Курчатов қалалық мәслихаты сессиясының 2013 жылғы 27 желтоқсандағы

2.2.2.8 Ішкі саясат

Ішкі саясат саласында мемлекеттілікті нығайту, демократияны дамыту, азаматтық қоғам институттарына қолдау көрсету, қоғамда тұрақтылықты, ұлтаралық және конфессияаралық келісімді қамтамасыз ету сияқты басымдықтар өзгеріссіз қалады.

Осы басымдықтарды нығайту мақсатында қоғамдық- саяси тұрақтылықты, ұлтаралық және конфессияаралық келісімді нығайтуға, тұрғындардың мемлекеттік органдарға сенімін арттыруға, демократиялық процесстерді дамытуға бағытталған іс- шаралар кешені жүргізіледі.

Қазіргі таңда Курчатовта 7 үкіметтік емес ұйымдар, 1 саяси партия «Нұр Отан» жұмыс жасайды. Қалалық ҮЕҰ жастар саясаты, мүмкіндіктері шектеулі балаларға қолдау көрсету, оралмандардың, мәслихат депутаттарының, кәсіпкерлердің, тұтынушылардың құқықтарын қорғау мен жүзеге асыру сияқты қызмет салаларын қамтиды.

Сурет 15

2010 – 2012 жылдардағы үкіметтік емес саланың даму динамикасы

Азаматтық саланы дамыту, ҮЕҰ санын арттыру, атқарушы билік органдарының ҮЕҰ- мен күрделі әлеуметтік мәселелерді шешу бойынша тығыз ынтымақтаса жұмыс істеуінің арқасында тұрғындардың атқарушы органдар мен азаматтық саланың бірлесе атқарған жұмыстарына сенімі жоғары бағаға ие болды.

2010 жылы тұрғындардың – 45 %, 2011 – 83,4 %, 2012 году – 90 %.

Сурет 16

Қалада «Қазтелерадио» АҚ 1 телехабар беруші станциясы жұмыс істейді, ол бүкіл қала аумағында «Қазақстан», «Хабар», «Евразия» республикалық телеканалдарын трансляциялауды толық қамтамасыз етеді. Қала әкімінің веб сайты, «Курчатов көкжиегі», «Спектр- Резонанс» қалалық газеттері, «Курчатов» телестудиясы жұмыс істейді. Кейінгі үш жыл ішінде аз қамтамасыз етілген азаматтарға, көп балалы отбасыларға «Отау ТВ» жерсеріктік телеарнасының 26 тарелкасы орнатылды.

Пікір алмасу алаңдары мен Кеңестер жұмыстары белсендіріле түсті. Қала қауымдастығының Кеңесі қаланың әлеуметтік- экономикалық дамуы, қала аумағын абаттандыру мәселелері бойынша 20 астам ұсыныс енгізді. Партияның курчатовтық бөлімшесінің жанынан қоғамдық топтар құрылды, олар қаладағы барлық құрылыс жұмыстарының жүргізілуін, сондай- ақ мемлекеттік бағдарламалардың жүзеге асырылуын бақылайды.

Қоғамдық- саяси жағдайға, саяси партиялар мен азаматтық қоғамның өзге де институттарына, оның ішінде діни бірлестіктерге жүйелі мониторинг жүргізу, олармен жемісті жұмыс жүргізуді нығайту қалада қоғамдық- саяси тұрақтылықты сақтауға мүмкіндік береді. Курчатовта бір де бір қарсылық көрсету акциясы тіркелген жоқ. Қала бойынша шиеленіс көздерінің картасы жасалынған.

Сонымен қатар бірнеше шаралар қабылдау қажеттігі пісіп жетілген:

- «пікір алмасу алаңдары» мен ақпараттық- насихаттық іс- шараларды дамыту арқылы тұрғындардың ақпараттану деңгейін арттыру;

- аймақтық бұқаралық ақпарат құралдарына ақпараттық қолдау көрсетудің сапасын арттыру;

- мемлекеттік бұқаралық ақпарат құралдарының кадрларын біліктілігін арттыру арқылы нығайту, оның ішінде белгілі журналистердің қатысуымен семинар- тренингтерге, мастер класстарға қатысу арқылы арттыру;

- БАҚ үйлесімді дамуына, оның ішінде мемлекеттік ақпараттық тапсырыстарды орындауға тарту арқылы ықпал ету.

