Лекции каз по тпмп 1-дәріс. Кіріспе
Еркін соғуға арналған жабдықтар және құрал-саймандар
жүктеу/скачать 4.11 Mb. Pdf көрінісі
|
| Еркін соғуға арналған жабдықтар және құрал-саймандар
Машиналық соғу соғатын гидравликалық баспақтарда және соғу балғаларында жүргізіледі. Тоқпақтарда дайындама металының илемді деформациясы секундтың мыңдаған үлесінде жасалады, өйткені балғалар динамикалық әрекетті машиналар болып табылады. Дайындама металы балғаның құлайтын бөліктерімен жинақталған энергия есебінен деформацияланады. Тоқпақтар пневматикалық және бу-ауалық деп бөлінеді. Пневматикалық соғатын тоқпақтарда (3.29-сурет) ұсақ соғылмалар (20 кг дейін) жасайды. Балғаның екі цилиндрі бар: жұмыстық 8 және компрессорлық 10. Компрессорлық цилиндр поршенінің жетегі 11 электр қозғалтқыштан қос иінді-бұлғақ механизмінің 12 көмегімен жүзеге асырылады. Поршень ауаны цилиндрдің жоғарғы немесе төменгі қуыстарында 0,2…0,3 МПа дейін қысады. Қысылған ауа тұтқаның немесе аяқ басқышынан 2 ауыстырылып қосылатын золотниктер 6 немесе 9 арқылы жұмыстық цилиндрге 8 жіберіледі, онда ол жұмыстық поршеньді 7 жоғары-төмен бағытта жылжытады. Жұмыстық цилиндрдің поршені және онымен қосылған массивті шток тоқпақтың құлайтын бөліктері болып табылады. Жоғарғы 5 және төменгі 4 соққыштар сәйкесінше жұмыстық цилиндрдің соташығына және болат жастыққа 3 бекітіледі. Жастық массивті төсте 1 орнатылған. Тоқпақ төменгі соққышқа салынған дайындама бойынша бірлі-жарым соққылар сала алады немесе автоматтық режимде жұмыс істей алады. Пневматикалық тоқпақтардың 50-ден 1000 кг дейін көптеген құлайтын бөліктері бар. 1 – төс; 2 – басқыш; 3 – жастық; 4, 5 – төменгі және жоғарғы соққыштар; 6, 9 – золотниктер; 7, 11 (8, 10) – жұмыстық және компрессорлық поршень (цилиндрлер); 12 – қос иінді-бұлғақ механизмі 3.29-сурет – Пневматикалық соғатын тоқпақтың кинематикалық сұлбасы Бу-ауалық соғу тоқпақтары илемделген дайындамалардан жасалған орташа массалы (20…350 кг) соғылмаларды жасауға арналған. Энергия тасушы ретінде 0,7…0,9 МПа қысыммен қысылған буды немесе ауаны пайдаланады. Бу-ауалық соғатын тоқпақтарды қарапайым және қосарлы әрекетті балғаларға бөледі. Қарапайым әрекетті тоқпақтарда бу немесе ауа 31 құлайтын бөліктерді көтеру үшін ғана қызмет атқарады. Осы типті балғалар сирек қолданылады. Қосарлы әрекетті соғатын тоқпақтарда бу немесе ауа құлайтын бөліктерді көтеру үшін ғана емес, сонымен бірге тоқпақтың құлайтын бөлігі құлағанда поршеньге қосымша қысым түсіру үшін қызмет атқарады, бұл балғаның соғу энергиясын едәуір ұлғайтуға мүмкіндік береді. Бу-ауалық тоқпақтардың 1000-нан 8000 кг-ға дейін құлайтын бөлігі бар. Соғатын гидравликалық баспақтар – статикалық әрекетті машиналар, оларда дайындаманың деформациялануы секундтар бірлігінен ондығына дейін жалғасуы мүмкін. Оларда ірі дайындамаларды, негізінде кесектерді өңдейді. Баспақтар 5-тен 100 МН дейінгі күшті дамытады. Еркін соғу үшін қолданылатын негізгі ұсталық құрал-сайман 3.30-суретте көрсетілген. а – соққыштар (жазық, дөңес, ойылған); б – жаншықтар (дөңгелек, қырлы, аралас); в – белгілеу, жаншығыштар, кеңей жаю; г – балталар; д - қобылағыштар 3.30-сурет – Негізгі ұсталық құрал-сайман Жұмыстық құрал-сайманнан басқа (әр түрлі пішінді соққыштар), өлшеуіш (кронциркульдер, бұрыштықтар) және қосымша (қысқаштар, ашалар, патрондар және т.б.) құрал-саймандарды пайдаланады. жүктеу/скачать 4.11 Mb. Достарыңызбен бөлісу:
|