Жылдарға арналған "Ақ бұлақ" бағдарламасын бекiту туралы Қазақстан Республикасы Үкiметiнiң 2011 жылғы 24 мамырдағы №570 Қаулысы «Қазақстан Республикасының 2020 жылға дейiнгi Стратегиялық даму жоспары туралы»



бет1/8
Дата17.07.2016
өлшемі0.56 Mb.
#205797
  1   2   3   4   5   6   7   8
2011 - 2020 жылдарға арналған "Ақ бұлақ" бағдарламасын бекiту туралы

Қазақстан Республикасы Үкiметiнiң 2011 жылғы 24 мамырдағы № 570 Қаулысы



      «Қазақстан Республикасының 2020 жылға дейiнгi Стратегиялық даму жоспары туралы» Қазақстан Республикасы Президентiнiң 2010 жылғы 1 ақпандағы № 922 Жарлығын және Қазақстан Республикасы Президентiнiң 2011 жылғы 28 қаңтардағы «Болашақтың iргесiн бiрге қалаймыз!» атты Жолдауын iске асыру мақсатында Қазақстан Республикасының Үкiметi ҚАУЛЫ ЕТЕДI:
      1. Қоса берiлiп отырған 2011 - 2020 жылдарға арналған «Ақ бұлақ» бағдарламасы (бұдан әрi - Бағдарлама) бекiтiлсiн.
      2. Қазақстан Республикасы Экономикалық даму және сауда министрлiгi Қазақстан Республикасы Ауыл шаруашылығы министрлiгiмен, Қазақстан Республикасы Индустрия және жаңа технологиялар министрлiгiмен, Қазақстан Республикасы Қоршаған ортаны қорғау министрлiгiмен, Қазақстан Республикасы Бiлiм және ғылым министрлiгiмен, Қазақстан Республикасы Құрылыс және тұрғын үй-коммуналдық шаруашылық iстерi агенттiгiмен, Қазақстан Республикасы Табиғи монополияларды реттеу агенттiгiмен, облыстардың, Астана және Алматы қалаларының әкiмдерiмен бiрлесiп, Бағдарламада көзделген iс-шаралардың тиiсiнше және уақтылы орындалуын қамтамасыз етсiн.
      3. Бағдарламаның нысаналы индикаторларын орындау тиiсiнше өз құзыреттерi шегiнде Қазақстан Республикасы Ауыл шаруашылығы министрлiгiне, Қазақстан Республикасы Индустрия және жаңа технологиялар министрлiгiне, Қазақстан Республикасы Құрылыс және тұрғын үй - коммуналдық шаруашылық iстерi агенттiгiне, Қазақстан Республикасы Табиғи монополияларды реттеу агенттiгiне бекiтiлсiн.
      4. Жауапты орталық және жергiлiктi атқарушы органдар «Салалық бағдарламаларды әзiрлеу және мониторингiлеу ережесiн бекiту туралы»
Қазақстан Республикасы Үкiметiнiң 2010 жылғы 18 наурыздағы № 218
қаулысымен бекiтiлген Салалық бағдарламаларды әзiрлеу және мониторингiлеу ережесiне сәйкес Бағдарламаның iске асырылу барысы туралы ақпарат берсiн.
      5. «2011 - 2020 жылдарға арналған «Ақ бұлақ» бағдарламасын бекiту туралы» Қазақстан Республикасы Үкiметiнiң 2010 жылғы 9 қарашадағы № 1176 қаулысының күшi жойылды деп танылсын.
      6. Осы қаулының орындалуын бақылау Қазақстан Республикасы Премьер-Министрiнiң бiрiншi орынбасары Ө.Е. Шөкеевке жүктелсiн.
      7. Осы қаулы қол қойылған күнiнен бастап қолданысқа енгiзiледi.