Ішкі саясаттың жағдайын бағалау үшін SWOT-талдау жүргізілді:

1. Қоғамдық- саяси жағдайға, саяси партиялар мен азаматтық қоғамның өзге де институттарына мониторинг жүргізу жүзеге асырылады;

2. Азаматтық қоғам институттарының қатысуымен диалогтық алаңдардың белсенді жұмыс істеуі қамтамасыз етілген (жұмысты қауымдастық кеңесі, ақсақалдар кеңесі, ардагерлер кеңесі және т.б. жүргізеді);
3. Жұмыс істеп тұрған баспасөз құралдарының, телеканалдардың, электронды БАҚ болуы.

Әлсіз жақтары:

1. 
   Мемлекеттік әлеуметтік тапсырыстың болмауы;
   
2. 
   Бұқаралық ақпарат құралдарының даму деңгейінің жеткіліксіздігі.
   

1. Қоғамдық- саяси жағдайдың, оның ішінде діни ахуалдың ушығуына жол бермеу мақсатында тұрғындар арасында кең көлемде түсінік беру жұмыстарын жүргізу (жиындар, кездесулер, акциялар және т.б.);

2. Мемлекеттік ақпараттық тапсырысты жүзеге асыруға қаражат бөлу. Оны жүзеге асыруға ҮЕҰ тарту;

3. Тұрғындар арасында ақпараттық- түсінік беру жұмыстарын күшейту

4. Қоғамдық- саяси жағдайдың, оның ішінде діни ахуалдың ушығуына жол бермеу бойынша бірінші кезектегі шараларды қабылдау;

5. Азаматтардың рухани дамуы және мәдени ағарту жұмыстарының жүргізілуі.

1. Деструктивті діни ағымдардың таралуы. Тұрғындардың, әсіресе жастардың осы діни бірлестіктердің қызметіне тартылуы;

2. Қаладағы қоғамдық- саяси жағдайдың шиеленісуі;

3. Бұқаралық ақпарат құралдарының саяси ықпалына түсуге бейім болушылық.

Діни қатынастар саласындағы саясаттың негізгі басымдықтары діни тұрақтылықты, ұлтаралық және конфессияаралық келісімді қамтамасыз ету, тұрғындар арасында кең көлемдегі ақпараттық- түсінік жұмыстарын жүргізу, толерантты қоғам қалыптастыру болып табылады.

Қалада діни тұрақтылықты, конфессияаралық және ұлтаралық келісімді нығайтуға, діни экстремизм мен лаңкестік көріністерін қабылдамау көзқарастарын қалыптастыруға, тұрғындардың мемлекеттік органдарға сенімін арттыруға бағытталған іс- шаралар тұрақты түрде өткізіліп келеді.

Діни бірлестіктер мен ағымдардың санының артуы мен тұрғындардың діни белсенділігінің артуына байланысты діни бірлестіктердің қызметіне талдау жасауға үлкен көңіл бөлінеді.

Қолданыстағы заңнамаларға сәйкес қала аумағындағы діни бірлестіктер қайта тіркеуден өткізілді. Жиыны екі ДБ тіркелген: мешіт және свято- қазан православиелік приходы.

Әлемдік қауымдастықтағы діни қатынастар саласындағы күрделі жағдай, тұрғындарды секталар мен экстремистік діни ұйымдарға тартуға жол бермеу қажеттігі үлкен көлемдегі түсінік жұмыстарын жүргізуді қажет етеді. Бұл қатердің жаһандық сипаты осы қатерлі құбылысқа нәтижелі қарсылық көрсетудің жолдарын іздестіруге мәжбүр етеді. Осы мақсатта дін саласында 2 ақпараттық- насихат топтары құрылды, олардың құрамына полицияның өкілдері, дінтанушылар, имам, приход старостасы кіреді. Тұрғындарды 100 % қамту жоспарланған. Жүргізілген жұмыстардың арқасында қазіргі таңда қалада тұрақты қоғамдық- саяси жағдай, конфессияаралық салада бейбітшілік пен келісім сақталуда.

