Литература Дышетскыны пырисьёслы юрттэт • кылъя но литературая программаос



Дата20.07.2016
өлшемі351.2 Kb.
#212562



Удмурт кыл но литература
Дышетскыны пырисьёслы юрттэт

кылъя но литературая программаос

кылъя но литературая валэктонъёсты дунъян нормаос

Дасязы:


Александр Федорович Шутов,

Галина Витальевна Горбушина,

Светлана Тимофеевна Арекеева,

Галина Анатольевна Глухова,

Мира Анатольевна Самарова

ВАЛЭКТОН
Удмурт филологияя факультетэ 2013-тћ арын дышетскыны пырыны луоз «Филология» направлениысь таӵе профильёсъя:

– «Прикладной филология» (удмурт кыл но литература, филология удысын выль технологиос) (очно);

 «Филологической дисциплинаосты дышетон» (удмурт кыл но литература, англи кыл, удмурт кыл но литература, финн-угор (фин) кыл) (очно);

- «Отечественной филология» (удмурт кыл но литература, њуч кыл но литература) (заочной ёзэтэз).


Пырон понна таџе экзаменъёс сётоно:

  • њуч литература (ЕГЭ)

  • њуч кыл (ЕГЭ)

  • удмурт кыл но литература (устно)

Удмурт филологияя факультетэз йылпумъямъёс пќртэм удысъёсын ужаны быгато: школаосын удмурт кылъя но литературая, њуч кылъя но литературая, англи кылъёсъя дышетћсь луыса; элькун но ёрос газетъёсын но журналъёсын, радиоын но телевидениын; пќртэм ужанниосын секретарь луыса. Бакалавриатэз йылпумъяса, дышетсконзэс азинтыны быгато магистратураын. Наукае сюрес лёгыны мылкыд карисьёс понна луонлык вань магистратура бере асьме факультетын ик аспирантураын дышетскыны.


Удмурт кылэз но литератураез гажась, сое эшшо но мургес, њечгес тодыны мылкыд карись егитъёсты ќтиськомы дорамы дышетскыны. Соин џош ик вераммы потэ экзаменъёслы куронъёсмы сярысь но.

Удмурт кылъя юанъёслы валэктонды оскымон мед луоз шуыса, теоретической положениосты примеръёсын юнматыса сётоно. Умой, куке соизлы яке таизлы правилолы тупась чебер пуштросо предложение басьтэмын поэзиысь, фольклорысь (кырњанысь, мадиськонысь но мукет). Вераськон люкетъёс но соослэн категориоссы яке предложенилэн членъёсыз сярысь вераку, соослы определение сётыны быгатоно. Пыр-поч эскерыны быгатоно предложениез: солы огъя характеристика сётоно но предложенилэн членъёсызъя эскерыса верано, кыџе вераськон люкетэн соос возьматэмын. Озьы ик тодыны кулэ кылэз куараосъя (ф.), кыл люкетъёсъя (к. л.), вераськон люкетъя (в. л.) яке кыл сочетаниез (к. с.) эскерыны.

Удмурт литературая валэктон сётыку верано писательлэсь улон сюрессэ, кыџе инты басьтэ солэн творчествоез но билетын нимысьтыз висъям текстэз огья литературной процессын. Произведенилэсь пуштроссэ («ма» сярысь луэмзэ) тодэм сяна, валэктыны быгатоно солэсь аспќртэмлыко луэмзэ («кызьы» со лэсьтэмын), чеберлыксэ, љутэм ужпумъёссэ. Озьы, юанэз лыдэ басьтыса, куд-ог учыре верано луоз произведенилэн композиция (пушсузьет) ласянь аспќртэмлыкез сярысь, характеръёс но соосты кылдытон чеберлыко амалъёс сярысь (описание, портрет, кылэз чеберман амалъёс...), мукет учыре текстлэн жанр ласянь аспќртэмлыкъёсыз сярысь, авторлэн геройёссэ дунъямез сярысь но мукет.

Кылбурез сэрттыку-пертчыку саклык висъяно, кыџе пушдуннемылкыд отын шараяське, кыџе мылкыд со кельтэ но кыџе амалъёс со понна кутэ автор (текстысь ваче пумит луись образъёс, кыл чеберман но куара шудон образъёс, кылбуран тћрлык но мукет); кыџе валтћсь малпанэз лыдpыны луэ кылбурысь.

Поэзияя юанлы вераку, кылбуръёсты но басняосты (куддыръя люкетъёссэс) наизусть лыдњыны тыршоно.

Произведениослэсь куд-ог тодметъёссэс вакытлэн (революция, сталинизм, выльдћськон...) куронъёсыныз герњаны быгатоно.

Мултэс уз луы критикая но литературоведениея ужъёсты, одћг текст шоры ик пќртэм сямен учкыны луонлыкъёсыз тодыны.

Валэктонъёстэс дунъян дыръя, озьы ик лыдэ басьтћськоз нимысьтыз фактъёсты тодэмды, огъянъёс (обобщениос) лэсьтыны быгатэмды. Со понна быгатыса кутоно теоретико-литературной валатонъёсты но.


Экзаменъёслы дасяськоно удмурт кылъя но литературая 5–11 классъёсын дышетон книгаосъя. Инвожоысен экзаменлы дасян курсъёс ужалозы. Соос сярысь 8 (3412) 916-168 телефонъя тодыны луоз.

Та программа экзаменъёслы дасяськыны пичияк ке но юрттэт сётоз шуыса, малпаськом. Витиськомы ми дорын дышетскыны мылкыд карисьёсты!



УДМУРТ КЫЛЪЯ ПРОГРАММА

ФОНЕТИКА. ГРАФИКА. ОРФОЭПИЯ. ОРФОГРАФИЯ.
Вераськон куараос. Гласной но согласной куараос. Њуч кылысь пырем согласнойёс. Аффрикатаос. Чурыт но небыт согласной куараос. Звонкой но глухой согласной куараос, соослэн пöрмемзы. Алфавит (азбука). Небыт согласнойёсты гожъяськыку возьматон. Ћ но э букваосты шонер гожъян. Е, ё, ю, я букваослэн кык пöртэм кутbськемзы. Й букваез шонер гожъян. Ь но ъ букваос – висъян пусъёс.

Љ, њ, џ букваосты шонер гожъян. дp, тч, дс, тс артысь согласнойёсты шонер гожъян. Кылъёсты чурысь чуре выжтон.
Кылъёсты фонетика ласянь тазьы эскероно:

  • кöня слогез кылын, кытчы усе ударение;

  • гласной куараос, кыџе букваосын соос возьматэмын;

  • согласной куараос: звонкой яке глухой, чурыт яке небыт, кыџе букваосын соос возьматэмын;

  • кöня куараез но букваез кылын.


тэльёс [тэл'йос] – кык слогез, ударение усе кыкетћ слог вылэ.

т [т] – согл., глух., чурыт.

э [э] – гл., ударенитэм.

л [л'] – согл., звонк., небыт.

ь [-]

ё [йо] й – согл., звонк., небыт; о – гл., ударениен.

с [с] – согл., глух., чурыт.

6 куараез, 6 букваез



ЛЕКСИКА НО ФРАЗЕОЛОГИЯ

Лексика сярысь валан. Кыллэн лексической но грамматической значениез. Трос значениен кылъёс. Переносной значениен кылъёс.

Омонимъёс. Синонимъёс. Антонимъёс. Удмурт калык лексика но диалект кылъёс. Асэстэм кылъёс. Вужмем кылъёс. Выль кылъёс. Фразеологической кыл сочетаниос.