      Қазақстан Республикасының


         Премьер-Министрi                        К. Мәсiмов

Қазақстан Республикасы


Үкiметiнiң   
2011 жылғы 24 мамырдағы
№ 570 қаулысымен
бекiтiлген   

2011 - 2020 жылдарға арналған «Ақ бұлақ» бағдарламасы

1. Бағдарламаның паспорты

      Ескерту. 1-бөлiмге өзгерiс енгiзiлдi - ҚР Үкiметiнiң 2012.05.15 № 621 Қаулысымен.

Атауы                       2011 - 2020 жылдарға арналған «Ақ бұлақ»
                            бағдарламасы

Әзiрлеудiң                 «Қазақстан Республикасының 2020 жылға


негiздемесi                дейiнгi Стратегиялық даму жоспары туралы»
                           Қазақстан Республикасы Президентiнiң 2010
                           жылғы 1 ақпандағы № 922 Жарлығы және
                           Қазақстан Республикасы Президентiнiң 2011
                           жылғы 28 қаңтардағы «Болашақтың iргесiн
                           бiрге қалаймыз» атты Жолдауы

Әзiрлеуге жауапты         Қазақстан Республикасы Экономикалық даму


мемлекеттiк орган         және сауда министрлiгi

Iске асыруға жауапты      Қазақстан Республикасы Құрылыс және


мемлекеттiк органдар      тұрғын үй-коммуналдық шаруашылық iстерi
                          агенттiгi, Қазақстан Республикасы Ауыл
                          шаруашылығы министрлiгi, Қазақстан
                          Республикасы Қоршаған ортаны қорғау
                          министрлiгi, Қазақстан Республикасы
                          Индустрия және жаңа технологиялар
                          министрлiгi, Қазақстан Республикасы Бiлiм
                          және ғылым министрлiгi, Қазақстан
                          Республикасы Денсаулық сақтау министрлiгi,
                          Қазақстан Республикасы Табиғи
                          монополияларды реттеу агенттiгi, Қазақстан
                          Республикасы Қаржы министрлiгi,
                          облыстардың және Астана мен Алматы
                          қалаларының әкiмдерi, Қазақстан
                          Республикасы Статистика агенттiгi

Бағдарламаның             Халықты сапалы ауыз сумен және су бұру


мақсаты                   қызметтерiмен қамтамасыз ету

Бағдарламаның             Сумен жабдықтау мен су бұрудың жаңа


мiндеттерi                объектiлерiн салу және қолданыстағыларын
                          қайта жаңарту кезiнде жүйелiк тәсiлдi
                          енгiзу.

                          Қалалық жерлерде сумен жабдықтау мен су


                          бұрудың орталықтандырылған жүйелерiн салу
                          және қайта жаңарту.

                          Ауылдық елдi мекендерде сумен жабдықтау


                          мен су бұрудың жергiлiктi жүйелерiн
                         (септик салу және қайта жаңарту.

                          Сумен жабдықтау мен су бұруды реттеу


                          саласындағы нормативтiк құқықтық
                          базаны жетiлдiру.

                          Елдi мекендердiң сумен жабдықтау және су


                          бұру жүйесiн тиiмдi және рентабельдi
                          пайдалануды қамтамасыз ету.

                          Су шаруашылығы секторының инвестициялық


                          тартымдылығын арттыру және сумен
                          жабдықтау мен су бұру объектiлерiн
                          қаржыландыруға жеке меншiк капиталды
                          барынша тарту.

                          Халықты ауыз сумен қамтамасыз ету


                          үшiн жер асты суларының әлеуетiн
                          барынша пайдалану;

                          Сумен жабдықтау мен су бұру жүйелерiн


                          жобалаудың сапасын арттыру.

                          Сумен жабдықтау мен су бұру секторының


                          жағдайына мониторинг жүйесiн құру.

                          Жер асты және жер үстiндегi су сапасының


                          мониторинг жүйесiн құру.

                          Су шаруашылығы ұйымдарының рентабельдiк


                          жұмысын қамтамасыз ету үшiн тариф белгiлеу.

                          Инвестицияны кепiлдi қайтару мақсатында


                          ұзақ мерзiмдi және рентабельдi тарифтер
                          белгiлеу.

