетаста құрылғы құрылғысымен оқшаулайды. 35 Аса белгілі құралдармен жұмыс орнындағы шуды төмендету мүмкін болмаса онда осы жағдайда есту мүшелерінің жеке корғау құралдарын - антифондар, наушниктер және т.б. қолданылады. Өндірістік жағдайларда жарықтың үш түрі қолданылады: табиғи, жасанды және біріктірілген (тәуліктің жарық кезінде жасанды мен табиғи жарықтың қоса қолданылуы).Табиғи жарық адам ағзасына кері әсерін тигізбейді сондықтан жоғары мөлшерде қолданылуы тиіс. Табиғи жарық терезеден түседі, яғни бөлмеге күндізгі жарық сыртқы қабырғадағы саңылаулар арқылы енеді. Күндізгі жарықтың қарқындылығын сипаттау үшін жасанды жарық қабылданған. Жасанды жарық бөлмелерді электр жарық көзі арқылы жарықтандырады. Цехтық бөлмелер жалпы электр жарығымен қамтамасыз етілген, себебі барлық бөлмелер төбесінен бірыңғай жарықталған.Жөндеу цехындағы жарықтану нормативті талаптарға сай болады.Техникалық қауіпсіздік талаптары бойынша жасанды жарықтың мөлшері қабылданған. Жөндеу цехтарында жасанды жарық ретінде жалпы, жергілікті және тұтас жарықтар қолданылады. Жалпы жарықтандыру дегеніміз – бір түрлі бірдей қуаттылықтағы бөлменің барлық жеріне орнатылған жарық. Жергілікті жарықтандыру деген – жекелеген жұмыс орындарына арналған (лаборатория, станоктар және т.б.) Тұтас жарықтандыру – бұл жалпы және жергілікті жарықтандыруларды қолдану. Жарықтандыру мөлшері сала техникасының қауіпсіздігі талаптарында келтіріледі. жүктеу/скачать 1.93 Mb. Достарыңызбен бөлісу:
|