Сурет 17
Конфессияаралық қатынастар саласындағы мемлекеттік саясатты оң бағалайтын тұрғындардың үлес салмағының динамикасы

Азаматтық қоғамды дамытуға этномәдени бірлестіктер елеулі үлес қосып келеді.

Қалалық Достық үйі тұрғындардың барлық санаттарын қамти отырып ұлтаралық келісімді нығайту бойынша жылына 40 астам іс- шара өткізеді. Достық үйінің ұжымы облыстық деңгейде үлкен концерттік бағдарламалар, көрмелер көрсетіп келеді. Ұлтаралық қатынастар саласындағы мемлекеттік саясатқа оң баға беретін тұрғындардың үлес салмағы 2010 жылмен салыстырғанда 2 есеге жуық өсті: егер 2010 жылы бұл көрсеткіш 60% құраған болса, 2012 жылы ол – 100 % құрады.

Жастар саясаты саласында жетекші басымдық еліміздің болашақтағы дамуын қамтамасыз етуге қабілетті зияткерлік және рухани- адамгершілік жағынан жан жақты қалыптасқан тұлға қалыптастыру болып табылады.

Қазіргі таңда жоғары дәрежедегі білімді және рухани дамыған тұлғаны қалыптастыру үшін барлық жағдайлар жасалған. Курчатовта жастар бастамаларын дамыту орталығы ашылған, ол жастардың демалысын ұйымдастырады, жастарға заңдық, психологиялық көмек көрсетеді. ҚР Ұлттық ядролық орталығының жас ғалымдар Кеңесі өз жұмысын қайта бастады. Жастар үшін шығармашылық қабілеттері мен денсаулығын дамыту бойынша үйірмелер мен секциялар ашылған. Неке және отбасы институтын сақтау мен нығайту, жастарды еңбекпен қамту және еңбекке орналастыру мәселелерін шешу, жастар арасында кәсіпкерлікті дамыту бойынша іс- шаралар өткізіледі. Курчатов қалалық мәслихатына тұңғыш рет 29 жасқа толмаған депутат сайланды.

Жүргізілген жұмыстардың арқасында 14-29 жастағы тұрғындар арасында жастарға қатысты мемлекеттік саясаттың деңгейіне қанағаттанушылық деңгейі елеулі көлемде өсті: 2010 жылы – 60%, 2012 жылы – 100 %.

Соңғы үш жыл ішінде курчатовтық жас ұрпақ арасында патриотизмнің жоғары деңгейде екендігі байқалады– 100 %.

Жастар арасында сапалы білім алу, еңбекке орналасу, тұрғын үймен қамтамасыз ету мәселелері өзекті болып қалып отыр.

1. Түрлі әлеуметтік әдістерді пайдалана отырып, сарапшыларды тарта отырып қоғамдық- саяси жағдайға, саяси партиялар мен азаматтық қоғамның өзге институттарының қызметтеріне мониторинг жүргізу жүзеге асырылады;

2. «Жастар бастамалары орталығы» КММ ашылуы;

3. Діни ахуалға, діни бірлестіктердің қызметіне, бұқаралық ақпарат құралдарының баспа және электронды ақпарат құралдарында жарияланған діни тақырыптағы материалдарға мониторинг пен талдау жүргізу жүзеге асырылады;

4. Азаматтық қоғам институттарының қатысуымен диалогтық алаңдардың белсенді жұмысы қамтамасыз етілген (жұмысты қауымдастық Кеңесі, ақсақалдар Кеңесі, ардагерлер Кеңесі және т.б. жүргізеді).

