11-сынып
Қазақ тілі пәні бойынша 11-сыныпқа арналған алғашқы бақылау үзігі
Мақсаты: 10-сыныпта өтілген тақырыптар бойынша оқушылардың білім-білік дағдыларын тексеру.
Банк қызметі туралы не білеміз?
Банктік жүйе өндірістік құрылымға енеді. Өндіріс керек болса, банк те керек. Банк бос капиталды өзіне жинап, оны мұқтаж болып отырған кәсіпорындар мен жеке адамдарға қарызға береді.
Жалпы банктік жүйелер әртүрлі деңгейлі болады. Біріншісі – мемлекеттік, екіншісі – коммерциялық банктер. Коммерциялық банктер, негізінен, халыққа қызмет етеді.
Банк – қарыз беруші мен қарыз алушының арасында делдалдық жасайтын, сөйтіп, ақша капиталымен сауда жүргізетін мекеме. Банктер несие саясатын жүзеге асырады. Олар несие-есептік қызмет атқарады.
Дүниежүзіндегі ең бай мекемелер, әрине, банктер. Мемлекеттің өзі де қарызды банктен алатын кездері де болады. Еліміздің байлығы, беделі қазір осы экономистерге, банкирлерге тікелей байланысты. Банктік жүйе жақсы жұмыс істемесе, біз қарызға батамыз.
Көптеген банктер шетел валюталарымен жұмыс істеуге лицензия алады.
(106 сөз)
(С.Дюсебаев. Қазақ тілі. Сборник диктантов. Алматы: «Мектеп», 2011.)
Лексика-грамматикалық тапсырмалар:
ІІІ деңгей. 1. Берілген сөйлемдерге синтаксистік талдау жасаңыздар.
І нұсқа. Өндіріс керек болса, банк те керек.
ІІ нұсқа. Банктік жүйе жақсы жұмыс істемесе, біз қарызға батамыз.
2. Сөздерді құрамына қарай талдаңыздар.
І нұсқа өндірістік, кәсіпорын, әртүрлі
ІІ нұсқа деңгейлі, несие-есептік, валюталарымен
3. Берілген сөзді септеңдер
І нұсқа – банк жүйесі ІІ нұсқа – қарыз алушы
ІІ деңгей. 1. Асты сызылған сөздерге морфологиялық талдау жасаңыздар.
І нұсқа. Банк бос капиталды өзіне жинап, оны мұқтаж болып отырған кәсіпорындар мен жеке адамдарға қарызға береді.
ІІ нұсқа. Мемлекеттің өзі де қарызды банктен алатын кездері де болады.
Мәтін бойынша 3 сұрақ құрастырыңыздар. І нұсқа – 1-ші абзац ІІ нұсқа – 2-ші абзац
І деңгей. Берілген тақырып бойынша диалог құрастырыңыздар. І нұсқа «Менің болашақ мамандығым» ІІ нұсқа «Сүйікті іс»
Достарыңызбен бөлісу: |
