Дипломдық жоба білім бағдарламасы 6В01504 «Химия» АҚТӨбе 2023 Қазақстан республикасы ғылым және жоғары білім министрлігі

Қорыта келгенде, технология заманында оқушылар меңгеруге тиісті білім, білік, дағдының көлемі күннен–күнге артып, мазмұны өзгеріп отырғаны көпшілікке мәлім. Олай болатын болса, оқушылардың сауаттылығын қалыптастыруда инновациялық технологияларды пайдалану арқылы білімнің сапасын арттыру, білім берудің жаңа, озық, тиімді тәсілдерін іздестіру жұмыстарын жүргізу міндеттері жатыр.

1. 
   Орта мектепте білім беру сапасын көтеру, оқушылардың оқу мазмұнын сапалы ұғынуы және заман жетістігі – ақпараттық құралдарды өз оқу іс-әрекетінде еркін пайдалану жөніндегі білік-дағдыларды игеруі негізгі талаптардың бірі болып отыр.
   
2. 
   Инновациялық технологияға байланысты зерттеулердің және бұл бағытта қабылданған құжаттар пакетінің едәуір үлкен болуына қарамастан, химия мазмұнындағы мәселелерді өмірмен тығыз байланыста қараудың жеткіліксіздігінен, оның салдарынан оқушылардың сана–сезімнің қалыптасуының төмендегінен, химиялық білімінің төмендегендігі байқалды.
   
3. 
   Оқыту үрдісінде қолданылатын әдіс – тәсілдерді саралай келе оқыту жүйесіндегі инновациялық технологияны қолдану арқылы оқушылар көрсетілген бағдарламалық білімді игеру, жаңа біліктер мен дағдыларды қалыптастыру, өз ойын еркін түрде жеткізе алатын, топпен жұмыс жасай алатын, өзіндік шығармашылық қабілетін дамытатын ерекшеліктері айқындалды. Оқушылардың логикалық ойлау қабілетін дамыту мақсатында химия пәнін модульдік оқыту әдістемесін мектепте енгізуді ұйымдастыру жүргізілді.
   
4. 
   Осы жұмыс жалпы білім беретін орта мектептерде нәтижелі жүргізілуі үшін оқу–тәрбие процесі технологияландырылып, нәтижесінде оқушылардың сабақ үстінде танымдық белсенділігін жоғарылататын, ізденуге, пікірталасқа түсуге талаптандыратын, сабақ уақытын үнемді де ұтымды пайдалануға жетелеп, осының есебінен оқушылардың барлығын дерлік бағалауды мүмкін ететін технологиялық әзірлемелер, соның ішінде АКТ – да жүйелі қолданылатын құралға айналуы тиіс. Бұл кезде оқу материалын көрнекі, әсерлі, ыңғайлы жеткізуге бірден–бір көмекші аспаптар – заманауи ОТҚ–лар мұғаліммен шебер пайдаға асырылуға тиіс.
   
5. 
   Химия пәнін инновациялық технологиямен оқытуда өзіндік, топтық тапсырмалар оқушылардың топпен және өздігінен жұмыс жасау қабілетін жетілдіретіндей етіп ұйымдастырудың жолдары таңдалды. Оған жаттығуларды орындау, есептерді шешуі, формулалар бойынша реакциялардың теңдеуін құрастыру, оқулықпен жұмыс, сан алуан сарамандық сабақтар, сарамандық тәжірибелерді, сабақ арасында ойсергектер ұйымдастыру, сабақты түрлі әдіс-тәсілдер бойынша орындаулары т.б. жатады.