82
Үйлену т
ақырыбына қ
атыс
ты cұр
ақ
-ж
ау
ап
ҚОСЫМША
Үйлену тақырыбына қатысты cұрақ-жауап
Бұл бөлімде бір кезде оқырмандардан келген
сұрақтарға менің берген жауаптарым қамтылған. Әркім
өзін алаңдатып жүрген мәселенің жауабын табады деп
сенемін.
Сұрақ: Студент болып жүріп үйленген дұрыс па?
Жауап: Меніңше, студент кезде кейінгі өміріңе азық
болатын білімді меңгерген дұрыс. Бар ойың оқу, өз-өзіңді
жетілдіру болуы керек. Үйленген соң, екі адам үшін
ойлана
бастайсың, жауапкершілік салмағы артады, білім алуға
фокус та, энергия да, уақыт та азаяды.
Сұрақ: Ұнатқан қызым қарамай қойса, не істеймін?
Жауап: Бір кәсіпкер ағам «Өзі қалаған қызға үйлене
алмаған жігіт бизнес бастамай-ақ қойсын» деп айтып еді.
Шынымен жақсы көрсең, қарату үшін бәрін істейсің ғой.
Джек Лондонның «Мартин Иден» деген шығармасын
оқып, мотивация алсаң болады. Қыздарға да дегенінен
қайтпайтын жігіттер ұнайды. Роберт Чалдинидің
«Психология влияния» деген кітабын оқып, сол жердегі
тәсілдерді қолданып көр. Қысқасы, «махаббат
деген
– қарусыз майдан». Барыңды салсаң, ол қызды өзіңе
қаратасың ғой.