Әлсіз жақтары:

1. Қалада бір дәстүрлі емес діни бірлестік тіркелген;

2. Мемлекеттік әлеуметтік тапсырыстың болмауы.

Мүмкіндіктері:

1. Тұрғындар арасында қоғамдық- саяси жағдайдың шиеленісуіне, оның ішінде діни жағдайдың шиеленісуіне жол бермеу мақсатында кең көлемдегі түсінік жұмыстарын жүргізу (жиындар, кездесулер, акциялар және т.б.);

2. Мемлекеттік ақпараттық тапсырысты жүзеге асыруға қаражат бөлу. ҮЕҰ оны жүзеге асыруға тарту;

3. Тұрғындар арасында ақпараттық- түсінік беру жұмыстарын күшейту;

4. 2013-2017 жылдардағы Қазақстан Республикасында діни экстремизм мен лаңкестікке қарсылық көрсету бойынша мемлекеттік бағдарламаны жеделдетіп жүзеге асыру.

5. Мемлекеттік әлеуметтік тапсырыс орналастыру.

1. Деструктивті діни ағымдардың таралуы. Тұрғындарды, әсіресе жастарды осы діни бірлестіктердің қызметіне тартылуы;

2. Қаладағы қоғамдық- саяси жағдайдың шиеленісуі;

3. Жастардың деструктивті ағымдардың қызметіне тартылуы.

2.2.2.8 Қоғамдық қауіпсіздік және құқықтық тәртіп

2010-2012 жылдардағы қылмыстық жағдайға жүргізілген талдау оның тұрақты және асқынусыз екендігін көрсетеді.

Қылмыс туралы өтініштер мен хабарламаларды тіркеу, қылмыс жағдайы туралы обьективті статистикалық мәліметтерге қол жеткізу бойынша мақсатты түрде жұмыстар жүргізіліп келеді. Қылмыс туралы өтініштер мен хабарламаларды толық тіркеуді қамтамасыз ету бойынша қабылданған шаралардың нәтижесінде қылмыстың статистикалық өсімі байқалады.

2010- 2012 жылдар ішіндегі талданылған кезең ішінде тіркелген қылмыстардың 22,1 % 2010 жылғы 113 қылмыстан 2012 жылы 138 қылмысқа өскен.

Қылмысты тіркеудің арттырылуына есептік- тіркеу тәртібін сақтауды нығайту бойынша жұмыстардың белсенділендірілуі және тұрғындармен бұрын хабарланбаған қылмыстарды анықтау бойынша жүргізілген түсінік жұмыстары ықпал етті.

Жасалынған жалпықылмыстық қылмыстарға жүргізілген талдау бұл қылмыстарды негізінен еш жерде жұмыс істемейтін тұлғалар, көптеген жағдайда маскүнемдік жағдайларда, қылмыстардың 79% түнгі сағат 00-00 кейін жасалатындықтарын көрсетеді.

Мүліктік қылмыстар ішінде жасалған ұрлықтардың жалпы санының 30% қалада тұрмайтын азаматтар жасаған (қаланың тұрғын үй қорын қалпына келтіру бойынша құрылыс обьектілерінің жұмысшылары, Бесқарағай ауданы мен Павлодар облысының Май ауданының қалаға жақын орналасқан ауылдарынан 3514 әскери бөліміне жұмысқа орналасуға үміткер ретінде келгендер), оларда қылмыстың негіізгі обьектілері құрылыс материалдары мен құрал- саймандары болған. Бұл қаланың тұрғын үй саласын қалпына келтіру үшін тартылған қалалық емес азаматтардың көптеп келуімен байланысты болды.

Статистикалық көрсеткіштерге сәйкес 2011- 2013 жылдардағы тіркелген қылмыс санының өзгеру динамикасы төмендегідей болып келеді:

Сурет 18

2011- 2013 жылдардағы тіркелген қылмыс санының өзгеру динамикасы.


Кесте 16

2010- 2012 жылдардағы қала территориясындағы

қылмыс құрылымы.