КЫЛЛЭН ЛЮКЕТЪЁСЫЗ


Основа но кылпум. Однокоренной кылъёс. Корень. Суффикс. Приставка.

а, о, э но я, е, ё букваослэн гласнойёс бере гожтћськемзы. Кореньысь звонкой согласнойёсты шонер гожъян.

Сложной кылъёс но соосты шонер гожъян. Валче но вакчи гожен гожтћськись сложной кылъёс.


Кыллэн люкетъёсызъя тазьы эскероно:
олокудзылы

-куд- – корень, -зы- – суффикс, оло- – приставка, -лы – кылпум, олокудзы- – основа.

МОРФОЛОГИЯ


Вераськон люкетъёс сярысь валан. Самостоятельной вераськон люкетъёс. Юрттћсь вераськон люкетъёс.

Существительной


Существительной сярысь валан. Солэн грамматика ласянь тодметъёсыз, предложениын кыџе член луыны быгатэмез. Луло но лултэм предметъёсты возьматћсь существительнойёс. Собственной но нарицательной существительнойёс. Одћг но трос лыдын существительнойёс. Существительнойлэн падежъя вошъяськемез. Притяжательной суффиксъёсын существительнойёс, соослэн склоненизы.

Существительнойёслэн пöрмонзы. Сложной существительнойёс но соосты шонер гожъян.

Послелоген существительнойёс, соослэн предложениын кыџе член луыны быгатэмзы. Соослэн интыез, мугез, причинаез, дырез, џошатэмез, ёрос возьматэмзы.
Существительноез тазьы эскероно:


  • вераськон люкет;

  • начальной формаез (ниман падеж);

  • луло яке лултэм;

  • собственной яке нарицательной;

  • лыдыз;

  • простой яке притяжательной;

  • падежез.

эшъёсмылэсь – сущ., нач. ф. эшъёсмы, луло, нариц., трос л., притяж., люк. п.

Прилагательной


Прилагательной сярысь валан. Предложениын кыџе член луыны быгатэмез. Прилагательнойёслэн пöртэм тодметъёссы. Прилагательнойёслэн џошатон степеньзы. Висъясь суффиксэн прилагательнойёс, соослэн лыдъя но падежъя вошъяськемзы.

Прилагательнойёслэн пöрмонзы. Сложной прилагательнойёс, соосты шонер гожъян.


Прилагательноез тазьы эскероно:

  • вераськон люкет;

  • начальной формаез (ниман падежын, висъясь суффиксэн луон дыръяз);

  • џошатон степенез (вань ке);

  • висъясь суффиксэн яке суффикстэк;

  • падежез (висъясь суффиксэн луыкуз);

  • лыдыз.

чеберъёсызлыгес – прил., нач. ф. чеберъёсызгес, џош. степ., висъясь суф-сэн, сёт. п., трос лыд.

Числительной


Числительной сярысь валан. Предложениын кыџе член луыны быгатэмез. Количественной но порядковой числительнойёс. Простой но составной числительнойёс.

Числительнойёслэн склоненизы. Количественной но порядковой числительнойёсты висъясь -эз (-ез) суффиксъёсын кутон. Собирательной но дробной числительнойёс, соослэн склоненизы. Числительнойёслэн послелоген но предлоген кутћськемзы.

Числительнойёсты шонер гожъян.
Числительноез тазьы эскероно:


  • вераськон люкет;

  • начальной формаез (ниман падеж);

  • простой яке составной;

  • количественной яке порядковой;

  • висъясь суффиксэн яке суффикстэк;

  • падежез;

  • лыдыз.

Дасэтћезлы класслы. Дасэтћезлы – числ., нач. ф. дасэтћез, поряд., висъясь суф-сэн, сёт. п., од. лыд.

Местоимение


Местоимение сярысь валан. Местоимениослэн предложениын пöртэм член луэмзы. Местоимениослэн пöртэмлыксыя группаослы люкиськемзы. Местоимениослэн склоненизы. Местоимениосты шонер гожъян.

Местоимениез тазьы эскероно:

  • вераськон люкет;

  • начальной формаез;

  • группаез;

  • лыдыз;

  • падежез;

  • послелоген яке послелогтэк;

Котькыџезэ ужез. Котькыџезэ – мест., нач. ф. котькыџеез, опред., од. лыд., адp. п., посл-тэк.
Глагол

Глагол сярысь валан. Солэн предложениын кутћськемез. Глаголлэн неопределённой формаез. Возвратной глаголъёс. Глаголлэн видъёсыз.

Глаголлэн изъявительной наклонениез. Глаголлэн али, ортчем, вуоно дырын кылпум вошъямез. Глаголлэн нырысетћ но кыкетћ спряжениез. Нырысетћ спряжениысь глаголъёсты шонер гожъян. Отрицаниен глаголъёс, соослэн спряженизы.

Глаголлэн повелительной наклонениез. Отрицаниосты, частицаосты, суффиксъёсты кутон.

Глаголлэн условной наклонениез, солэн отрицаниен кутћсь-кемез.

Безличной глаголъёс. Юрттћсь глаголъёс. Глаголъёслэн пöрмонзы.




Глаголэз тазьы эскероно:

- вераськон люкет;

- начальной формаез;

- возвратной яке невозвратной;

- переходной яке непереходной

- видэз;

- наклонениез;

- спряжениез;

- дырыз;

- лицоез;

- лыдыз.


Кизилиос ворекъяло. Ворекъяло – глаг., нач. ф. ворекъяны, невозвр, непер., одл. вид., изъяв. накл., 2-тћ спр., али дыр, 3-тћ лицо, од. лыд.

Причастие

Причастие сярысь валан. Солэн предложениын пöртэм член луэмез. Причастиослэн глаголъёслы но прилагательнойёслы матын луэмзы. Положительной но отрицательной причастиослэн пöрмонзы. Висъясь суффиксэн причастиос, соослэн склоненизы.

Причастной оборот сярысь валан, сое запятойёсын висъян учыр.


Причастиез тазьы эскероно:

  • причастие;

  • начальной формаез (ниман падежын, висъясь суффиксэн луон дыръяз);

  • кыџе глаголысь пöрмемын;

  • дырыз;

  • лыдыз;

  • падежез (висъясь суффиксэн луыкуз).

Бертћсьёссэ пиналъёсты. Бертћсьёссэ – прич., нач. ф. бертћсьёсыз, пöрмемын бертыны гл-ысь., али дыр, од. л., адp. п.
Деепричастие

Деепричастие сярысь валан. Деепричастиослэн глаголлы но наречилы матын луэмзы. Деепричастиослэн пöрмонзы.

Деепричастной оборот, сое запятойёсын висъян.

Деепричастиез тазьы эскероно:


  • деепричастие;

  • кыџе глаголлэсь пöрмемын, кыџе суффиксэн;

  • оборот кылдытэ-а, уг-а;

  • висъяське-а,уг-а.

Шур дурын, лыз-тöдьы сяськаос октыса, пичи ныл бызьылэ (С.Ш.).

Октыса – деепр., пöрмемын октыны гл. бордысь -са суф-сэн, кылдытэ оборот но запятойёсын висъяське.

Наречие


Наречие сярысь валан. Наречиослэн предложениын пöртэм член луэмзы. Наречиослэн валатон сётэмзыя люкиськемзы. Наречиосты послелоглэсь висъяны быгатон.

Наречиослэн џошатон степеньзы. Наречиослэн пöрмонзы. Наречиосты шонер гожъян.