                          Тұтынушыға жеткiзу кезiнде өндiрiстiк емес


                          су ысырабының деңгейiн ғылыми-негiздемелiк
                          нормаларға дейiн төмендету.

                          Сумен жабдықтау және су бұру жобаларын


                          iске асыру кезiнде қазақстандық қамтуды
                          дамыту.

Бағдарламаны iске         2011-2020 жылдар


асырудың мерзiмдерi       I кезең - 2011 - 2015 жылдар
мен кезеңдерi             II кезең - 2016 - 2020 жылдар

Нысаналы                  Ауылдық жерлерде орталықтандырылған


индикаторлар              сумен жабдықтауға ауылдық елдi
                          мекендердiң жалпы санының 80 %-на,
                          қалаларда 100 %-ға қол жеткiзудi
                          қамтамасыз ету;

                          ауылдық жерлерде орталықтандырылған су


                          бұруға орталықтандырылған сумен
                          қамтамасыз етiлген ауылдық елдi мекендердiң
                          жалпы санының 20 %-на, қалаларда 100%-ға
                          қол жеткiзудi қамтамасыз ету;

                          су айдындарына ағызу кезiнде қалалардағы


                          нормативтiк тазаланған судың
                          деңгейiн 100%-ға дейiн жеткiзу;

                          әр аудан орталығында сумен жабдықтау


                          және су бұру жөнiндегi мамандандырылған
                          пайдалану кәсiпорындары мен ұйымдарын құру;

                          жеке капиталдың қатысуымен сумен


                          жабдықтаудың және су бұрудың пайдалану
                          кәсiпорындарының, оның iшiнде
                          концессиялық келiсiмдер мен басқа да
                          шарттар негiзiнде санын 20 бiрлiкке
                          дейiн арттыру;

                          суды есептеу аспаптарымен: қалаларда - 100%


                          және ауылдық елдi мекендерде - 80% қамту;
                          сумен жабдықтау және су бұру жобаларын iске
                          асыру кезде Қазақстанда шығарылған бұйымдар
                          мен технологияларды пайдалану үлесiн
                          60%-ға жеткiзу;

                          3000-нан астам ауылдық елдi мекендi жер


                          асты суларының қорларымен қамтамасыз ету;

                          қалалар мен iрi елдi мекендер үшiн қорларды


                          қайта бағалау мақсатында жер асты суларының
                          165 кен орнын және топтық су құбырлар
                          үшiн 15 кен орнын толық барлау;

                          86 қала мен 6943 ауылдық елдi мекенде сумен


                          жабдықтау және су бұру жобаларын
                          мониторинг жүйесiмен қамту;

                          халықты тәулiгiне 24 сағат ауыз сумен


                          жабдықтауды қамтамасыз ету.

Қаржыландыру көздерi мен  Бағдарламаны қаржыландыру 2011 жылдан -


көлемi                    2020 жылдар аралығында даму
                          институттарының қаражаты, пайдалану
                          кәсiпорындарының меншiктi қаражаты, отандық
                          және шетелдiк инвестициялар есебiнен және
                          мемлекеттiк бюджетте көзделетiн 1 273 859
                          млн. теңге қаражат шегiнде, оның iшiнде:
                          республикалық бюджет есебiнен -1 164 142
                          млн. теңге сомасында; жергiлiктi бюджеттер
                          есебiнен - 109 717 млн. теңге сомасында
                          жүзеге асырылады.

2. Кiрiспе

      Ескерту. 2-бөлiмге өзгерiс енгiзiлдi - ҚР Үкiметiнiң 2012.05.15 № 621 Қаулысымен.