Қылмыс түрлері	2010 ж.	2011 ж.	2012 ж.
Қасақана кісі өлтіру	2	3	3
Денсаулыққа қасақана ауыр зиян келтіру	1	1	1
Зорлау	2	1	0
Тонау	5	11	7
Күш көрсету арқылы тонау	0	0	0
Бұзақылық	0	10	9
Ұрлық	77	76	82
Алдау	1	5	5
Бопсалау	3	1	2
Айдап кету	5	2	3
Жол- көлік оқиғалары	1	0	1
Жиыны (барлық түрлер бойынша)	113	131	138

Кесте 17

Қылмыстық жағдайға жүргізілген талдау қылмыстық қудалау шараларын қолданумен қатар құқықтық тәртіп пен қоғамдық қуіпсіздікті қамтамасыз ету, әлеуметтік жағынан қорғалмаған тұрғындар жігін қорғау, азаматтарда жалпыадамзаттық құндылықтар мен заңға бағынушылық әрекеттерді қалпытастыруға бағытталған адамгершілік сапаларын қалыптастыру арқылы қылмыс жасауға итермелеуші факторларды жою, құқық бұзушылыққа тосқауыл бола алатын ғылым мен техника жетістіктерін енгізу арқылы құқық қорғау мен қоғамдық қауіпсіздік жүйесін жетілдіру қажеттігі пісіп жетілгендігін көрсетеді.

Ішімдік пен есірткі қабылдау, әсіресе жастар арасында үлкен әлеуметтік проблема болып отыр. Соған байланысты мамандандырылған медициналық мекемелерді дамыту қажет.

Салауатты өмір салтын қалыптастыру, алкогольдік ішімдіктерді жүйелі түрде пайдалану, есірткі заттары мен психотроптық заттарды медициналық емес мақсаттарда пайдаланудың алдын алу мен ерте кезінде анықтау, азаматтар мен үкіметтік емес ұйымдарды құқық бұзушылықтың алдын алуға тарту бойынша іс шараларды ұйымдастыру жетілдіре түсуді талап етеді.

Қалалық полиция бөлімінің алдында тұрған міндеттерді жүзеге асыру үшін бірнеше проблемаларды шешу қажет, әсіресе алдыңғы қатарлы техникамен, қызметтік автокөлікпен жарақтандыруда проблемалар бар.

Полиция бөлімінің ғимраты бұдан 50 жылдан астам уақыт бұрын офицерлер жатаханасы ретінде салынған және қазіргі заманғы нормалар мен талаптарға сәйкес келмейді. Жеткізілген тұлғалардың мәселесін қарайтын бөлмені, іздеу- тергеу тобының бөлмесін жөндеу мүмкіндігі жоқ. Арнайы қабылдайтын орынның жоқтығына байланысты әкімшілік тұтқынға алынғандар талаптар мен халқаралық стандарттарға сәйкес келмейтін камераларға қамалады. Қамау орындарын ең төменгі халқаралық талаптарға сәйкестендіру түрлі төтенше жағдайлардың пайда болу мүмкіндіктерін төмендеткен болар еді.

Қалалық емханада наркологиялық кабинет пен тұлғалардың бойында алкогольдің және психотроптық заттардың бар екендігін куәландыруға қажетті құрал- жабдықтар жо, мұның өзі полиция қызметкерлеріне есірткіге тәуелді тұлғаларды анықтауға үлкен кедергі келтіреді.

Күшті және әлсіз жақтарын анықтау үшін SWOT-талдау жүргізілді:

1. Азаматтардың құқықтары мен бостандықтарын, заңды мүдделерін қорғау үшін жағдай жасалған;

1. 
   Құқық бұзушылықтың алдын алудың нақтылы субьектілері нақтыланған және олардың өзара бірлесе әрекет етуі қамтамасыз етілген;
   
2. 
   Қоғамдық тәртіпті қорғау мен құқық бұзушылықтың алдын алуға қатысушы азаматтар мен мекемелердің өзара бірлесе әрекет етуінің формалары келісілген;
   
3. 
   Азаматтардың заңға бағынушылық әрекеттерін қалыптастыру шаралары анықталған;
   
4. 
   Салауатты өмір салтын насихаттау бойынша іс- шаралар кешені құрастырылған.
   
