Жалпы отырысы
жүктеу/скачать 0.68 Mb. Pdf көрінісі
|
| МӘЖІЛІС ОТЫРЫСЫ 2023 жылғы 6 қыркүйек
Стенографиялық есеп 17 Мысалы, халықаралық тәжірибеге сүйенсек, Францияда «Credit Agricole», Белоруссияда «Белагропромбанк», Ресейде «Россельхозбанк», Қытайда «Agricultural Bank of China», Өзбекстанда «Агробанк» және басқа да елдерде салалық аграрлық банк жұмыс істейді. Бірақ ескеретін жайт бар, ол – кепілдікке беріліп жатқан жер ресурстарының талан-таражға түспеуін және барлық рәсімдеу үрдістерінің ашық түрде жүргізілуін қамтамасыз ету. Осыған қатысты Үкімет пен Ұлттық Банктің нақты ұстанымы қажет. Өйткені еңбек адамдарының талабын сөзбұйдаға салуға болмайды, Үкімет тарапынан осы мәселені шешуде табандылық көрсететін кез келді. Жоғарыдағы ұсыныстарды ескере отырып, көтерілген мәселе бойынша заңнамада белгіленген мерзімде жауап беруіңізді сұраймыз. Құрметпен «Ауыл» партиясы фракциясының депутаттары». ТӨРАҒА. Сөз депутат Нажметдинұлы Болатбекке беріледі. НАЖМЕТДИНҰЛЫ Б. Рақмет, құрметті Ерлан Жақанұлы. Менің депутаттық сауалым осы жылдың 5 сәуірінде Мемлекет басшысы қол қойған «Қазақстан Республикасының кейбір заңнамалық актілеріне жер қатынастары саласындағы мемлекеттік қызметтерді цифрландыру мәселелері бойынша өзгерістер мен толықтырулар енгізу туралы» Қазақстан Республикасы Заңын іске асыру мәселелеріне қатысты екі министрлікке, оның ішінде Цифрлық даму, инновациялар және аэроғарыш өнеркәсібі министрлігіне және Ауыл шаруашылығы министрлігіне жолданады. «AMANAT» партиясы өз міндетінде құқықтық мемлекеттік заңнаманы қолжетімді ету және әрбір азаматтың өз құқықтары мен міндеттерін түсіну міндетін қойып отыр. 2020 жылы Үкімет әзірлеген заң Мәжілісте екі жылдан астам қаралды. Оны қабылдаудың негізгі мақсаты – жер учаскелерін беру кезінде сыбайлас жемқорлық тәуекелдерін болдырмау. Бірақ бүгінде біз оны жүзеге асыруда қиындықтарды көріп отырмыз. Заңға бес ай бұрын қол қойылып, 1 шілдеден күшіне енгеніне қарамастан, оны іске асыру үшін нормативтік құқықтық актілер әлі бекітілмеген. Барлық мерзімдер бұзылған. Осыған байланысты өңірдегі жұмыс кестесі шеңберінде «AMANAT» партиясы, Ауыл шаруашылығы және Цифрлық даму, инновациялар және аэроғарыш өнеркәсібі вице-министрлері, «Атамекен» ұлттық және өңірлік кәсіпкерлер палаталарының өкілдері және жергілікті атқарушы органдардың басшыларының қатысуымен онлайн-кеңес өткізді. Негізгі құжат – учаскелерді беру тәртібі де кеш қабылданды, 60 күн ішінде қолданысқа енгізілді. Яғни, жария кадастрлық карта бар, оны пайдалану тәртібі қазан айында ғана жұмыс істеуі мүмкін. Жүйенің өзінде жылжымайтын мүліктің Бірыңғай мемлекеттік жылжымайтын мүлік кадастрында алты мемлекеттік қызметтің екеуі ғана жұмыс істейді, яғни дайын емес. Нәтижесінде азаматтар, кәсіпкерлер маусым айынан бастап жер учаскелерін жаңа тәртіп бойынша ала алмауда. Әкімдіктермен халықпен және бизнеспен жер учаскелерін берудің жаңа тәртібі бойынша түсіндіру жұмыстарын ұйымдастыру ол да жеке мәселе. Ол жүргізілмеген және МӘЖІЛІС ОТЫРЫСЫ 2023 жылғы 6 қыркүйек 18 Стенографиялық есеп бүгінде азаматтар, кәсіпкерлік субъектілері жария кадастрлық картаны енгізу туралы ақпаратқа ие емес, оны қалай пайдалану керектігін, жаңа тәртіпке сәйкес жер учаскесін қалай алу керектігін білмейді. Бұл мәселелердің халық үшін маңыздылығын ескере отырып, келесіні қажет деп санаймыз: барлық автоматтандырылған процестер шеңберінде халықтың мемлекеттік қызметтерге уақтылы қол жеткізуін қамтамасыз ету; қалаларда жер алудың жаңа тәртібі бойынша халықпен түсіндіру жұмыстарын ұйымдастыру және ол жұмыстарды атқару; заңның орындалуына жауапты адамдарды қатаң жазалау мәселесін қарастыру. (Бұл жаңа аталған екі министрлік вице-министрлерінің өз жұмыстарына немқұрайлы қарауына байланысты). Құрметпен «AMANAT» партиясы». Рақмет. ТӨРАҒА. Сөз депутат Перуашев Азат Тұрлыбекұлына беріледі. ПЕРУАШЕВ А.Т. Рақмет, құрметті Төраға. «Ақ жол» фракциясының сауалы Премьер-Министрге. «Құрметті Әлихан Асханұлы! Президент Тоқаевтың биылғы Жолдауы айқын, жан- жақты әрі нақты болып шықты. «Ақ жол» демократиялық партиясы үшін Жолдау аясында отандық бизнес тарапынан жылдар бойы айтылып келген, бірақ бүгінге дейін шешімін таппай жүрген көптеген тақырыптардың көтерілгені маңызды. Сонымен Мемлекет басшысы өз Жолдауында «дамудың жаңа сапалық деңгейіне» көшуді, өндірістің мықты да мызғымас іргетасын қалаумен және өңдеуші секторды дамытуға сүйенген экономикалық тәуелсіздікті қамтамасыз етумен байланыстырды. Өз кезегінде «Ақ жол» демократиялық партиясы әлеуеті таусылған банктік- шикізаттық парадигмадан алыстап, оны жаңа экономикалық модельге ауыстыруға барынша үлес қосады. Негізі халық пен Парламент Президенттің жолдауларында тек берген тапсырмаларын есту ғана емес, сонымен қатар жыл сайын сол бастамалар қаншалықты орындалып жатқаны туралы да білуге тиіс. Өткен жылғы Жолдау да жақсы еді, оған дейін де көп орынды сөз айтылып келген. Енді сол тапсырмалардың қайсылары атқарылды, қайсысы орындалмағанын бүкіл ел білуге құқықты емес пе? Болмаса, Президент бүкіл елге жариялап, Үкіметтің алдына нақты міндеттер қояды, ал олардың қалай іске асқанын неге тек биліктің өзі ғана білуі керек? Ақпарат құралдарының айтуынша, жақында ғана Үкімет былтырғы Жолдаудың орындалуы жөнінде тек билік партиясы алдында есеп берді, ол да дұрыс бастама. Бірақ, біздің ойымызша, Үкімет бір партияға емес, бүкіл халыққа қызмет етуге тиіс. Президенттің өзі бөлек партияға емес, бүкіл елімізге Жолдау жасауда. Сондықтан Үкімет те оның орындалуы туралы халық сайлаған көппартиялы Парламент алдында есеп беруге міндетті. |