      Халықты ауыз сумен және су бұру қызметтерiмен қамтамасыз ету жөнiндегi 2011 - 2020 жылдарға арналған «Ақ бұлақ» бағдарламасы (бұдан әрi - Бағдарлама) Қазақстан Республикасы Президентiнiң 2011 жылғы 28 қаңтардағы «Болашақтың iргесiн бiрге қалаймыз!» атты Жолдауын iске асыру мақсатында және Қазақстан Республикасы Президентiнiң 2010 жылғы 1 ақпандағы № 922 Жарлығымен бекiтiлген Қазақстан Республикасының 2020 жылға дейiнгi Стратегиялық даму жоспарына сәйкес әзiрленген.
      Ауыз сумен қамтамасыз етуде бiршама жағдайдың жақсаруына қарамастан, бүгiнгi таңда республика халқының едәуiр бөлiгi тиiстi сападағы және толық көлемде ауыз сумен қамтамасыз етiлмеген.
      Қазақстан Республикасы Денсаулық сақтау министрлiгiнiң деректерi бойынша су бұру жүйесiнiң қазiргi жағдайы айтарлықтай Қазақстан Республикасы халқының санитарлық-эпидемиологиялық салауаттылығына жеткiлiксiз.
      Мәселен, халықты орталықтандырылған сумен жабдықтау үшiн қолданылатын 1-санаттағы ашық су айдындарынан алынатын су сапасы жалпы республика бойынша санитарлық-химиялық көрсеткiштер бойынша 2009 жылмен салыстырғанда төмендеген, 1989 су сынамасының 151-i немесе 7,6% нормативке сай келмеген, микробиологиялық көрсеткiштер бойынша - 4,5%.
      Қызылорда облысы бойынша су айдындарының ластану деңгейi бұрынғыдай жоғары болып қалуда - 95,8%, Батыс Қазақстан облысында - 22,4%, Ақмолада - 16,9%, Оңтүстiк Қазақстанда - 8,5%.
      Ашық су айдындар суының сапасына әсер ететiн себептердiң бiрi су бұру желiлерiндегi авариялар және шаруашылық-тұрмыстық және өндiрiстiк сарқынды суды тазаламай ағызу болып табылады.
      Осыған байланысты, Бағдарлама су көздерiнiң тазаланбаған сарқынды сулармен ластануының алдын алуды, сумен жабдықтау және су бұру салаларына жеке капиталды тартуды, пайдалану кәсiпорындары мен ұйымдарының тиiмдi және рентабельдi қызметiн қамтамасыз етудi, сумен жабдықтау және су бұру жүйелерiн жаңғыртуды, халықты ауыз сумен қамтамасыз ету үшiн жер асты суларын барынша пайдалануды және су шаруашылығы саласында жобалау-iздестiру жұмыстарының сапасын арттыруды көздейдi.
      Бағдарламаны iске асыру кезiнде жүйелi тәсiлдердiң бiрi орталық мемлекеттiк органдар мен жергiлiктi атқарушы органдар, әлеуеттi инвесторлар, ғылыми институттар, үкiметтiк емес ұйымдар, пайдалану мекемелерi арасындағы тиiсiнше өзара iс-қимыл мен iс-қимылдың үйлестiрiлуiн ұйымдастыру болып табылады.
      Бағдарламаның iс-шараларын iске асыру Қазақстан Республикасының халқын сапалы ауыз сумен қамтамасыз етуге және су бұру қызметтерiмен қамтуды ұлғайтуға мүмкiндiк бередi.
      Тұтастай алғанда, мемлекет өткен кезеңде халықты ауыз сумен және су бұрумен қамтамасыз етуге бағытталған iс-шараларды iске асырған кезде мынадай кемшiлiктердiң бар екенi белгiлендi:
      сумен жабдықтау және су бұру жүйелерiн жаңғырту мен дамыту жөнiндегi жұмыстарды жоспарлаған кезде жүйелiк тәсiл мен орталық және жергiлiктi атқарушы органдардың тиiстi өзара iс-қимылының болмауы;
      су ресурстарының (ашық су айдындарының) шектеулi болуына байланысты сумен жабдықтау және су бұру мәселелерiн шешуде кешендi тәсiлдiң болмауы;
      сумен жабдықтау және су бұру жобаларын iске асыру барысына мониторингiнiң болмауы;
      сумен жабдықтау және су бұру секторында бiрыңғай ақпараттық-талдау базасының болмауы;
      сумен жабдықтау және су бұру жобаларының жобалау-сметалық құжаттамасын (бұдан әрi – ЖСҚ) әзiрлеу деңгейiнiң төмендiгi;
      жер асты суларының қорларын растамай сумен жабдықтау жобаларын iске асыру;
      тұтынушыларға берiлетiн судың есепке толық алынбауы;
      кәсiпорындардың сумен жабдықтау және су бұру жүйелерiн қайта жаңартуға және жаңғыртуға жұмсалатын инвестициялық ресурстарының жеткiлiксiздiгi;
      сумен жабдықтаудың және су бұрудың қолданыстағы жүйелерiн техникалық пайдаланудың қажеттi деңгейiнiң болмауы;
      бiлiктi кадрлардың тапшылығы мен тұрақтамауы және салалық мамандарды даярлау мен бiлiктiлiгiн арттыру жүйесiнiң болмауы.