5. 
   Әлеуметтік жарнама компаниясы жүргізіледі.
   

1. 
   Бөгде адамдардың мүлкін ұрлаудың, оның ішінде пәтер ұрлығының жоғары деңгейде болуы;
   
2. 
   Тұрмыстық маскүнемдік, ішімдік ішу мен есірткіге қарсы алдын алу шараларының шешілмін таппауы;
   
3. 
   Қиын өмірлік жағдайдағы тұлғалардың әлеуметтік бейімделуі мен қалпына келтірілу деңгейінің жеткіліксіздігі;
   
4. 
   Қаланың ішкі істер органдарының тиісті нормаға дейін қамтамасыз етілмеуі, типтік әкімшілік ғимаратпен қамтамасыз етілмеуі және қалалық полиция бөлімінің қолданыстағы ғимратының жөндеуден өткізуді қажет ететіндігі.
   

1. 
   Құқық бұзушылық пен қылмыстың санының өсуінің алдын алу бойынша шаралардың уақытымен қабылдануы;
   
2. 
   Азаматтардың құқықтары мен бостандықтарын, заңды мүдделерін қорғау бойынша жағдай жасау;
   
3. 
   Құқық бұзушылықтың бастапқы кезеңінде алдын алу;
   
4. 
   Құқық бұзушылықтың алдын алу жүйесін жетілдіру;
   
5. 
   Алдын алу субьектілерінің қызметін үйлестіруді арттыру;
   
6. 
   Құқық бұзушылықтың алдын алу бойынша іс- шаралардың жүзеге асырылуын бақылау.
   

1. 
   Қоғамдағы әлеуметтік шиеленіс негізінде құқыққа қарсы әрекеттердің орын алу қатері
   
2. 
   Республика территориясында радикалды экстремистік және лаңкестік бірлестіктер мен ұйымдардың қызметінің күшеюі.
   

2.2.2.10 Төтенше жағдайларға қарсы тұру жүесін дамыту

Қатаң континенттік климат түрлі табиғи апаттарға- дауылға, дала өрттеріне, температураның күрт төмендеуіне, қарлы борандарға, эпидемиялар мен эпизотияларға елеулі көлемде бейім болып келудің алғышарттарын қалыптастырады. Көліктегі негізгі қорлардың, жылжымалы құрам мен инфрақұрылымның ескіруі мен құрал- жабдықтарының ескіруі, табиғи қорларды өндірудің жеделдеуі, оларды тасымалдау мен өңдеуден өткізудің көлемінің ұлғаюы техногендік қатерлердің пайда болуының нақтылы алғышарттарын жасайды.

Қалада № 48 өрт сөндіру бөлімі қызмет етеді, оның материалдық- техникалық жарақтануы қазіргі заманғы талаптарға сәйкес келмейді. Далалық өрттерді өшіру үшін тиісті қорғанысты қамтамасыз ету үшін қосымша өрт сөндіру техникасымен қамтамасыз етуді қажет етеді. Өзінің балансындағы 5 өрт сөндіру көліктерінің біреуі қанағаттанғысыз жағдайда.

Қолданыстағы басшылық буыны мен тұрғындарды хабардар ету жүйесі бұдан 30 жылдан астам уақыт бұрын құрылған және қазіргі заманғы сандық және волоконды- оптикалық байланыс жүйесімен бірлесе әрекет ете алмайды және тұтастай қайта құруды талап етеді. Соңғы 15 жыл ішінде құрал- жабдықтарды, бағдарламамен қамтамасыз етуді және жүйелерді жаңарту жүргізілген жоқ. Электросиреналық хабар беру жүйесінде пайдаланылатын П-160 және П-164 аппаратуралары моральдық және жұмыс істеуі жағынан ескірген, ұйымдық техника мен өзге құралдарды қолданудан туындайтын кедергілерге төтеп беру қабілеті төмен, ҚТС көшкен байланыстың сандық желілерімен жұмыс істеуге бейімделмеген. Тұрғындарды теле және радиоканалдар арқылы хабардар етудің ұйымдық- техникалық шешімдерінің тұрақтылығы төмен дәрежеде және осы мақсатқа теле және радионың және кабельдік теледидардың барлық бағдарламаларын қамтуға мүмкіндік бермейді. Соңғы жылдары радионүктелерді пайдаланушылардың саны күрт азайып кетті.

