14) сыпайы қоштасады.
20. Әлеуметтік маңызы бар аурулардың алдын алу бойынша Жалпы тәжірибелік дәрігер (ЖТД) функционалдық міндеттері
Әлеуметтік маңызы бар аурулар
– Бұл аурулар қоғамда кең таралуына байланысты ең көп өлім алып келетін және мүгедектігін тудыратын аурулардың қатарына жатады. Сондықтан денсаулық сақтау жүйесінде оларды диагностикалау мен емдеуге үлкен мән беріледі. Қазақстанда әлеуметтік мәні бар аурулардың бекітілген тізбесіне:
Туберкулез;
Адамның иммун тапшылығы вирусынан (АИТВ) туындаған ауру);
Созылмалы вирустық гепатиттер және бауыр циррозы;
Қатерлі ісік;
Қант диабеті;
Психикалық мінез-құлық бұзылуы (аурулар);
Балалардың церебралды сал ауруы;
Жедел миокард инфарктісі (алғашқы 6 ай);
Ревматизм;
Дәнекер тіннің жүйелі зақымдануы;
Жүйке жүйесінің дегенеративті аурулары;
Орталық жүйке жүйесінің демиелинизациялаушы аурулары;
Орфандық аурулар жатады.
Әлеуметтік мәні бар аурулар қандай медициналық көмекке үміткер бола алады?
– Әлеуметтік мәні бар аурулардан зардап шегетін азаматтарға медициналық көмек амбулаториялық, стационарлық, стационарды алмастыратын жағдайларда көрсетіледі. – Егер учаскелік дәрігер (ЖПД, терапевт немесе педиатр) пациентте әлеуметтік мәні бар аурулардың белгілерін байқаса, онда ол оны тиісті бейінді маманға (тар бейінді дәрігерге, психологқа) консультацияға жібереді. Бұл ретте тар бейінді мамандардың консультациялары МӘМС пакетіне жатады, сондықтан бұл қызметті алу үшін науқастың сақтандырылған мәртебесі қажет (диагностикасы ТМККК-де жүргізілетін және сақтандырылмаған науқастарға қолжетімді болатын туберкулезге және АИТВ инфекциясына күдіктенуді қоспағанда). Көрсетілімдер болған кезде дәрігер науқасты диагностикаға жібереді, олар басқа бейінді мамандардың консультациялары, инструментальдық және зертханалық зерттеулер болуы мүмкін. Диагнозды растағаннан кейін учаскелік дәрігер пациентті диспансерлік есепке қояды және ол қажетті медициналық көмекті ала алады.
Емхана деңгейінде әлеуметтік мәні бар аурулармен ауыратын азаматтар диагностика және амбулаториялық емдеу қызметтерін ала алады. Оларға үздіксіз диспансерлік бақылау жүргізіледі. Көрсетілімдер болған кезде маман пациентті тәулік бойы немесе күндізгі бақылау жүргізетін медициналық ұйымға жібере алады.
ЖТД міндеті:
- емделушілерді медициналық себептер бойынша стационарлық және реабилитациялық емдеу үшін мамандарға консультацияға жіберу;
- науқастарды амбулаторлық, күндізгі стационар және үйде емдеуді ұйымдастырады және жүргізеді;
-белгіленген тәртіпте эпидемияға қарсы іс-шаралар мен иммунопрофилактиканы ұйымдастырады және жүргізеді;
- медициналық көмек көрсетудің барлық кезеңдерінде науқасты бақылауға құқығы бар;
Достарыңызбен бөлісу: |
