Кодекс І алматы қаласы, 2015 жыл мазмұны кіріспе 4

-тарау. ЖАЛҒЫЗ АКЦИОНЕРМЕН ӨЗАРА ІС-ҚИМЫЛ

жүктеу/скачать 230 Kb.

бет	6/8
Дата	03.07.2016
өлшемі	230 Kb.
	#175134
түрі	Кодекс

1 2 3 4 5 6 7 8

2-тарау. ЖАЛҒЫЗ АКЦИОНЕРМЕН ӨЗАРА ІС-ҚИМЫЛ

2.1. Жалғыз акционердің құқықтарын қамтамасыз ету

77. Қоғам Жарғымен белгіленген тәртіппен заңнамаға сәйкес Жалғыз акционердің негізгі құқықтарын іске асыруды қамтамасыз етеді.

78. Қоғам Заңнамада, Қоғамның жарғысында және ішкі құжаттарында көзделген тәртіппен Жалғыз акционердің мүддесін қозғайтын өзінің қызметі, әсіресе, бағалы қағаздармен жасалатын мәмілелер бөлігіндегі қызметі туралы ақпаратты уақтылы, сенімді және толық көлемде өзінің Жалғыз акционерінің назарына жеткізуі тиіс, ол Жалғыз акционер үшін барынша негізделген және ашық болуы тиіс.

79. Қоғам Жалғыз акционерді Заңнама талаптарына сәйкес оның қаржылық-шаруашылық қызметі мен нәтижелері туралы дұрыс ақпаратпен қамтамасыз етеді.

80. Жалғыз акционерге ұсынылатын ақпараттық материалдар оның қарауына шығарылатын мәселелер бойынша жүйеленуі тиіс. Жалғыз акционер үшін осы материалдарды алу немесе танысудың барынша қарапайым және оңай тәртібі белгіленуі тиіс.

81. Жалғыз акционерге Қоғам қызметінің жоспарлары, жетістіктері мен проблемалары туралы қосымша мәліметтер, сондай-ақ сараптамалық зерттеулер және Қоғам қызметі туралы басқа ұйымдардың материалдары ұсынылуы мүмкін. Ақпаратты ашу талаптары Қоғам артық әкімшілік ауыртпалықтарды немесе ақталмаған шығындарды жүктемеуі тиіс.

82. Жалғыз акционердің Қоғамның қызметіне және басқаруға елеулі өзгерістер енгізуді қарастыру және қабылдау процесі осындай өзгерістердің негіздемелері бойынша қосымша материалдармен қамтамасыз етілетін болады.

83. Жалғыз акционердің қарауына Директорлар кеңесінің мүшелерін сайлау және Басқарма төрағасын тағайындау туралы мәселелер шығарылған жағдайда, Заңнамаға және Жарғыға сәйкес осы лауазымдарға үміткерлер туралы барынша толық ақпарат ұсынылуы тиіс.

84. Жалғыз акционердің қарауына шығарылатын мәселелер барынша нақты болуы және олардың түрлі түсіндірмелерінің ықтималдығы болмауы тиіс.

85. Қоғам Жалғыз акционерге оның қарауына шығарылатын әр жеке мәселе бойынша оған жекелеген шешімді ұсынуы тиіс.

86. Басқарма төрағасы Жалғыз акционердің сұрауларына белгіленген соңғы мерзімдерде жауаптардың ұсынылуын қамтамасыз етеді.

87. Қоғамда Жалғыз акционердің өтініштерін тіркеу жүйесі қабылданды.

2.2. Дивидендтік саясат

88. Жалғыз акционерге қатысты Қоғамның дивидендтік саясаты Жалғыз акционермен бекітіледі.

89. Дивидендтік саясат дивидендтер төлеуге жіберілетін Қоғамның таза табысының ең төменгі үлесін айқындау тәртібі белгіленеді. Дивидендтерді алу Жалғыз акционер үшін қиындық және ауыртпалық түсірмеуі тиіс.

