1. Химиялық термодинамика жəне оның міндеттері. Термодинамиканың негізгі
жүктеу/скачать 3.08 Mb. Pdf көрінісі
|
- Бұл бет үшін навигация:
- Бейтараптау жылуы
- Лавуазье – Лаплас заңы
- Гесс заңының бірінші салдары
- Гесс заңының екінші салдары
| Жану энтальпиясы (жылуы) ( ∆Нс) – 1моль заттың оттекте жоғарғы
оксидтерге дейін тотыққандағы жүретін реакцияның жылу эффектісі. Еру жылуы - 1 моль зат еріткіште еріген кезде бөлінетін немесе сіңірілетін жылу мөлшері. Еру жылуы: ΔНеру = ΔН1+ΔН2 Qеру = Q1+ Q2, мұндағы ΔН1 (Q1 ) – қатты немесе газ тəрізді заттың ерітіндідегі агрегаттық күйге өту энтальпиясы (жылуы); ΔН2 (Q2) – заттың еріткішпен əрекеттесу энтальпиясы (жылуы) (сольватация жылуы). ΔН2 əрдайым нольден кіші, ΔН1 оң жəне теріс мəндерге ие болуы мүмкін. Бейтараптау жылуы - стандартты жағдайда күшті қышқыл мен күшті негіздің əрекеттесуінен 1моль су пайда болуының нəтижесінде бөлінетін немесе сіңірілетін жылу мөлшері. NaOH + HCl = NaCl + H2 O H+ + OH- = H2O + 56,98 кДж Күшті қышқыл мен күшті негіздің əрекеттесуінен туындайтын бейтараптау жылуы олардың табиғатына тəуелді болмайды, 56,98 кДж (13,7 ккал) тең. Лавуазье – Лаплас заңы: Заттың түзілу жылуы оның теріс таңбамен алынған ыдырау жылуына тең. ∆Нd = - ∆Нf ∆Нd + ∆Нf = 0 Н2(г) + 1/2О2(г) = Н2О(г); ∆Нf = -241, 6 кДж Н2О(г) = Н2(г) + 1/2О2(г); ∆Нd = +241, 6 кДж Гесс заңы: Тұрақты қысым мен тұрақты көлемде химиялық реакцияның жылу эффектісі оның жүру жолына жəне неше сатыдан тұратынына тəуелсіз, тек реакцияға қатысатын бастапқы жəне нəтижесінде түзілетін заттардың түрі мен күйіне ғана тəуелді. ∆Нr =∆Н1 + ∆Н2 = ∆Н3 + ∆Н4 + ∆Н5 Qr = Q1 + Q2 = Q 3 + Q 4 + Q Гесс заңының бірінші салдары: Реакцияның жылу эффектісі сəйкес стехиометриялық коэффициенттеріне көбейтілген өнімдердің түзілу энтальпияларының жылуларының) қосындысынан бастапқы заттардың түзілу энтальпияларын (жылуларын) алып тастағанға тең. ∆Нr = ∑∆n iНf (өнім) -∑∆n iНf (бастапқы зат) Qr = ∑n iQ f (өнім) -∑n i Qf (бастапқы зат) Гесс заңының екінші салдары: Реакцияның жылу эффектісі сəйкес стехиометриялық коэффициенттеріне көбейтілген бастапқы заттардың жану энтальпияларының (жылуларының) қосындысынан өнімдердің жану энтальпияларын (жылуларын) алып тастағанға тең. ∆Нr =∑∆n iHc (бастапқы зат) -∑∆n iHc (өнім) Qr = ∑n iQ c (бастапқы зат) - ∑n iQc (өнім) жүктеу/скачать 3.08 Mb. Достарыңызбен бөлісу:
|