Республикалық дарынды жастарды қолдау ұйымы «Тəуелсіздік – тұғырым»
жүктеу/скачать 2.87 Mb. Pdf көрінісі
|
| Тəуелсіздік – тұғырым
Оқушы: Дүйсенбекова Аружан Жетекші: Дəрібаев Дихан Жақсыгелдіұлы «Өзінің айналасындағы жора - жолдастарының, бауырларының жан дүниесіне үңіліп қарамаған адам өмірде үлкен қиыншылықтарға кезігеді жəне айналасына зиянын тигізеді»- деген екен Австрия елінің ғұламасы Альфред Адлер. Иə, айтса айтқандай , «оқулығы жұп - жұқа болғанымен, тарихы қатпар – қатпар» (Қадыр Мырзалиев) сонау түмса тарихымыздың қойнауынан сыр сүзбей тұрып, тəуелсіздік туралы қалай айта алармыз... !? Өйткені тарих бұл - халықтың өткені мен өткелі... ! Өйткені тарих бұл- сырлы қазынамыздың нұрлы парақтары...! Иə, кезінде сонау Байкалдан Балқанға дейінгі заңғар даланы тел емген қазақ тарихы қандай қатпар- қатпар десеңізші...!? Сайын даланы мекен еткен сақтар мен ғұндар, кең жазирада атой салған Көк түріктер, кешегі шашыраған ұлыстардың басын қосқан Алтын Орда - сырлы қазынамыздың келелі бір парақтары ғана еді... Қайран, Алтын Орда!... Ел бекзаттылығының алтын діңгегі... Кешегі дана Шоқан: «қазақтар өздерін Алтын Орданың ұрпақтары ретінде есептейді», - деп тегін айтпаған болар... Сонау ұлағатты ойлардың ұясына айналған Ұлытау даласы, Қазақ ордасының туы тігілген, ғұлама, ғалым Мұхамед Хайдар Дулати бабамыз «Моғолстанның мəшһүр жері» деп бағалаған Шу өңірі ше? Керей мен Жəнібек негізін қалаған Қазақ хандығы, сол секілді күллі Алаш жұртына зұлмат болған «Ақтабан шұбырынды, Алқакөл сұламаны» қайда қоясыз? Кешегі айбатынан ат үркер КСРО дəуірі мен Желтоқсан оқиғасы... Міне, сан ғасырлар сарсаңындағы сан қатпарлы жолдарымыз... Тəуба, бүгінде Тəуелсіздікке қолымыз жетті! Айбынымыз асқақтады, айбарымыз артты...! Десек те, осы сан- салалы жолдарда қанша баһадүр бабаларымыз бен кемеңгер даналарымыздың сара жолдары жарқырап жатыр емес пе? Кешегі дала жампоздары «Жаңа Қазақстан» республикалық дарынды жастарды қолдау ұйымы - 70 - Күлтегін мен Тоныкөктен бастап, жалпақ дүниеге «Қазақ» ұғымын алшаңдатқан Керей мен Жəнібектер, «дала даналары» атанған Төле, Əйтеке , Қазыбектер, Əл -Фараби мен Қашқарилер, М.Х. Дулати мен Яссауилер, кешегі Абай мен Əуезовтердің ел тарихындағы орны бір төбе десек, кешегі дала конституциясының қайнар көздері - «Қасым ханның қасқа жолы» , «Есім ханның ескі жолы» , «Əз Тəукенің «Жеті жарғысы» бүгінгі сара жолымыздың айқын баспалдақтары іспеттес емес пе? «...Енші алып, қалың түрік тарасқанда, Қазаққа қарашаңырақ қалған жоқ па?- деп, жырлайтын Алаштың ақиық ұлы Мағжан ақындардай ел болашағы үшін қыршын тағдырларын құрбан еткен Алашымның Арыстарын қайда қоярсыз...?! Иə, тарих таңдауы қателеспеген екен. Жас та тағдыр талқысына дəрменсіз елді əлемдік алпауыттар қатарына қосу қадамдары сəтті жалғасын тапты. Санаулы жылдарда кешегі атын өзінен басқа ешкім танымаған жас ел əлемдік аренада аяғын алшаң баса бастады. Бұл – тəуелсіздік рухы! Ол – кешегі осы жолда құрбан болған сансыз Арыстар рухы! Жасай бер, Қазақ елі! жүктеу/скачать 2.87 Mb. Достарыңызбен бөлісу:
|