Наречиез тазьы эскероно:

  • вераськон люкет;

  • валатонэзъя кыџе луэмез;

  • џошатон степенез (вань ке);

Љоггес вамышъяны. Љоггес – наречие, кызьызэ возьм., џошат. степ.
Союз

Союз сярысь валан. Сочинительной союзъёс, соослэн пöртэм пумо луэмзы. Подчинительной союзъёс.


Союзэз тазьы эскероно:

  • вераськон люкет;

  • сочинительной яке подчинительной;

  • сочинительной ке, валатонэзъя кыџе луэмез;

  • маосты герња.

Шаерамы трос будо лысо но куаро писпуос. Но – сочинит., соед., герња однородной определениосты.
Частицаос

Частицаос сярысь валан. Частицаослэн валатон сётэмзыя люкиськемзы. Частицаосты шонер гожъян.


Частицаез тазьы эскероно:

  • вераськон люкет;

  • валатонэзъя кыџе луэ;

  • кыџе кылын герњаське.

Учке ай чагыр ин шоры. Ай – част., косон. (курон.) возьматэ, герњ. учке кылын.
Междометие

Междометие сярысь валан. Междометиослэн валатонзыя люкиськемзы. Междометиосты знакъёсын висъян.


Междометиез тазьы эскероно:

  • вераськон люкет;

  • валатонэзъя кыџе луэмез.

Чш-ш-ш! Калленгес вераське. Чш-ш-ш – межд., куронэз возьматэ.


СИНТАКСИС НО ПУНКТУАЦИЯ
Кыл сочетание но предложение

Кыл сочетание. Сочинительной но подчинительной связь. Подчинительной (подчинение амалэн герњаськем) кыл сочетаниослэн пöртэмлыксы. Подчинительной кыл сочетаниосын кылъёслэн куспазы герњаськон амалъёссы: согласование, управление, примыкание, притяжательной связь.

Предложениын кылъёслэн интыяськемзы: прямой но обратной порядок. Повествовательной, юан (вопросительной), побудительной предложениос. Восклицательной предложение.
Подчинительной кыл сочетаниез тазьы эскероно:


  • подчинительной кыл сочетание;

  • валэктћсь (зависимой) но валэктоно (основной) кылъёсыз;

  • кылъёслэн куспазы герњаськон амалзы.

гуртэдлэсь мöзмыса – подч. кыл сочетание, валэктоно кылыз – мöзмыса, валэктћсь кылыз – гуртэдлэсь, управл. амалэн.
Кык главной членэн простой предложениос

Предложенилэн главной членъёсыз. Подлежащей, сое пöртэм вераськон люкетъёсын веран. Сказуемой. Простой но составной глагольной сказуемой. Именной составной сказуемой. Подлежащей но сказуемой вискы тире пуктон.

Предложенилэн второстепенной членъёсыз: определение, дополнение, обстоятельство. Прямой но косвенной дополнение. Вöлскем но вöлскымтэ определение. Приложение. Обстоятельствоос, соослэн валатонзыя люкиськемзы.

Однородной членъёсын предложениос. Соединительной (герњась), противительной (пумит карись), разделительной (висъясь) союзъёсын герњам однородной членъёсын предложениос. Однородной но однородной луисьтэм определениос. Интонациен герњам однородной членъёс. Однородной членъёс вöзын огъясь (обобщающей) кылъёс. Однородной членъёсын предложениосы знакъёс пуктон.



Одћг главной членэн простой предложениос

Одћг главной членэн верам простой предложениослэн пöртэмлыкъёссы: определённо-личной, неопределённо-личной, безличной, назывной.



Полной но неполной предложениос


Полной но неполной предложениос. Неполной предложениосы тире пуктон.


Обособить карем второстепенной членъёсын предложениос


Обособление сярысь валан. Определениосты обособить карон. Приложениез обособить карон.

Деепричастиосты но деепричастной оборотъёсты обособить карон. Уточнять карись обстоятельствоосты обособить карон.



Бере, дыръя, понна (вылысь), сэрен (йырин) кылъёсын отглагольной оборотъёсты обособить карон.

Кадь (выллем), сямен (музэн) кылъёсын џошатон оборотъёсты обособить карон.

Сяна, сярысь, интые кылъёсын сочетаниосты обособить карон.

Обращение. Вводной кылъёс но предложениос


Обращение, солэн предложениын интыяськемез. Обращениен предложениосын знакъёс пуктон.

Вводной кылъёсын но сочетаниосын предложениос.Ввводной предложениос. Вводной кылъёсты но вводной предложениосты знакъёсын висъян.

Междометиосын, утвердительной но отрицательной частицаосын предложениос.
Простой предложениез тазьы эскероно:


  1. Кыџе предложение та?

  • простой;

  • кык главной членэн яке одћг главной членэн;

  • одћг главной членэн ке, кыџе;

  • вöлскем яке вöлскымтэ;

  • полной яке неполной;

  • веран мугезъя кыџе луэмез;

  • вань-а однородной членъёсыз, обособить карем членъёсыз, обращениосыз яке вводной кылъёсыз но предложениосыз.

2. Предложенилэн членъёсызъя эскероно но верано, кыџе вераськон люкетэн соос верамын.

