Әйелдер тұрғысында 40 хадис және Әйел әдебі
Әйелдер тұрғысында 40 хадис Хадиске түсініктеме
жүктеу/скачать 5.44 Mb. Pdf көрінісі
|
| 50
Әйелдер тұрғысында 40 хадис Хадиске түсініктеме: Айналасындағылардың бәріне қарғыс айту араб әйелдерінің әдеттерінде бар еді. Кейіннен уақыт өте келе осы жағымсыз әдет кең етек алып, тіпті еркектер де осы дерт- ке шалдықты. Олар ұнатқан адамдарына да қарғыс айтуды әдетке айналдырды.Мысалы: «Пәленше қандай керемет ақын, Аллаһ оған қарғыс айтсын» дейтін. Осыншама жиіркенішті адамдарды құлан таза айықтырып, адамдықтың қағидаларын үйреткен Хазіреті Пайғамбарымыз (с.а.у.) адамдардың тозақ отына түсуіне себепші болатын басты нәрсе тіл екенін білдір- ді. «Мен көркем мінезді толықтыру үшін жіберілдім» деп, тіл тұрғысынан үмбетіне әсіресе әйел затына ескерту жолдаған. Қарғыс айту мен берілген нығметке шүкір етпей қарсы келу адамның тозаққа түсуіне себепші болатындықтан бұл екеуі күнәлі істер қатарына жатады. Хадистегі ақылы мен дінінде кемшілігі бар деп айтылуы әйел затын жамандау үшін емес. Өйткені, ондай кемшілік олардың жаратылыстарында бар. Ақылы мен дінінде кемшілігі бар деп сипатталғанын еркек- терді олардың бүліктерінен сақтандыру үшін деп түсіну ке- рек. Бұлай дейтініміз кейбір әйелдер кемшіліктері бола түра еркектерді басынғысы келеді. Олардың мұндай әрекеттері үлкен ағаттық болып есептеледі. Хазіреті Пайғамбарымыз (с.а.у.) олардың осындай қылықтарына таңданатындығын хадисте ашып айтқан. Осы хадисте ақыл мен дінінде кем- шілігі бар деп барлық әйел затын меңзеген. Бірақ, Хазіреті Пайғамбарымыз (с.а.у.) бір хадисінде: «Дүниедегі әйелдердің мына төртеуі саған жеткілікті олардың орны ерекше. Атап айтар болсам: Имранның қызы Марям, Перғауынның әйелі Асия, Хуайлидің қызы Хадиша, Мұхамедтің қызы Фати- ма» деп оларды ерекше атаған. Бұл хадистерден мынадай тұжырым шығаруға болады: «Бір нәрсеге жалпылама үкім берілсе, сол нәрсенің ішіндегілердің барлығына тиісті бол- 51 Әйелдер тұрғысында 40 хадис майды». Яғни, әйелдердің көпшілігінде ақыл мен дінінде кемшілік бар десе де, кейбір әйелдер көпшілік еркектерден әлдеқайда артық. Ақыл жағынан да, діндарлық жағынан да еркектерді басып озатын әйелдер де бар. Хазіреті Пайғамбар (с.а.у.) қиямет қайымға дейін болатын барлық нәрсені теле- дидардан көріп тұрғандай үмбетіне айтып берген. Мұны өздігінен емес Аллаһтың білдіруімен айтқан. Яғни, тозақ пен жұмақты көруі әрі тозақтағылардың көшпілігінің әйелдер екендігін көруі соның нәтижесі. Сондықтан да мұсылман әйелдерді садақа беруге, қайырлы іс істеуге, кешірім сұрап жалбарынуға шақырған. Сонымен қатар берілген нығметке шүкір етпей қарсы шығу мен қарғыс айтудың үлкен күнә екенін білдіріп, мұсылман әйелдерді мұндай істерден тыйған. Хазіреті Пайғамбарымыз (с.а.у.) бір хадисінде: «Кімде-кім бір нәрсеге қарғыс айтса сол қарғыс аспанға көтеріледі, аспанның қақпалары жабылады. Содан кейін жерге түседі де қарғысты қабылдамайды. Кейіннен қарғыс оңды-солды жүреді. Тұрақты орын таппағандықтан қарғыс айтылған адамға барады. Егер ол адам қарғысқа лайық болса сонда қалады. Егер лайық болмаса қарғыс, қарғысты айтқан адамның өзіне барады» деп жөн-жосықсыз сөйлеуден және де қарғыс айтудан барша мұсылмандарды, соның ішін- де әйелдерді тоқтатқан. Қазақта «айтылған сөз атылған оқпен тең» демекші әрбір сөйлеген сөзімізге ерекше мән бергеніміз жөн. |