Лекции каз по тпмп 1-дәріс. Кіріспе
Сымдау өндірісінің құралы мен жабдығы
жүктеу/скачать 4.11 Mb. Pdf көрінісі
|
| Сымдау өндірісінің құралы мен жабдығы
Сымдауыш – сымдайтын орнақтардың негізгі аспабы. Сымдау процесінде сымдауыш елеулі жүктемелерге ұшырайды, өйткені оның арнасында сымдау күшінің әсерінен илемді деформация болады. Сымдауыш (3.26-сурет) екі тетіктен – сымдауыштың 1 өзінен және құрсамадан 2 тұрады. Сымдауыштың бес аймағы бар: кірістік – а, майлаушы – б, деформациялаушы – в, калибрлеуші – г және шығыстық – д. Калибрлеуші аймақты әдетте – цилиндрлік пішінді, ал қалғандарын конустық (кейде деформациялаушы аймақ радиал пішінді болады) пішінді етіп орындайды. Деформациялаушы аймақтың 2α жұмыстық конусының бұрышын шыбықтарды сымдау кезінде бұйымның түріне және металдың қасиеттеріне байланысты 6…18 о шамасында таңдайды, ал құбырларды сымдау кезінде – 10…24 о . Металдың қаттылығы неғұрлым үлкен болса, жұмыстық конустың бұрышы соғұрлым аз болады. Сымдауыштарды қатты қорытпалардан, металл керамика материалдардан, техникалық алмастардан (өте жұқа сымды сымдау үшін), сондай-ақ ірі шыбықтар мен құбырларды сымдау үшін аспаптық болаттан жасайды. Сымдау процесін сымдайтын орнақтарда жүзеге асырады: дайындамасы түзу сызықты қозғалатын– тізбектік және рейкалық; дайындаманы барабандарға – барабандық. а – кірістік аймағы; майлаушы (б); деформациялаушы (в); калибрлеуші (г) және шығыстық (д) аймақтар; 1 – сымдауыш; 2 – құрсама 3.26-сурет – Сымдауыш сұлбасы Алғашқылар – шыбықтарды, құбырларды сымдау және калибрлеу үшін; екіншілері сымды, арнайы пішіндерді және диаметрі шағын құбырларды сымдау үшін қолданылады. Тізбектік сымдайтын орнақ (3.27-сурет, а) тұғырдан 1, екі тізбекті барабаннан 8 (жетектік) және 10 тұрады. Барабандарға ілмектің 7 көмегімен арбаны 6 жылжытатын, топсалы- илемді шынжыр 9 кигізілген. Арбада сымдауыш 3 арқылы тарта жонылатын шыбықты 2 қысатын қысқаштар 4 бекітілген. Тарта жону аяқталған соң ілмек шынжырдан итеріліп шығарылады және көтерілген күйінде тең салмақпен 5 ұсталынып тұрады, ал арба алғашқы қалпына қайтып келеді. Сонымен бірге сымдау ұзындығы 0,5…10 м/с болғанда ұзындығы 25…50 м ондаған шыбыққа дейін тарта жонылуы мүмкін. Өндірісте барабандық созымдайтын орнақтар (3.27-сурет, б) аса кең таралған. Сым додасын 11 бос барабанға 12 кигізеді, ал сымның өзін біртіндеп кішірейетін тесіктері бар сымдауыштар 13, 15, 17 және 19 арқылы тарта жонады. Тартымдық барабандарға 14, 16 және 18 тартымдық күш тудыру үшін сымның екі-үш орамын орайды. Барабандар электр 27 қозғалтқыштан 22 редуктор 21 және конустық тісті берілістер 23 арқылы айналады. Сым қабылдаушы барабанға 20 түпкілікті оралады. а – тізбектік: 1 – тұғыр; 2 – шыбық; 3 – сымдауыш; 4 – қысқаштар; 5 – тең салмақ; 6 – арба; 7 – ілмек; 8, 10 – барабандар; 9 – тізбек б – барабандық: 1 – сым додасы; 2 – бос барабан; 3, 5, 7, 9 – сымдауыштар; 4, 6,18 – тартымдық барабандар; 10 – қабылдаушы барабан; 11 – редуктор; 12 – электр қозғалтқыш; 13 – тісті берілістер 3.27-сурет – Сымдайтын орнақтар сұлбалары Бір мәрте сымдайтын барабандық орнақтарда сымдау жылдам-дығы алғашқы сымның диаметрі 0,4…20 мм болғанда 1,0 м/с жуық шаманы құрайды. Көп мәрте сымдайтын орнақтарда сым диаметрі 0,6…2,0 мм болғанда сымдау жылдамдығы 0,3…50 м/с дейін және одан артық шамаға жетеді. Сымдаудың технологиялық процесін әзірлеу кезінде ең алдымен негізгі параметрлерді тағайындайды: қысу дәрежесі, сымдау жылдамдығы және майлауыш (минералдық май, графит, сабын немесе эмульсиялар). Сонан соң сымдаудың маршруттық технологиясын құрайды: ұсақ түйіршікті құрылымды алу және металдың илемділігін жоғарылату мақсатында босаңдату; от қабыршықты жоюға арналған улау; шаю; дайындама ұштарын сымдауыш арқылы өткізу үшін оларды үшкірлеу; сымдау; қақталманы жоюға арналған босаңдату; өңдеу. жүктеу/скачать 4.11 Mb. Достарыңызбен бөлісу:
|