Үсiкке төзiмдiлiгiне байланысты өсiмдiктердi бес топқа бөлуге болады

1. Үсiкке өте төзiмдi өсiмдiктер, температураның – 8,-10⁰С төмендегенiне шыдайды (күздiк, жаздық бидайлар, бұршақ тұқымдастары). Бiрақ масақтану фазасында – 3,-4⁰С, ал гүлдену фазасында – 1,-2⁰С температуралары зиянды әсер етедi.

2. Үсiкке төзiмдi, бастапқы өсу фазаларында – 6,-8⁰С шыдайды, ал гүлдену фазасында – 2,-3⁰С зиянды әсер етедi (тамыр жемiстi, конопля, лен).

3. Орташа төзiмдi, бастапқы өсу фазасында – 3,-4⁰С шыдайды, ал гүлдену фазасында – 1,-2⁰С зиянды әсер етедi (майбұршақ, редис).

4. Үсiкке аз төзiмдi – жүгерi, қонақ жүгерi, картоп, темекi – 2⁰С шыдайды, ал гүлдену фазасында – 1⁰С зиян.

5. Үсiкке төзiмсiз – жылы сүйгiш дақылдар: -0,5,-1,5⁰С температура зиянды әсер етедi (күрiш, мақта, фасоль, бақша дақылдары).

Жылы сүйгiш дақылдарды отырғызу кезiнде үсiксiз кезеңiнiң ұзақтығын есепке алу керек. Бұл соңғы көктемдiк және алғашқы күздiк үсiк арасындағы кезең.