3. Қазақстан Республикасындағы сумен жабдықтаудың және су бұрудың ағымдағы жағдайын талдау

1. Қалалық жердегi сумен жабдықтаудың жағдайы

      Бүгiнгi таңда республиканың қалаларында ауыз сумен қамтамасыз ету проблемасы орын алуда.


      Қазақстан Республикасы Құрылыс және тұрғын үй-коммуналдық шаруашылық iстерi агенттiгiнiң деректерi бойынша 2011 жылғы 1 қаңтардағы жағдай бойынша қала халқының орталықтандырылған сумен жабдықталуы 82 %-ды құрайды.
      Халықты орталықтандырылған сумен жабдықтау жүйелерiне қол жеткiзу деңгейi бойынша Қазақстан Республикасы дамыған елдерден артта қалады, бұл көрсеткiш 90 - 95 %-ды құрайды.
      Республика бойынша қалалардағы су құбыры желiлерiнiң жалпы ұзындығы 27 000,3 километрды құрайды, оның iшiнде таратушы су құбыры желiлерi - 18 173,7 километр, бұл ретте, қазiргi уақытта республика бойынша «иесiз» 2 188 километр желi бар.
      Қазақстан Республикасы Құрылыс және тұрғын үй-коммуналдық шаруашылық iстерi агенттiгiнiң деректерi бойынша су құбырлары желiлерiнiң көпшiлiгi қанағаттанарлықсыз жағдайда, сенiмдi пайдаланудың 25 жылдық нормативтi мерзiмiн ескере отырып, жұмыс жағдайында сумен жабдықтаудың 36 % желiсi бар, шамамен 64 % желiге күрделi жөндеу немесе оларды толығымен алмастыру қажет болып отыр.
      Негiзiнен су құбыры желiлерi 25 - 40 жыл бұрын пайдалануға берiлген және iшкi бетi қорғалмаған (негiзiнен, болат және шойын құбырлар). Сондықтан, тат басудың салдарынан су таратқыштар мен су құбыры желiлерi тез тозып, бұзылады және басылады, ол су құбырларының өткiзу мүмкiндiгiн азайтып, авариялар санының артуына, судың ысырап болуына және ауыз су сапасының нашарлауына алып келедi.
      Осының салдарынан сумен жабдықтау желiлерiнде жыл сайын судың ысырап болуының артуы тiркелуде, мысалы, 2009 жылы 2004 жылмен салыстырғанда ысырап мөлшерi 10,9 %-ға артты.
      Сумен жабдықтауды жақсарту жөнiндегi iс-шараларды iске асыруға бөлiнген бюджет қаражатын пайдалану нәтижесiнде республика бойынша сумен жабдықтау қызметтерiне қол жеткiзу 5,3 %-ға артты, жалпы республика бойынша сумен жабдықтау желiлерiндегi авариялардың саны 2004 жылмен салыстырғанда 15,8 %-ға азайды.
      Қазақстан Республикасы Президентiнiң 2010 жылғы 1 ақпандағы № 922 Жарлығымен бекiтiлген Қазақстан Республикасының 2020 жылға дейiн Стратегиялық даму жоспарына сәйкес ТҮКШ саласындағы басты мақсаттардың бiрi суды тасымалдау кезiнде нормативтiк ысырап үлесiн 2015 жылға қарай — 19 %-ға, 2020 жылға қарай - 15 % дейiн жеткiзу болып табылады.