мест. сущ. сущ. с. сущ. сущ. посл. с. сущ



Котькыџе интыын: городын но гуртын, шудон пöлын но уж

~~~~~~~~~~~ -- . -- . -- . -- -- . -- . -- . - -- . -- . -- . -- . -- . -- . -- . -- . -- -- .

посл сущ. сущ. сущ. гл. сущ. гл.

дурын – арган куара сюлэмез вырњытэ, мылкыдэз лöпкытэ.

-- . -- . -- . ~~~~~~ -- -- -- -- -- -------------- -- -- -- -- -- -- --------------


Предложение простой, 2 гл. членэн, вöлскемын, полной, повест., вань однородной обстоятельствоосыз но сказуемойёсыз.

СЛОЖНОЙ ПРЕДЛОЖЕНИЕ
Сложной предложение сярысь валан. Сложной предложенилэн пöртэмлыкъёсыз.

Сложносочинённой предложениос

Сложносочинённой предложение сярысь валан. Герњась (соединительной), пумит карись (противительной), висъясь (разделительной) союзъёсын сложносочинённой предложениос. Сложносочинённой предложениосы знакъёс пуктылон.



Сложносочинённой предложениез тазьы эскероно:

  • сложносочинённой предложение;

  • кöня предложенилэсь кылдэмын сложносочинённой предложение;

  • кыџе союзэн герpаськемын сложной предложение пырись простой предложениос;

  • веран мугезъя кыџе луэмез.

Собере котькудзэ предложениез простой предложениез сямен эскероно.
дееприч. оборот сущ. сущ. прил. гл. с

Пичи тöл потыку, шурлэн вылыз вогыриё-вогыриё луэ но,

-- . -- . -- . -- . -- . -- . -- . -- ~~~~~~~ ---------- ---------------------------------

отглаг. оборот џошат.оборот

льöль инбамлэн ву вылын пиштэмез пöртэм зарни пужыос

---------------------------------------------------------- -- . -- . -- . -- . -- . -- . -- . -- . –

гл.

выллем ворекъя. (Е. Самс.)

-- . -- . -- -------------

Та сложносочинённой предложение, кылдэмын кык предложенилэсь, нырысетћез кыкетћеныз герњась (соединительно) но союзэн герњамын, повествовательной.

Нырысетћез предложение – кык главной членэн, вöлскемын, полной, деепричастной оборотэн. (Предложенилэн членэзъя эскероно но верано, кыџе вераськон люкетэн верамын предложенилэн членъёсыз).

Кыкетћез предложение – кык главной членэн, вöлскемын, полной, выллем кылын џошатон оборотэн. (Предложенилэн членэзъя эскероно но верано, кыџе вераськон люкетэн верамын предложенилэн членъёсыз). [личн.] – но, – [личн.]
Сложноподчинённой предложениос

Сложноподчинённой предложение сярысь валан. Главной но придаточной предложениос. Придаточной предложенилэн главноеныз союзъёсын но союзной кылъёсын герњаськемез. Главной предложениын кутћськыны быгатћсь указательной кылъёс.

Придаточной предложениослэн интыяськемзы. Придаточной предложениез главноезлэсь вераку но гожъяку висъян.

Придаточной предложениослэн пöртэмлыксы: определительной, изъяснительной но обстоятельственной: условной, интыез, дырез, кызьызэ но степеньзэ, причиназэ, целез возьматћсь но уступительной придаточнойёс. Синоним луись придаточной предложениос но оборотъёс.


Сложноподчинённой предложениез тазьы эскероно:

  • кыџе придаточноен сложноподчинённой предложение луэ та;

  • кöня предложенилэсь кылдэмын;

  • кыџе союзэн яке союзной кылын герњаське придаточной предложение главноеныз;

  • веран мугезъя кыџе луэмез.

Собере главнойзэ но придаточнойзэ предложениез простой предложениез сямен эскероно.

с.к. сущ. сущ. сущ. сущ. с. сущ. гл.



Кытчы гужем дыр пытьызэс комбайн но трактор кельто,

_ . _ . _ . _ ~~~~~~ _ _ _ _ _ _ _ _________ _________ ------------

нар. сущ. прил. сущ. нар. сущ. гл.

али луд кечен џуж њичы отћ бусыез пужъято. (С.Ш.)

_ . _ _ _ _ _ _ ~~~ _ _ _ . _ . _ _ _ _ -------------


Сложноподчинённой предложение интыез возьматћсь придаточноен, кылдэмын кык предложенилэсь, придаточной главноеныз герњаське кытчы союзной кылын, повествовательной.

Главной предложение – али луд кечен џуж њичы отћ бусыез пужъято – кык главной членэн, вöлскемын, полной, вань однородной подлежащийёсыз. (Предложенилэн членъёсызъя эскероно но верано, кыџе вераськон люкетэн верамын соос).

Придаточной предложение – кытчы гужем дыр пытьызэс комбайн но трактор кельто – кык главной членэн, вöлскемын, полной. (Предложенилэн членъёсызъя эскероно но верано, кыџе вераськон люкетэн верамын соос). [союзной кыл кытчы], [отћ].
Союзтэм сложной предложение

Союзтэм сложной предложение сярысь валан. Союзтэм сложной предложениосы пöртэм знакъёс пуктылон правилоос.


Союзтэм сложной предложениез тазьы эскероно:

  • союзтэм сложной предложение;

  • кöня предложенилэсь кылдэмын;

  • кыџе знак но малы пуктэмын предложениос вискы;

  • веран мугезъя кыџе луэмез.

Собере котькудзэ предложениез простой предложениез сямен эскероно.

сущ. гл. сущ. сущ. посл. сущ. гл.



Орудие ыбиз – гумыысьтыз бöм быдња тыл потћз.

Союзтэм сложной предложение, кылдэмын кык предложенилэсь, висказы пуктћське тире (малы ке шуоно, кыкетћ предложение љог воштћськись явлениез возьматэ), повествовательной.

Нырысетћ предложение – Орудие ыбиз – кык главной членэн, вöлскымтэ, полной. (Предложенилэн членъёсызъя эскероно но верано, кыџе вераськон люкетэн верамын соос).

Кыкетћ предложение – гумыысьтыз бöм быдња тыл потћз.- кык главной членэн, вöлскемын, полной. (Предложенилэн членъёсызъя эскероно но верано, кыџе вераськон люкетэн верамын соос).


Трос люкето сложной предложениос

Трос придаточнойёсын сложноподчинённой предложениос (бöрсьысь но параллельной подчинениен). Знакъёс пуктон. Предложениослы схемаос лэсьтон.

Сочинениен но подчинениен (сочинениен но союзтэк, подчинениен но союзтэк, сочинениен, подчинениен но союзтэк) герњаськем сложной предложениос. Знакъёс пуктон. Предложениослы схемаос лэсьтон.
Трос люкето сложной предложениез тазьы эскероно:


  • кыџе предложение (кыџе амалъёсын герњаськемын люкетъёсыз);

  • кöня предложенилэсь кылдэмын;

  • союзэн (союзной кылын) яке союзтэк герњаськемын огез предложение мукетыныз;

  • веран мугезъя кыџе луэмез.

Собере котькуд люкетсэ простой предложениез сямен эскероно.
