Республиканың жалпы өңірлік өніміндегі Батыс Қазақстан облысының үлесі, %-бен

Халықтың жан басына шаққандағы жалпы өңірлік өнімі 2009 жылы облыс бойынша 1369,1 мың теңге, 2010 жылы – 1730,4 мың теңге, 2011 жылы – 2168,2 мың теңге, 2012 жылы – 2782,5 мың теңге құрады (орташа республикалық дәрежеге 154,0%-ды құрайды).

2012-2015 жылдардағы экономика өсімі негізінен Индустрияландыру картасы бойынша жаңа өндірістік қуаттарды енгізу, агроөнеркәсіптік кешендерді, жеке және мемлекет қаражаттары есебінен индустриалдық және инфрақұрылымдық жобаларға инвестициялар салу есебінен қамтамасыз етіледі.
Өңірдің индустриалдық-инновациялық дамуы

Өнеркәсіп саласы өңір экономикасының ең ірі саласы болып табылады. Өңір әр түрлі өнеркәсіп салаларын дамытуға мүмкіндік туғызатын маңызды ресурстық әлеуетке ие.

Талдау бойынша, тау-кен өндіру кәсіпорындарының қызметі есебінен өнеркәсіп өнімдерінің өсіміне қол жеткізілді, бұл ең бастысы, Қарашығанақ газ конденсатты кен орнын қарқынды игерумен байланысты, нәтижесінде өндірістік өнеркәсіптің жалпы көлемінде тау-кен өндірісі үлесінің 2012 жылы 91,5%-ға дейін өсуі болып табылады. Онда 90-шы жылдары қорғаныс кәсіпорындарының арқасында өнеркәсіп өндірісінің құрылымында өңдеу өнеркәсібіне негізгі үлес - 85,4% тиесілі болды.

3-кесте

млн. теңге