Гүлтас сайынқызы
Қамшы сөздер: Ауыл жетім баланың күйінде тұр. Қайырымды
жүктеу/скачать 0.73 Mb. Pdf көрінісі
|
| Қамшы сөздер: Ауыл жетім баланың күйінде тұр. Қайырымды
болсаң ауылға бол! Бізге ар-намыстың жарнамасы керек (Қазақ Радиосынан сөйлеген сөзім) Туған жер, Жер –Ананың қадірін білген ағаларымыз: «О, дариға, алтын бесік, туған жер, қадіріңді келсем білмей, кеше гөр» (Қасым Аманжолов) деп кешірім сұраған екен. Біз қашан туған жерден, Жер-Анадан кешірім сұраймыз, ағайын? Біз осы тағыға айналып бара жатқан жоқпыз ба? Айналаға көз салыңыздаршы, қасиетті Алматы жерінің белі қайысып, көше толы көлікті көтере алмай тұрғаны өз алдына, улы газбен тұншығып тұрғаны өз алдына, адамдардың өз қолдарымен жасалған қиянаттан ару қаланың сиқы қашып тұрған жоқ па? «Алматы – ару қала» деп тегін айтылмаған еді ғой. Ұлылардың ізі қалған, көзі қалған, рухани әлеміміздің кіндігі болған Алматы ... Ағайын, Жер-Ана, қасиетті Алматы қаласы, бізбен бірге өмір сүріп, біз ол дүниеге аттанғанда, бізбен бірге о дүниеге кетпейді. Ол біздің ұрпақтарымызға қалмай ма? Көк тіреген зәулім үйлер, өз қолдарыңыздан, ізгі армандарыңыздан дүниеге келген асыл мұралар ұрпақтарымызға қалмаса, өмірде мән бола ма? Көптің шашқанын аз жинай алмайды. Жинау үшін дүние екіге бөлініп, әр наданның қасында, қолында сыпырғышы бар мәдениетті адам жүру керек. Сонда ғана жүрген жеріміз таза болуы мүмкін. Ала жаздай Алматының жасы да, жасамысы да мейірленіп «кел-кел» деп шақырып тұрған Алатаудың бауырына барып демалады. Алатаудың аң- құстары (біз санасыз, тілі жоқ деп санайтын) жүрген жерін жапырып, ластап кеткенін көрген жоқпыз, ал «саналы, мәдениетті» адамдардан кейінгі демалыс орындарын көрсеңіз, әй, ұяттан бетіміз ду ететіні өтірік емес. Кеше кешкісін жұмыстан қайтарда аялдамада тұрмын, екі-екіден бес- алты жігіттер тұр. Он минөттей тұрдым-ау деймін, әрқайсысы жерге үш-төрт реттен түкірді. Жиіркеніп те, ренжіп те тұрдым, үндемедім. Аузымды ашсам, өзімді балағаттайытынын сездім. Олар ғана емес, адамдардың көбі солай етеді. Қоқысты жолға тастау, өз үйлерінің қасындағы бос жатқан жер болса, 73 соған әкеліп тастау деген заңдылық сияқты. Ұялмайды, балалар сол жерде ойнап жүреді, олар ауру табуы мүмкін. Жоқ. Санаға тәрбие болу керек. Азан шақырғандай радиодан, теледидардан, көліктің радиосынан қайта-қайта айта беру керек. Көшеге арақтың жарнамасын іле бергенше, ар-намыстың жарнамасын ілу керек. Аялдамаларға да екі тілде: «Жерге түкіргенің – Жер ананың бетіне түкіргенің. Анаңның бетіне біреулер түкірсе, қалай болар еді? Бізге өмір сыйлаған, асырап-баққан Жер ананың қарғысына қалмайық, таза ұстап, алғысын алайық» т.б деген сияқты сөздерді жазып, көп жерге іліп тастау керек. Қоқыс тастап жатқандарды камераға түсіріп, теледидардан қайта- қайта көрсету қажет. Ұялсын, өзгелерге сабақ болсын. Енді әрекетсіз отыруға болмайды. Кемал Ататүрік: «Әлем бізді құрметтесін десек, өз ұлтымызды және ұлттық бейнемізді алдымен біздің өзіміз бар сезімімізбен, ақыл-ойымызбен, бүкіл қимыл-әрекетімізбен құрметтеуіміз керек. Өзінің ұлттық бейнесін таба алмаған ұлттардың басқа ұлттарға жем болатынын білгеніміз дұрыс» деген екен. Ұлт дейтін де, ұлтым дейтіндер де өз туған жерін, тұрған жерін, суы мен нанын қадірлей алатындардан ғана шығады. Кемал Аттүріктің айтқан қимыл-әрекеттің бірі – Жер ананы ластамау, қоқыс сарайына айналдырмау. Осындай кішкентай нәрседен бастап көрейікші, содан үлкенге жету оңай болар. Әке, менің радиодан сөйлеген сөздерімді тыңдап, теледидардан сөйлегенімді, Елбасымен кездесіп сөйлегенімді де көрдің ғой. Жан әкем-ау, дұрыс деп алып: «Рас қой, қызым сен дұрыс айттың. Көшеге қоқыс лақтырып жатқандарды көрсем, ұстап алып, ұялтамын. «Сен үйіңде осыны жасайсың ба? Мынау – Жер, адамдардың ортақ үйі. Біз бәріміз оны таза ұстауымыз керек» деп айтамын. жүктеу/скачать 0.73 Mb. Достарыңызбен бөлісу:
|