ПРЯМОЙ НО КОСВЕННОЙ РЕЧЬ

Прямой но косвенной речь сярысь валан. Прямой речез знакъёсын висъян. Прямой речез косвенное берыктон. Диалог. Цитата.


Прямой речен предложениез тазьы эскероно:

  • прямой речез но авторлэн кылъёсыз;

  • прямой речьлэн интыяськемез;

  • быдэс предложенилэн схемаез;

  • знакъёсыз;

  • авторлэн кылъёсаз но прямой рече пырись предложениослы тырмыт синтаксической разбор лэсьтоно.

«Ужась мурт нокытын но ужлы уз ёрмы», шуэ Прохор Танялы.

Прямой речез – Ужась мурт нокытын но ужлы уз ёрмы, авторлэн кылъёсыз – шуэ Прохор Танялы. Прямой речез сылэ авторлэн кылъёсыз азьын. Предложенилэн схемаез таӵе: «П_____», – а ______. Прямой речьсэ кавычкаосы пыртоно но авторлэн кылъёсыз азе запятой но тире пуктоно, авторлэсь кылъёссэ пичи букваен гожтыны кутсконо. Пумаз точка пуктоно.

Собере прямой речьсэ но, авторлэсь кылъёссэ но нимаз предложениосты сямен эскероно.

ТУАЛА УДМУРТ КЫЛЛЭН
КЫЛДЭМЕЗ НО АЗИНСКЕМЕЗ

Кыл сярысь валан. Удмурт кыл – финн-угор кыл. Удмурт кылын асэстэм кылъёс. Удмурт кыллэн диалектъёсыз. Удмурт литературной кыллэн кылдэмез но азинскемез.

ВЕРАСЬКОН КЫЛ. ТЕКСТ

Устной но письменной вераськон кыл сярысь валан. Устной вераськон кыллэн выразительной амалъёсыз (логической ударение, пауза, љоглык). Диалог но монолог.

Текст сярысь валан. Текстлэн темаез но основной малпанэз. Паськыт но сюбег темаос. Текстлы план. Простой но сложной планъёс. Текстлэн типъёсыз. Повествование, описание, рассуждение типъем текстъёслэн композиционной аспöртэмлыксы.

Текстлэн смысловой люкетъёсыз. Сложной синтаксической целой сярысь валан. Сложной синтаксической целойёслэн пöртэм луэмзы.

Текстын предложениослэн куспазы герњаськемзы. Пöртэм вераськон люкетъёслэн предложениосты герњамзы.

Текстлэн стилез сярысь валан. Огшоры вераськон но книжной стильёс: научной, художественной, деловой, публицистической.

АБИТУРИЕНТЪЁСЛЭСЬ

КЫЛЪЯ ТОДОН-ВАЛАНЪЁССЭС ДУНЪЯН НОРМАОС
Удмурт кылъя абитуриентъёс самой троссэ люканы быгато 50 балл. Абитуриент 15 балл но солэсь ќжыт люка ке, со удмурт кылъя тырмыт балл ќз люка шуыса лыдъяське но, конкурсэ пыриськыны уг быгаты ни.
Удмурт кылъя 50 балл люкан понна абитуриент возьматыны кулэ таџе быгатонлыкъёссэ:

– теоретической материалэз, определениосты но правилоосты билетын пуктэм юанъя тодэмзэ;

– лингвистической терминъёсты валамзэ;

– веранзэ ас примеръёсын юнматыны быгатэмзэ;

– ответсэ бќрсьысь-бќрсе радъяса, удмурт литературной кылын вераны быгатэмзэ;

– фонетической, моррфологической, синтаксической, кыл люкетъёсъя разбор лэсьтыны быгатэмзэ.


20 балл абитуриент басьтыны быгатэ теоретической юанэз быдэсак усьтэм понна.

20–17 балл сётиське, куке абитуриент:

– юанлы шонер но валамон валэктон сётэ;

– лингвистической терминъёсты, определениосты валэктыны быгатэ;

– ас веранзэ правилоен но примеръёсын юнматыны быгатэ;

– малпанзэ радызъя, ог-огенызы герњам предложениосын, литературной кылэз чакласа вераны быгатэ.

16–14 балл сётћське, куке абитуриент:

– юанлы шонер но валамон валэктон сётэ;

– лингвистической терминъёсты, определениосты валэктыкуз, куд-ог янгышъёс лэсьтэ ке но, дышетисьлэн юрттэмез улсын љогак тупатскыны быгатэ;

– ас веранзэ правилоен но примеръёсын юнматыны быгатэ;

– малпанзэ радызъя, ог-огенызы герњам предложениосын, литературной кылэз чакласа вераны быгатэ.

13–10 балл сётћське, куке абитуриент:

– юанлы тырмыт валэктон уг сёты;

– определениосты валэктонын янгышъёс лэсьтэ;

– ас малпанъёссэ юнматон вылысь примеръёс вераны шугъяське;

– правилоез радызъя вераны шугъяське;

– вераськыкуз литературной кыллэсь куронъёссэ пумозяз уг чакла.


30 балл абитуриент басьтыны быгатэ фонетической, морфологической, синтаксической, кыл люкетъёсъя разбор лэсьтэм понна:

  • синтаксической разбор дунъяське 15 баллэн;

  • фонетической разбор дунъяське 5 баллэн;

  • морфемной разбор дунъяське 5 баллэн

  • морфологической разбор дунъяське 5 баллэн.


УДМУРТ ЛИТЕРАТУРАЯ ПРОГРАММА

Удмурт калык творчество
Фольклор сярысь огъя валан. Удмурт калык творчестволэн узырлыкез.

Удмурт калык выжыкылъёс. Соослэн ёзэтъёссы (группаоссы) но художественной аспќртэмлыкъёссы.

Мадиськонъёс сярысь валан. Соослэн пќрмемзы но образной кылзы.

Пословица но поговорка сярысь валан. Соослэн лэчыт кылзы но чеберлыксы. Пословицаослэн прямой но переносной пуштроссы.

Удмурт калык кырњанъёс. Соослэн темазыя пќртэм луэмзы. Вуж кырњанъёсын вашкала удмурт калыклэсь малпаськемзэ, мылкыдзэ, сюлэм чеберзэ возьматон. Туала кырњанъёс. Соослэн улонэн герњаськемзы.

Литературалэн но устной калык кылбуретлэн пќртэмлыксы. Фольклорлэн литература кылдытонын но сое азинтонын интыез.


Удмурт литературалэн кылдэмез
Удмурт письменностьлэн кылдэмез но нырысетћ удмурт книгаос (букварьёс, азбукаос, грамматикаос, словарьёс, лыдpон книгаос, Евангелиос но мукет). Казаньысь учительской инородческой семинариын удмурт дышетћсьёсты родной кылзылы дышетон. Удмурт литературае сюрес лёгисьёс (Г. Верещагин, И. Шкляев, Г. Прокопьев, И. Михеев, М. Яковлев, М. Ильин, К. Митрей, М. Можгин).

Удмурт кылын нырысетћосыз периодической изданиос («Удмурт кылын календарь», «Войнаысь ивор» газет).

Революцилэсь азьло потэм литературной произведениос, отын љутэм ужпумъёс (Кедра Митрей, «Эш-Тэрек», «Дитя больного века»; Г. Верещагин, кылбуръёс, «Батыр дћсь», «Зарни чорыг» поэмаос; М. Можгин, «Беглой»; Кузебай Герд, кылбуръёс, «Керемет» поэма но мукет).
Григорий Егорович Верещагин (1851–1930)
Г. Е. Верещагин – нырысетћ удмурт тодосчи но литератор. Солэн кылбуръёсыз («Чагыр, чагыр дыдыке…») но «Батыр дћсь» поэмаез, кылбурчилэн творчествоезлэн удмурт фольклорен но њуч литератураен герњаськемез.

Михаил Григорьевич Можгин (1890–1929)
«Беглой» балладалэн сюжетэз, художественной чеберлыкез, солэн фольклор инъетэз.

Литретуралэн теориез: баллада сярысь валан.

