(Т) Берілген тапсырманы орындау. Жаппай тексеру. Мұғалім төтенше жағдай кезінде қандай дұрыс әрекеттер жасау керектігін түсіндіріп береді. Қазақстан жерінде жиі болатын табиғи апат. Жер сілкінісі дегеніміз – жерасты дүмпуі күштерінің әсерінен Жердің беткі қыртысының тербелуі. Бұл апат түрін барлық адам біледі десек те болады. Бәлкім, кейбіреулері оның куәсі болуы да мүмкін. Еліміздің оңтүстігінде орналасқан биік таулар аймағы сейсмикалық қауіпті аймақ болып табылады. Мұнда жер сілкінісі жиі қайталанып тұрады. Осындай табиғат апатының жақындап келе жатқандығын халыққа алдын ала ескерту үшін Сейсмология институты жаңа технологияларды пайдалану арқылы күнделікті жерасты дүмпуін зерттеп отырады.
Жер сілкінісінің адам өміріне тигізетін зардабы мол. Апат кезінде үйлер, ғимараттар қирауы, өрт шығуы мүмкін. Біздің тұрып жатқан үйлеріміздің материалы әртүрлі. Сондықтан олардың жер сілкінісіне беріктігі де әрқилы дәрежеде болуы мүмкін. Ағаштан және бөренеден тұрғызылған үйлер ең қауіпсіз болып табылады. Кірпіштен және панельден салынған
үйлердің беріктігі құрылыс материалы мен пайдалану жағдайларына байланысты. Әйнектелген ғимараттар жерасты дүмпуі болса, әйнек сынықтарының сынып, шашылуымен өте қауіпті. Ол жағдай сыртта тұрған адамға да қатер төндіреді.
