Маркетинг
Жеке сату және оның қызметтері
жүктеу/скачать 458.5 Kb.
|
| 7.1 Жеке сату және оның қызметтері
Жеке сату – тауарды сату мақсатында тұтынушылармен жеке-дара байланыстың орнатылуы. Жеке сату - бұл тұтынушылармен кездесіп әңгімелесу барысында тауарды қолдану туралы кеңес беріп, оны ауызша ұсыну. Ол коииуникация түрлерінің тиімдісі, бірақ оны ұйымдастыру шығындары басқалармен салыстырғанда жоғары. Тауарларды сату процесі мынадай кезеңдерден тұрады; әлуетті клиенттерді іздеу; оларды жіктеу; тауарды таныстыру рәсімін өткізу; сату; сатудан кейінгі шаралар. Әлуетті клиенттерді іздеу – жаңа клиенттерді көбейтудің толассыз процессі. Іздеу процессінде анықтамалар, жарнама хабарландырулары, компьютерлік мәліметтер базасындағы барлық ақпараттар жиналады. Клиенттерді жіктеудің мәні үлкен, өйткені келешегі жоқ клиенттер ерекшеленеді. Жіктеу – бұл тауарды болашақта сатып алатын немесе сатып алғысы келетін клиенттер топтарын айқындау. Тауармен таныстыру рәсімін өткізу – бұл сату процессінің шарықтау шегі (кульминациясы). Мұнда әлуетті клиентпен жұмыс жүргізіліп, тауарлар сатылып келісім-шартқа қол қойылуы үшін барынша күш жұмсалады. Сатудан кейінгі қызмет – бұл сервис, кепілдік және тағы басқалары. Сауда қызметкерлері мынадай міндеттерді атқарады: әлуетті клиенттерді айқындау, олардың қажеттілігін зерттеу тауарларды сату шарттарын қарастыру және мәміле жасау; клиенттерге қызмет көрсету, тауарды пайдалану туралы кеңес беру , сатудан кейінгі қызмет көрсету; фирма үшін тұтынушы қажеттіліктері мен талғамдары, бәсекелестердің қызметі туралы ақпараттарды жинау. Осы міндетті атқара отырып, сауда қызметкері фирманың маркетингтік ақпарат жүйесінің маңызды мүшесі болады. Сауда өкілдері тұтынушының қажеттіліктерін жақсы біліп, оларға өзара ұтымды жағдайда тауарларды ұсынғанда ғана жеке сатудың тиімділігі және нәтижесі айқындалады. Сауда өкілдерінің мынандай түрлері бар: Сатушы кеңесші. Олардың инженерлік-техникалық терең білімі болуы қажет. өзінің кәсіптік дайындығына байланысты бұл өкілдердің баға дайындауға, өнімнің өзіндік ерекшелігін жасау және жабдықтау мерзімін белгілеуге құқығы бар. Тапсырыс алушылар. Мұндай мамандар фирма өніміне бейімделіп, оны жетік білгендіктен, тұтынушыны тауарды сатып алуға жетелейді. Тапсырыс алушыларға киім дүкендерінің сатушылары, тасымалдап сататын және өндірістік мақсаттағы тауарларды сатушылар жатады. Тапсырыс қабылдаушылар. Олардың міндеті – тұтынуншы қажеттілігін айқындап , тапсырысты дайындау. Көптеген азық-түлік және фармацевтикалық компанияларының осындай сатушылары бар. Тапсырыс қабылдаушылар дүкендерді аралап, олардың қорларын компания тауарымен толықтырады. Ірі компанияларға арналған маркетинг бригадасы. Бұл өкілдердің міндеті – ірі сатып алушылардың қажеттіліктерін және оларды қанағаттандыратын әдістерді анықтау. Олар өз сатып алушыларының бизнесін мұқият зерттейді. Телемаркетинг. Көптеген өнеркәсіптік фирмалар өзінің сауда жасайтын құрамының жұмысын ірі мәмілелерге бағыттап, ұсақ тұтынушыларға өнімін сату үшін телемаркетингті қолданады. Кейбір фирмалар жеке кездесуге кететін шығындарын үнемдеу үшін сату туралы мәмілені телефон арқылы жүргізеді. жүктеу/скачать 458.5 Kb. Достарыңызбен бөлісу:
|