Табиғи және техногендік сипаттағы төтенше жағдайлардың алдын алу, алдын ала дайындалу мен хабардар болу тұрғындарды, қала экономикасын, материалдық және мәдени құндылықтарды табиғи апаттар, авариялар пайда болған жағдайларда нәтижелі қорғаудың міндетті шарты болып табылады.

Қалыптасқан жағдайды бағалау төмендегі SWОT талдауда көрсетілген:

Күшті жақтары:

1. Көктемгі су тасқыны қаупі болған кездерде, табиғи өрттер мен қар қорының еруі салдарынан пайда болатын қатер көздерін ерте анықтау бойынша космостық мониторингтің болуы.

2. Басқару органдарымен, қалалық қызметтермен, АҚ және ТЖ обьектілері мен жергілікті құрамдарымен жыл сайын жоспарлы командалық- штабтық жаттығулар өткізу.

3. Төтенше жағдай қатері туған немесе пайда болған кездерде бірлесе әрекет ету мен оған жауап берудің құрастырылған жоспарының болуы.

4. Қаланың басшылық құрамының АҚ және ТЖ мәселелері бойынша облыстық және республикалық оқу курстарынан тұрақты дайындықтан өтіп отыруы.

Әлсіз жақтары:

1. Тұрғындарды хабардар етудің қолданыстағы жүйесінің табиғи және техногендік сипаттағы төтенше жағдайлар пайда болған немесе қатері төнген кездерде тұрғындарға төтенше хабарды толық көлемде жеткізуге қабілетсіздігі.

2. АҚ және ТЖ жергілікті құрылымдарының апаттар мен табиғи апаттар кезінде төтенше құтқару жұмыстарын жүргізу үшін қажетті қажетті құтқару құралдарымен, жабдықтарымен, саймандарымен қамтамасыз етілу деңгейінің төмендігі.

3. Апаттар мен табиғи апаттарға қарсы тұру мен олардың салдарын жою бойынша кешенді іс- шараларды толық көлемде жүзеге асырудың олардың капитал сиымдылығының жоғары деңгейде болуына байланысты мүмкін еместігі.

Мүмкіндіктері:

1. Тұрғындар арасында АҚ және ТЖ саласындағы білімдерді насихаттау бойынша кең көлемдегі жұмыстар жүргізу, түрлі төтенше жағдайлар кезінде әрекет ету ережелері бойынша көрнекі құралдарды тарату ТЖ болатын зиян көлемін едәуір азайтуға мүмкіндік береді.

2. Қала әкімінің материалдық- техникалық қорларын нығайту төтенше жағдайлардан зардап шеккен тұрғындарға кепілді көмек көрсетуді қамтамасыз етуге мүмкіндік береді.

Қауіптері:

1. Тұрғындар үшін қазіргі заманғы жеке қорғаныс құралдарын сатып алуға қаражаттың болмауы территория химиялық залалданған жағдайда адамдардың өмірі мен денсаулығын қамтамасыз етуге мүмкіндік бермейді.

2. Қазіргі заманғы қорғалған қосымша басқару пунктін салу үшін қаржыландырудың болмауы Азаматтық қорғаныс және төтенше жағдайлардың күштері мен құралдарының сенімді бірлесе әрекет етуін қамтамасыз етуге қатер төндіреді.

жүктеу/скачать 1.36 Mb.

Достарыңызбен бөлісу: