Тәрбие әдістері, тәсілдері, құралдары

Тәрбие әдістері, тәсілдері, құралдары.

Шын тәрбие процесінде әлістер мен тәсілдер арасында нақты шекара жоқ, ол жылжымалы болады. Тәрбие тәсілдерін екіге бөлуге болады:

• Дамуды қолдайтын: сенім, мадақтау, көңіл бөлу, өтініш, пікір алмасу, ықыласпен тыңдау, қызықты іспен қамту, моральды қолдау табу, т.б.
• Дамуды қолдамайтын немесе тежеу тәсілдері: жарлық беру, кекету, ұрсу, жақтырмау, жазалау, ескерту, ашулану, немқұрайлы қарау, әшкерелеу, т.б.

Осы көрсетілген тәрбие әдістері, тәсілдерінің іс-әрекет арқылы жүргізілуі тәрбие әдістері, тәсілдерінің іс-әрекет арқылы жүргізілуі тәрбие құралдары болып табылады.Шындығында педагогикалық қатынас ұстаздың шәкіртке деген сүйіспеншілігінен шығады. Қатынас арқылы ұстаз шәкіртпен рухани, әлеуметтік қатынас туралы пікірлеседі. Педагогикалық қатынаста ұстаз да, шәкірт те бір-біріне құнды, бай ақпарат, хабарлар береді. Ұстаз әр баланың жас және дербес ерекшелігін ескеріп, сол тілде қатынас жасайды.

Адамгершілік және азаматтық тәрбие

• Адамгершілікті мемлекет қайраткерлері, ғалым ұстаздар, көсемдер, небір жақсылар уағыздаған. Олар өз заманына сай ізгілікті, парасаттылықты, сананы, сезімді, саналылықты, инабаттылықты, салауаттылықты, адалдықты, шыншылдықты, т.б. насихаттаған. Адамгершілік тәрбие біртұтас оқу-тәрбие процесінің негізі болып табылады. Адамгершілік қасиет мораль, этика, өнеге арқылы айқындалады. Мораль, этика, өнеге адамгершіліктің күретамыры болып табылады. Сондықтан да біз адамгершілік тәрбиені осылардан бастағанды жөн деп отырмыз.
• «Мораль (латыншасы моралис, қазақшасы — әдет-ғұрып) - әлеуметтік шындықтың этикалық саналарын (ізеттілік, мейірбандық, әділеттілік, мінез-құлық, әдет-ғұрып, т.б.)бейнелейтін қоғамдық сананың бір түрі. Мораль дегеніміз—адамдардың бір-біріне және қоғамға деген міндеттері мен қарым-қатынастарын анықтайтын қауымдық өмір сүру ережелерінің, адамдардың мінез-құлықтары нормаларының жиынтығы.

Балалар ұжымы туралы түсінік