Дивидендтерді төлеу туралы мәселені қарау кезінде Қоғамның ағымдағы жай-күйі, оның қысқа, орта және ұзақ мерзімді жоспарлары назарға алынады.

90. Дивидендтер төлеу туралы шешім қабылдау туралы (жариялау туралы) ақпарат дивиденд төлеуге арналған шарттардың және оларды төлеу тәртібінің болуы туралы уақтылы хабардар ету мақсатында жариялануы тиіс.

2.3. Жасалуына мүдделілік бар мәмілелер

91. Жасалуына мүдделілік бар мәмілелерді жасау кезінде Қоғам Қоғамның аффилиирленген тұлғалары туралы ақпаратты ашып көрсетеді.

Жасалуына мүдделілік бар мәмілелер заңнамамен бекітілген тәртіппен жасалады.

2.4. Қоғамды тарату және қайта ұйымдастыру

92. Қоғамды ерікті түрде тарату/қайта ұйымдастыру Заңнамаға сәйкес жүзеге асырылады. Қоғамды тарату/қайта ұйымдастыру туралы шешімді Жалғыз акционер қабылдайды.

3-тарау. ДИРЕКТОРЛАР КЕҢЕСІ МЕН БАСҚАРМАНЫҢ ТИІСТІ ЖҰМЫС ТӘЖІРИБЕСІ

93. Қоғам кәсіби және тәуелсіз Директорлар кеңесінің болуын тиімді корпоративтік басқарудың маңызды элементі деп санайды. Басқарма Холдингті басқару процесінде де маңызды рөл атқарады. Осы екі органның арасындағы тиімді өзара іс-қимыл және олардың өкілеттіктерін анық шектеу корпоративтік басқарудың тиісті тәжірибесін қамтамасыз етуде басты фактор болып табылады.

3.1. Директорлар кеңесі

3.1.1. Директорлар кеңесінің қызметі

94. Директорлар кеңесі Жалғыз акционердің мүдделері мен құқығының жүзеге асыруды қамтамасыз етеді. Директорлар кеңесі өз қызметін заңнамаға, Жарғыға, осы Кодекске, Директорлар кеңесі туралы ережеге және Қоғамның өзге де ішкі құжаттарына сәйкес жүзеге асырады.

Директорлар кеңесі Қоғам қызметінің басым бағыттарын анықтайды және Қоғамның даму стратегиясын мақұлдайды. Директорлар кеңесі Қоғам қызметіне жалпы басшылықты және Басқарманың қызметіне бақылауды жүзеге асырады.

95. Директорлар кеңесі нарықтық ахуалды, Қоғамның қаржылық жағдайын және Қоғамның қаржылық-шаруашылық қызметіне ықпал ететін басқа да факторларды ескере отырып, бекітілген басым бағыттарды басшылыққа алудың объективті бағалауын жүргізеді.

96. Директорлар кеңесінің құзыретіне тәуекелдерді басқару бойынша Қоғамның ішкі рәсімдерін бекіту, осындай рәсімдердің сақталуын, сондай-ақ тиімділігін талдауды және оны жетілдіруді қамтамасыз ету жатқызылады.

97. Директорлар кеңесі қажеттілікке қарай, Қоғамның ішкі бақылау жүйесінің тиімділігі тұрғысында бағалауды қамтамасыз етеді және қажет болған жағдайда, оны жетілдіру бойынша ұсыныстар әзірлейді.

98. Директорлар кеңесі Жалғыз акционермен тиісті диалогты қамтамасыз етуге жауапкершілік алады. Корпоративтік хатшы Жалғыз акционердің шешімдері Қоғамның Директорлар кеңесі мен Басқарманың назарына уақтылы жеткізілуіне жауапты болады.

99. Директорлар кеңесі Басқарма мен ішкі аудиттің қызметін тұрақты бағалап отырады, қажет болған жағдайда ден қоюдың тиісті шараларын қабылдайды.

жүктеу/скачать 230 Kb.

Достарыңызбен бөлісу:

1 2 3 4 5 6 7 8