Джаншанло Р. Е
жүктеу/скачать 0.77 Mb.
|
| О
Капитал айналымы – капиталдың қозғалыс барысында бір нысаннан екіншісіне ауысуы үдерісі. Айналымдағы активтер – ұйымның өндірісі мен айналымында қолданылатын қысқа мерзімді активтері. Айналымдағы өндірістік қорлар – өндіріс барысында қолданылатын еңбек нысандары. Айналым капиталы –ұйымның қысқа мерзімді активтерге салынған капиталы. Жалпы өндіріс тиімділігі – салық салғанға дейінгі пайданың негізгі және материалдық айналым қаражатының орташа жылдық құнына қатынасы. Ұйымның жалпы талдауы – ұйымды жұмыскерлер құрамы, құрал-жабдықтар, технология, өндірістік қызмет тиімділігі, өткізу, басқару және жоспарлау тұрғысынан сипаттауға мүмкіндік беретін көрсеткіштердің талдауы. Экономикалық талдау объектісі – техникалық тұрғыда өндірісімен және әлеуметтік, табиғи жағдайлармен байланысты нысан ретінде қарастырылған ұйымның қаржылық-шаруашылық қызметі. Жұмыс ырғақсыздығына байланысты шығарылмай қалған өнім көлемі – ырғақсыздық коэффициентінің жоспар бойынша шығарылған өнімнің жалпы сомасына көбейтіндісі. Операциялық леверидж – ұйым пайдасының өнім көлемі өзгерісіне қарай өзгеруі. Операциялық цикл – ұйымның бүкіл қаражатының толық айналу уақыты. Сатып алудың көтерме бағасы – сатып алынатын заттың жіберілетін бағасы және оған қосымша делдалдың үстеме ақысы (делдалдың көтерген шығыны мен делдалдың пайдасы және делдалдың ҚҚС қосындысы). Көтерме баға – ұйымға шығынның өтелуін және пайда алуды қамтамасыз ететін баға. Негізгі капитал – ұзақ мерзімді активтерге салынған капитал (кейінге қалдырылған салықтық активтерді қоспағанда). Негізгі қаражат – көптеген өндірістік циклдерге қатысып, құны өнімге бірте-бірте ауысатын еңбек құралдары мен қаражаттары. Негізгі қаражаттың қалдық құны – негізгі қаражаттың бастапқы құны мен жиынтық тозымпұл құндарының айырмасы. Салыстырмалы экономикалық көрсеткіштер – екі абсолютті көрсеткіштің қатынасы ретінде анықталатын көрсеткіштер. Есептік калькуляция – өнім өндіруге жұмсалған нақты шығынды бухгалтерлік есепке алу деректері бойынша жасалған калькуляция. Шешімдердің шектеулі саны туралы қате тұжырымдама – экономикалық шешімдер саны шектеулі болып табылады деген қате ұғым, одан үкімет неғұрлым көбірек шешім шығарса, жеке меншік ұйымдар қабылдауға мәжбүр болатын шешімдер саны соғұрлым аз болады деген қорытынды жасалады. жүктеу/скачать 0.77 Mb. Достарыңызбен бөлісу:
|