УДМУРТ ЛИТЕРАТУРА 1917–1929-тћ АРЪЁСЫ
Удмурт литературалэн 1917–1929-тb аръёсы азинскемез. Граждан ож но революция сярысь произведениосын вужзэ, пеймытсэ карган но выльзэ, югытсэ данъян.

Пjртэм родъёслэн но жанръёслэн азинскемзы. Поэтической образъёс. Произведениосысь валтbсь конфликтъёслэн классовой пуштроссы. Геройёслэн образъёссы.

Произведениослэн поэтикаязы вуж сямъёсты серем карон амал. Литературалэн сатирической ќрез. Исторической пуштросо произведениос.

И. Дядюковлэн «Пешка Педор» веросэз; М. Прокопьевлэн «Политической партиос» кылбурез; М. Тимашевлэн «Насьток» музыкальной драмаез; А. Багайлэн «Тараканъёс», «Перепеч» веросъёсыз; Д. Майоровлэн «Зарни крезь», «Мемиелы», «Емышо сад» кылбуръёсыз.

Книга поттонэз радъян. Периодической изданиослэн потэмзы. Берыктон уж.
Кедра Митрей (1892 – 1949)
Биографиез. Казаньысь инородческой учительской семинариын дышетскемез. «Сандал» журнал поттонын ужамез. Удмурт фольклорен, этнографиен но историен тунсыкъяськемез.

«Эш-Тэрек» трагедия. Солэн проблематикаез но образъёсыз. Калык легендаен герpаськемез.

«Зурка Вужгурт» повесть. Удмурт гуртлэсь революция но граждан ож вакытэ «зуркамзэ» возьматон. Повестьлэн зэмос материал вылын кылдэмез. Произведенилэн конфликтэз но жанровой тодметъёсыз.

«Секыт зћбет » роман, солэн исторической инъетэз. Произведениын черкын ужасьёслэсь но чиновникъёслэсь удмуртъёсты ултћямзэс возьматон. Геройёслэн образъёссы но соосты суредан амалъёс. Романлэн фольклорен герњаськемез.

Произведенилэн удмурт литератураын интыез.

Кузебай Герд (1898 – 1937)
Улон но творческой сюресэз. Калык кылбуретэз люкан бордын ужамез. «Крезьчи» (1922), «Сяськаяськись музъем» (1927) но «Лёгетъёс» (1931) кылбур сборникъёсыз.

Поэзияз исторической вакытлэн тусбуез. Романтической мылкыдыз но образъёсыз («чагыр ин», «чагыр дуннеос», «зарни шунды», «сьќд тэль» но мукет).

Вуж улонэз карган но выль улонэз ќтён – поэзиезлэн валтћсь темаосыз. «Толлозэ» но «туннэзэ» ваче пуктон амалэз кутон. «Кќлэмысь сайкатыны» тыршемез, югдытон (просветительской) мылкыдъёсыз («Шуд лыктоз», «Зарни шунды љужалоз», «Мед куло эсьмаса», «Султэ!» но мукет).

Поэзияз фольклорлэн интыез. Кылбуръёсызлэн жанр ласянь пќртэмлыксы.

Инкуазьлы сћзем кылбуръёсыз, соослэн чеберлыксы («Бусы», «Сяськаяськись льќмпу», «Беризь» но мукет).

«Завод» поэмаын љутэм ужпумъёс, композициез (пушсузьетэз) но поэтической обраъёсыз, поэмалэн огъя романтической тусбуйыз.

1–2 кылбурзэ учкытэк вераны дасяськоно.
Ашальчи Оки (1898–1973)
Биографиез. Удмурт нылкышнолэсь сюлэмзэ, малпанзэ усьтыны быгатэмез. Кылбуръёсызлэн художественной чеберлыксы. Ашальчи Оки но калык творчество. Кырњанлы пќрмем кылбуръёсыз.

1–2 кылбурзэ наизусть тодоно.




УДМУРТ ЛИТЕРАТУРА 1930–1941-тћ АРЪЁСЫ
Та вакытэ потэм произведениослэн тематиказы, отын љутэм ужпумъёс (ализэ вуженыз ваче пумит пуктон, адямилэсь «выльдћськемзэ» возьматон но мукет): Г. Медведев, «Лќзя бесмен» трилогия; М. Коновалов, «Гаян», «Вурысо бам»; П. Блинов, «Улэм потэ»; Ф. Кедров, «Катя». Конфликтъёслэн аспќртэмлыксы, геройёслэн типъёссы.

Удмурт литератураын родъёслэн но жанръёслэн азинскемзы.

Удмурт писательёслэн сталинизм вакытэ быремзы.

Григорий Сергеевич Медведев (1904–1938)
Биографиез. Писательлэн «Лќзя бесмен», «Кыйкар бамын», «Бадpым нунал» романъёсыз – удмурт литератураын нырысетћез бадpым социальной пуштросо трилогия. Романъёсын колхоз кылдытонэз возьматон.

Классовой пуштросъем конфликтэз суредан. Геройёслэсь яркытэсь образъёссэс кылдытыны быгатон (Њапык, Эшкабей Ондћ…).

Роман шоры туала синмын учкон но сое дунъян.

Литературалэн теориез: роман сярысь огъя валан. Адями мылкыдэз возьматон амалъёс. Роман–трилогия но солэн композициез (пушсузьетэз).
Михаил Алексеевич Коновалов (1905–1938)
Биографиез. «Вурысо бам» роман. Отын удмурт рабочий класслэсь кылдэмзэ но будэмзэ возьматон. Романлэн сюжетэз но геройёслэн кусыпъёссы. Геройёслэн образъёссы. Гондырлэн крестьянысь рабочие пќрмемез.

«Гаян» роман. Солэн фольклорной но историко-документальной тодметъёсыз, романтизмлэн но реализмлэн шараяськемзы. Геройёслэн образъёссы но соосты суредан амалъёс. Романлэн композициез.


Петр Александрович Блинов (1913–1942)
«Улэм потэ» роман. Демилэн образэз пыр егит адямилэсь улонэ сюрес утчамзэ возьматон. Демилэн но Олёшкалэн, Демилэн но Любалэн кусыпъёссы. Омельлэн образэз, маиныз со кыске лыдњисез, нош маиныз – уг. Характеръёсты суредан амалъёс. Романлэн пумыз, солэн символичной луэмез.


УДМУРТ ЛИТЕРАТУРА

БЫДЊЫМ ОТЕЧЕСТВЕННОЙ ВОЙНА ДЫРЪЯ
Поэзия, проза, драма удысын война вакытэ кылдэм произведениос. Соослэн жанровой но образной аспќртэмлыксы.

Вакчи жанръёслэн азьпал радэ потэмзы. Ожмаськись солдатлэсь малпанъёссэ, шќдонъёссэ возьматон. Тушмонэз синазькыль карон.



Михаил Петрович Петров (1905–1955)
Биографиез. Пќртэм жанръёсын ужамез.

Лирикаезлэн шорсюлмыз, отын калык кырњанлэсь йылолъёссэ (традициоссэ) азинтэмез.

«Италмас» поэма. Произведениысь художественной образъёслэн кужымзы но чеберлыксы. Ладилэн бырон мугез. Калык легенда но поэма. Солэн композициез. «Италмас» строфа.

«Кырњан улоз» поэма. Солэн жанровой аспќртэмлыкез. Композиция ласянь радъяськемез. Поэмаысь валтћсь образъёс.

«Њардон азьын» повесть. Произведениын љутэм ужпумъёс. Геройёслэсь кусыпъёссэс возьматон. Произведение туннэ нуналъёсы.

«Вуж Мултан» роман. Солэн проблематикаез. Произведенилэн исторической инъетэз. Геройёс но соослэн прототипъёссы. Романлэн удмурт литератураын интыез. Валтћсь геройёслэн образъёссы но соосты суредан амалъёс.



Литературалэн теориез: писательлэн документ бордын ужамез, геройёс но прототипъёс.
Игнатий Гаврилович Гаврилов (1912–1973)
Биографиез. Кылбуръёсызлэн аспќртэмлыксы. Кырњанлы пќрмем кылбуръёсыз («Џыдонтэм тулыс», «Гумы», «Уй пеймыт вал соку», «Гожтэт» но мукет).