      Мәселен, «Қазақстан Су Арнасы» қауымдастығының деректерi бойынша республикада орташа есеппен алғанда нақты нормативтi (нормативтен тыс) коммерциялық су балансындағы ысырап қалалық сумен жабдықтау кәсiпорындарында 15 % бастап 20 %-ға дейiн құрайды. Осыған байланысты 2 жылдың iшiнде сумен жабдықтау секторында үлкен жұмыс жүргiзу - Стратегиялық жоспарда белгiленген индикаторларға қол жеткiзу үшiн нормативтен тыс (коммерциялық) ысырапты 2-3 % жою қажет.
      Бұл ретте, көздерден су жинағыштан бастап пайдаланушыға дейiн суды толық аспаптық есепке алуды ұйымдастырмай сумен жабдықтау желiлерiнiң құбырларын тiптi 100 % жаңаларына ауыстырылса да, нормадан тыс ысырапты (коммерциялық) жоюға алып келмейтiнiн пайдалану кәсiпорындарының және сенiмдi су балансын бермейтiнiн түсiну қажет.
      Суды тарату мен тұтынудың барлық деңгейiнде оны есепке алудың сенiмдi деректерi ғана кәсiпорындардың су балансын қалыптастырады, оны талдау өз кезегiнде суды тасымалдау кезiндегi оның ысырап болуының төмендеу немесе арту деңгейiн көрсетедi.
      Суды сапалы есепке алуды ұйымдастыру ғана кәсiпорындардың су балансында нормативтен тыс су ысырабын 2-3 есеге дейiн қысқарта алады.
      Бос қаражат болмаған кезде, суды жеке есепке алу аспаптарын (ЖЕА) сатып алу және орнату бойынша мiндеттердi орындай отырып, пайдалану кәсiпорындары сатып алынған және орнатылатын аспаптардың дәлдiк сыныбына назар аудармаған, аспаптардың басты өлшемi баға болды, нәтижесiнде суды коммерциялық есепке алудың аспаптық паркi дәлдiктiң А және В төмен сыныпты арзан аспаптарымен қамтылды.
      Әлемдегi суды тұтыну көрсеткiштерiн мұрағаттауды ұйымдастыру жөнiндегi қолданыстағы қазiргi заманғы технологиялар көрсеткiштердi абоненттiк қызметтердiң стационарлық немесе алып жүретiн жабдығымен қашықтан алу мүмкiндiгiмен бiрiктiрiлген, бұл кәсiпорындарда суды есепке алудың автоматтандырылған жүйесiн енгiзуге негiз болады.
      Суды есепке алудың жаңа технологияларына өтудi бүгiнгi күннiң өзiнде Астана, Алматы, Шымкент, Қарағанды қалаларында пайдалану кәсiпорындары, негiзiнен сумен жабдықтау жүйелерiне жаңа пайдаланушыларды қосуға арналған техникалық талаптарды белгiлеу кезiнде жүзеге асыруда.

2. Ауылдық жердегi сумен жабдықтау жағдайы

      2010 жылы Қазақстан Республикасы Үкiметiнiң 2002 жылғы 23 қаңтардағы № 93 қаулысымен бекiтiлген 2002 - 2010 жылдарға арналған «Ауыз су» салалық бағдарламасын iске асыру аяқталады.