«Санћ» – калык поэзиысь љужам лирико-романтической поэма.

И. Гавриловлэн драматической произведениосыз, соослэн жанровой аспќртэмлыксы.

«Камит Усманов» трагедия. Камитлэн образэз калык легендаосын но пьесаын. Конфликтъёслэн пќртэмлыкъёссы.

«Кезьыт ошмес» пьесаын гуртысь классовой нюръяськонэз возьматон. Беглоен герњаськем сюжетэз кутон. Драмалэн тодметъёсыз. Беглойлэн, Жагалэн, Юскалэн образъёссы.

«Вордћськем палъёсын» роман-трилогиын удмурт культуралэсь ортчем сюрессэ художник синмын учкон но эскерон. Коллективизациез возьматон. Романысь конфликтъёс, геройёслэн тусбуйзы но пуштроссы. Сергей Климов но Василий Камашев. Катя но Вара. Произведенилэн удмурт литератураын интыез.



Литературалэн теориез: трагедия сярысь валан.

Афанасий Васильевич Лужанин (1912–1966)
Кылбуръёсызлэн аспќртэмлыксы. Кырњанлы пќрмем кылбуръёсыз. «Осотовецъёс» поэмаысь валтћсь малпанъёс, солэн кылыз но чеберлыкез. Осотовлэн образэз.

Басняос («Сюмъё но Падыш», «Бадяр но Пуппы» но мукет). Соослэн удмурт поэзие юнмамзы но художественной аспќртэмлыксы.



Литературалэн теориез: басня сярысь валан.

1–2 кылбурзэ наизусть тодоно.



УДМУРТ ЛИТЕРАТУРА 1950–60-тћ АРЪЁСЫ
Улонын ортчись демократической воштћськонъёс но литературной улон. Та вакытэ кылдэм произведениосын адямиез, солэсь пуш улонзэ выль сяменгес возьматыны тыршон.

Г. Красильниковлэн произведениосаз адямилэсь психологизэ усто возьматон.

В. Широбоковлэн прозаезлэн лирической шќмыз.

Лирикалэн азинскемез. Н. Байтеряковлэн, Ф. Васильевлэн, А. Белонговлэн творчествоязы выль вакытлэн шќдћськемез.

М. П.-Петровлэн кылбуръёсыз.

Драматургиын выль конфликтъёс. Е. Загребинлэн пьесаосыз.



Михаил Петрович Покчи-Петров (1930–1959)
Биографиез. Пќртэм удысъёсын ассэ яркыт шараямез. Улон сюресэзлэн укыр вазь чигиськемез.

Кылбуръёсаз вордскем шаерез но эшлыко кусыпъёсты данъямез («Дор» но мукет). Адямилэн улонын интыез сярысь малпаськемез («Тубат», «Кык сяськаос» но мукет).

1–2 кылбурзэ учкытэк вераны дасяськоно.
Трофим Архипович Архипов (1908–1993)
Биографиез.

«Лудњи шур дурын» дилогия. Романын возьматэм вакыт но отысь ужпумъёс (фронтын нюръяськисьёслы юрттон; уж шоры пќртэм сямен учкон; семья кусыпъёс; адямиосын кивалтон но мукет). Геройёслэн образъёссы но соосты суредан амалъёс. Романлэн композициез.

«Адямилэн чеберез» роман. Произведенилэн проблематикаез (ужлэн адямиез воштэмез; адямилэн но коллективлэн кусыпъёссы; яратон). Геройёслэн образъёссы.

Литературалэн теориез: роман-дилогия сярысь валан.
Степан Павлович Широбоков (1912–1983)
Биографиез. Лирикаез («Россия», «Тынад киосыд» но мукет). Кырњан луэм кылбуръёсыз («Зарни сћзьыл», «Чупчи тупалан-а», «Ќй быгаты вунэтыны»). Валтћсь мотивъёсыз но образъёсыз.

«Кемалась малпанъёс» поэмалэн пуштросэз но чеберлыкез (ритмической пќртэмлыкъёс, диалогъёс, монологъёс, рифмаос).

«Яратон ке ќвќл» но «Ой, чебер нылъёс» комедиосын љутэм ужпумъёс. Произведениослэн чеберлыксы.

Литературалэн теориез: драматургия, комедия сярысь валан.

1–2 кылбурзэ наизусть дышетоно.


Гай Сабитович Сабитов (1915–1993)
Биографиез. «Яратћсько» бичетэзлэн огъя пуштросэз, кылбуръёсызлэн аспќртэмлыксы («Мынам песятае», «Мусо шаере» но мукет).

«Шунды но љужа но» сонет тугокоезлэн чеберлыко дунеез: темаез но поэтикаез, жанровой пќртэмлыкъёсыз. Та произведенилэн удмурт литератураын интыез.

Г. Сабитовлэн кырњан луэм кылбуръёсыз («Тупаса улон понна», «Нош вуиз тулыс», «Паймод, ява», «Вераны мон ќй ву», «Шулдыр љыт» но мукет).

1–2 кылбурзэ учкытэк вераны дасяськоно.


Геннадий Дмитриевич Красильников (1928–1975)
Улон но творческой сюресэз. Писательлэн удмурт прозаез выль ќртћ азинтэмез. Веросъёсаз нравственной ужпумъёсты љутэмез («Оксана», «Пыртос», «Укно пыр», «Кошкисез мед кошкоз» но мукетъёсыз). Конфликтлэн «пыдло ватскемез». Писательлэн «огшоры» адямилэсь «огшоры луисьтэм» пушдуннезэ (психологизэ) возьматон амалъёсыз.

«Тонэн кылисько» повестьын љутэм ужпумъёс. Алексей Курбатовлэн будон сюресэз. Захаров но Парамон агай. Произведенилэн жанровой тодметъёсыз.

«Вуж юрт» но «Тќлсяська» дилогия. Отын љутэм ужпумъёс. «Вуж юртлэн» образэз. Геройёслэн образъёссы но соосты суредан амалъёс. Произведение шоры туала синмын учкон но сое дунъян.

«Арлэн кутсконэз» романлэн проблематикаез. Соснов но Световидов. Нылкышноослэн образъёссы. Романын адямиослэсь характеръёссэс пjртэм геройёслэн синмынызы учкыса, котыр ласянь суредан.


Николай Семенович Байтеряков (1923–1997)
Биографиез. Ожын быремъёс азьын улэпъёслэн кыл кутонзы сярысь темаез лирикаын азинтон («Оген кышномурт», «Медаль»). Яратон но инкуазь сярысь кылбуръёс. Поэтлэн кырњан луэм кылбуръёсыз.

«Эш-Тэрек» но «Солдатъёс ке кошко» поэмаос. Соослэн художественной чеберлыксы. Поэмаосын эпической но лирической традициосыз азинтон.

1–2 кылбурзэ наизусть тодоно.
Даниил Александрович Яшин (1929–1988)
Биографиез. Пќртэм удысъёсын тыршемез.

Поэзияз вордћськем палъёсын данъяськон но эшъяськон темаосты љутэмез («Мон Уралысь», «Чагыр Дунай но Тќдьы Кам», «Эшъёс ке вань» но мукетъёсыз). Кылбуръёсын дышетон-индылон манерез кутэмез.

Калык кылбуретэн герњаськем эпической пуштросъем кылбуръёсыз («Зарни лёгетъёс», «Сизьыметћ» но мукет).

Серемес кылбуръёсыз (юмор, кудћз серекъяно геройёсты уг ултћя).

1–2 кылбурзэ наизусть дышетоно.
Александр Егорович Белоногов (1932)
Биографиез. Поэзияз «шыпыт» лирикалэн тодметъёсыз, «город – гурт» ужпумез эскеремез.

«Вуберганъёс» книгаезлэн пуштросэз, валтћсь образъёсыз но мотивъёсыз.

Кылбуръёсаз зэмос но малпам дуннеослэн висъяськемзы («Џукна кылбуръёс», «Шимес уйвќт» но мукет).

Авторлэн кырњан жанр борды кыстћськемез. Кырњанъёсын потэм книгаосыз («Яратон со», «Сюлэмлэн зарни гурез»).



Семён Александрович Самсонов (1931–1993)
Биографиез.

Очеркъёсаз но веросъёсаз гуртысь азьветлћсь муртэз возьматон.

«Яратћсько тонэ» но «Дыдыкъёс бус пќлы уг йыромо» дилогиын љутэм ужпумъёс (пичи гуртъёсты быдтон, адямиосын кивалтон проблема). Тоня Платоновалэн но мукет геройёслэн образъёссы. Произведенилэн стилез.

«Тугаськем бугор» повесть. Отын љутэм ужпумъёс. Геройёслэн образъёссы но соосты суредан амалъёс.


Роман Галяскарович Валишин (1937–1979)
Биографиез.

Веросъёсысьтыз «огшорытэм огшорылык» амал («Сћзьыл куазен», «Окыльна кенак», «Узвесь пыры», «Чырс аръян» но мукетъёсыз). Адямилэн кыџе луэмез сярысь юанъёсты љутэмез. Писательлэн идеалэз.

«Тќл гурезь» повестьын война аръёсы гурт калыклэсь тыршыса ужамзэ возьматон. Адями кусыпъёс. Умойтэм уж понна улонын кыл кутон сярысь малпаськон. Геройёслэн образъёссы: Оникей но Пильып, Костя но Юся. Повестьлэн кылыз, выразительной амалъёсыз (символика, детальёс). Композицилэн аспќртэмлыкез. Повестьын вашкала осконъёслэн шараяськемзы.
Флор Иванович Васильев (1934–1978)
Биографиез.

«Шыпыт» лирикалэн шараяськемез. Поэтлэн «покчи» родиназэ гажаса возьматэмез («Кќня иськем Бердышысен Ижозь?» но мукет). Инкуазь но адями кусыпъёсты выль сямен суредан («Мон – язычник. Инмаре – инкуазь…», «Кошкиськом, лэся, инкуазь дорысь» но мукетъёсыз). Поэзияз писпулэн образэз («Мертты тон льќмпу», «Пужымъёс љутско инме» но мукет), шурлэн (џемгес пичи шурлэн но ошмеслэн) образъёссы.

Ф. Васильевлэсь лириказэ мифологиен герpась тодметъёс. «Сьќд» но «тќдьы» буёлъёс пыр «югытлэсь» но «пеймытлэсь» нюръяськемзэс возьматон («Эн дырты, эше, лымыез сьќдманы…», «Тќдьы лымы. Тќдьы луд кеч…» но мукетъёсыз).

Флор Васильевлэн яратон лирикаез. Солэн поэзияз «нылкышно» тема.

1–2 кылбурзэ учкытэк вераны дасяськоно.
Владимир Васильевич Романов (1943–1989)

Биографиез. «Дась лу!» газетын тыршемез но егит гожъяськисьёсын мыло-кыдо ужамез.

Поэзияз пиналлэн синмыныз дунне шоры учкемез, пичи мурт сямен котьмалы паймемез.

Кылбуръёсаз ожтылын бырем атаезлэн образэз; таин валче лирической геройлэн секыт драматической мылкыдыз («Ваёбыж кар», «Атай» но мукет). Поэзияз калык йылолъёс тема.

1–2 кылбурзэ учкытэк вераны дасяськоно.
Михаил Иванович Федотов (1958–1995)
Биографиез. Поэзияз уйпал удмуртъёслэсь но бесермянъёслэсь улэмзэс но сямъёссэс возьматэмез.

«Вќсь» (1991) книгаезлэн удумрт лирикаын интыез: валтћсь темаосыз но образъёсыз. Кылбуръёсызлэн философской пуштроссы. Поэтлэн гурт но город кусыпъёсты возьматэмез. Героезлэн огнамо луэмез.


Вячеслав Витальевич Ар-Серги (Сергеев) (1962)
Творческой вамышъёсыз (портретэз). Веросъёсаз но повестьёсаз адямилэн пуштросэз но адями кусыпъёс сярысь малпаськемез. Пуш дуннеез шараясь детальёсты кутыны быгатэмез. Огшоры сюжет, огшоры герой пыр драматической ужпумъёсты љутэмез («Атаезлэн xогырес бамъёсыз», «Возьыт», «Кристя», «Удалтымтэ» но мукет). Литературной кусыпъёсыз (Г. Красильников, Р. Валишин): удмурт психологической прозалэсь ќрзэ азинтэмез.
Петр Константинович Чернов (1936–2000)
Биографиез.

Нылпиослы сћзем «Кион кар» (1970) трилогиез. Нравственной ужпумъёсты сэрттон-пертчон. Нылпиослэсь характеръёссэс возьматон.

«Дор» (1985) повесть. Произведениын љутэм ужпумъёс (улонын котькуд адямилэн ас интызэ утчамез, вордћськем интыез понна солэн кыл кутэмез). Валтћсь геройлэн образэз.
Туала нылкышно поэзия
Туала нылкышно поэзиысь (Т. Чернова, Л. Кутянова, А. Кузнецова, Г. Романова) валтћсь темаос, тужгес џем пумиськись образъёс: огкадез но пќртэмез. Лирикаысьтызы нылмуртлэн но нылкышнолэн тусбуйёссы. Ашальчи Окиен герњась йылолъёс-традициос.

1–2 кылбурзэс учкытэк вераны дасяськоно.




АБИТУРИЕНТЪЁСЛЭСЬ

ЛИТЕРАТУРАЯ ТОДОН-ВАЛАНЪЁССЭС ДУНЪЯН НОРМАОС
Удмурт литературая абитуриент люканы кулэ 50 балл таџе критерийёсъя:

писательлэсь биографизэ но текстэз тодон – 15 балл;

произведениез сэрттыны-пертчыны быгатон – 25 балл;

литературалэсь теоризэ тодон – 10 балл.



Абитуриент 15 балл но солэсь ќжыт люка ке, со удмурт литературая тырмыт балл ќз люка шуыса лыдъяське но, конкурсэ пыриськыны уг быгаты ни.

Писательлэсь биографизэ но текстэз тодон понна сётћське:

12–15 балл – абитуриент умой тодыны кулэ писательлэсь улон но гожъяськон сюрессэ; прозаической но драматической текстлэсь сюжетсэ, геройёссэ, действиослэсь кытын но ку ортчемзэс; кылбурез учкытэк (наизусть), выразительно вераны быгатоно.

8–11 балл – абитуриент шугъяське вераны яке сура писательлэн улонысьтыз куд-ог фактъёссэ, художественной текстлэсь пуштроссэ веракуз, куд-ог янгышъёс лэсьтэ; кылбурез умой-умой уг тоды.

5–7 балл – абитуриент ляб тодэ писательлэсь улон но гожъяськон сюрессэ, произведениезлэсь пуштроссэ; кылбурлэсь кќня ке чурзэ гинэ вераны быгатэ.

Произведениез сэрттыны-пертчыны быгатон:

21–25 балл – абитуриент произведенилы рос-прос анализ лэсьтэ, солэсь пќртэм компонентъёссэ (темазэ но идеязэ, љутэм ужпумъёсты, геройёслэсь образъёссэс но соосты суредан амалъёсты, сюжетно-композиционной но жанровой тодметъёсты, кылэз чеберман амалъёсты) лыдэ басьтэ; ответсэ абитуриент вольыт, љот-љот, фактической янгышъёстэк вера; ответсэ критикъёслэн но литературоведъёслэн дунъетъёсынызы юнматэ.

15–20 балл – абитуриент шугъяське анализ лэсьтыны, куд-ог учыръёсы пересказ вылэ выже; котьку ик уг быгаты верамъёссэ литературоведъёслэн но критикъёслэн дунъетъёсынызы юнматыны.

10–14 балл – анализ лэсьтон интые, произведенилэсь пуштроссэ вера; уг быгаты текст шоры теория пыр учкыны но малпанъёссэ литературоведъёслэн но критикъёслэн дунъетъёсынызы герњаны.

Литературалэсь теоризэ тодон:

8–10 балл – абитуриент умой тодэ литературалэсь теоризэ но быгатэ сое анализ лэсьтыкуз кутыны, шугъяськытэк вера литературной терминлэсь определенизэ.

5–7 балл – тодэ литературалэсь теоризэ но, анализ лэсьтыкуз, сое кутыны шугъяське.

3–4 балл – ляб тодэ литературной терминлэсь пуштроссэ.



Достарыңызбен бөлісу:




©dereksiz.org 2024
әкімшілігінің қараңыз

    Басты бет