      Осы Бағдарламаның iс-шаралары ауыл халқын ауыз сумен жабдықтау бөлiгiнде мынадай көрсеткiштерге қол жеткiзуге бағытталған:
      жалпы ел бойынша сумен жабдықтаудың орталықтандырылған көздерiнiң суын пайдаланатын халықтың санын 20 - 25 %-ға арттыру;
      жалпы сумен жабдықтау деңгейiн 80 %-ға дейiн арттыру.
      Бағдарлама шеңберiнде барлығы 12 935 километр су құбыры мен ауыз сумен жабдықтау желiлерi салынды, қайта жаңартылды және күрделi жөнделдi. Халқының саны 3,5 млн. адамнан асатын 3 449 елдi мекендi ауыз сумен жабдықтау жақсарды.
      Талдау жасайтын кезеңде тасымалданатын суды пайдаланатын ауыл халқының саны 6 еседен астам қысқарып, 71,1 мың адамды құрады. Санитарлық нормаларға сай келмейтiн су құбырларының жағдайы 336-дан 133 бiрлiкке азайды.
      Бағдарламаны iске асырудағы белгiлi бiр оң нәтижелерге қарамастан, ауыл халқын сумен жабдықтау проблемасы осы күнге дейiн сақталып келедi.
      Осылайша, Қазақстан Республикасы Ауыл шаруашылығы министрлiгiнiң деректерi бойынша 2011 жылғы 1 қаңтардағы жағдай бойынша ауылдық елдi мекендердiң (бұдан әрi - АЕМ) орталықтандырылған сумен жабдықтауға қол жеткiзуi 13,5 %-ға ғана артып, 42,5 %-ды құрады.
      Бұдан басқа, Қазақстан Республикасы Ауыл шаруашылығы министрлiгiнiң деректерi бойынша АЕМ-нiң жалпы санынан 6943 -тен орталықтандырылған ауыз сумен жабдықталмағандарына (проблемалы) барлық ауыл халқының 40 %-ын құрайтын немесе халқының саны 3 млн. адамды құрайтын 3 592 АЕМ жатады. Осындай АЕМ 4 санат бойынша топтастырылған және 1-кестеде келтiрiлген.

1-кесте


Орталықтандырылған ауыз сумен жабдықталмаған АЕМ санаттары

Р/с


АЕМ санаттары

АЕМ саны

Үлес салмағы, %

1.

Тасымалданатын суды пайдаланатындар

134

3,7

2.

Топтық су құбырына қосылуды талап ететiндер

386

10,7

3.

Топтық су құбырлары (қайта жаңарту мен салу)

114

3,2

4.

Орталықсыздандырылған сумен жабдықтау жүйесi барлары

2958

82,4




Барлығы

3 592

100

      Жалпы, 2002 - 2010 жылдарға арналған «Ауыз су» бағдарламасын iске асыру кезiнде бюджет қаражатын тиiмсiз пайдалану, су құбырларын сапасыз салу мен қайта жаңарту, жөндеу-салу жұмыстарын орындау мерзiмдерiнiң бұзылуы және ауыз судың сапасын қамтамасыз етпеу фактiлерi орын алған.
      Оның басты себебi сумен жабдықтау жүйесiн дамыту мен жаңғырту жұмыстарын жоспарлау кезiнде орталық және жергiлiктi атқарушы органдардың жүйелi тәсiлi мен тиiстi өзара iс-әрекетiнiң болмауы болып табылады.
      Республикалық және жергiлiктi бюджеттерден қаржыландыру үнемi басымдықтарға сәйкес жүргiзiлмедi. Нәтижесiнде, кейбiр жағдайларда ауқымды бюджет қаражатына салынған объектiлер тұрып қалып, ал басқалары қаржыландырудың жетiспеуi салдарынан азғантай бөлшектермен қайта жаңартылып жатты.
      Сонымен қатар, 2002 - 2010 жылдарға арналған «Ауыз су» бағдарламасын iске асыру нәтижелерiне жасалған талдау ауыл халқын ауыз сумен жабдықтау мәселесiнде пайдалану кәсiпорындарының болмауы немесе олардың жеткiлiктi дәрежеде материалдық-техникалық жабдықталмауы тежеушi факторлардың бiрi болды.


Достарыңызбен бөлісу:
  1   2   3   4   5   6   7   8




©dereksiz.org 2024
әкімшілігінің қараңыз

    Басты бет