Павлодар облысы білім басқармасының «Білім беруді дамытудың инновациялық орталығы» ҚММ
жүктеу/скачать 6.15 Mb. Pdf көрінісі
|
|
Қазақ тілі (Т2) Нұсқаулық: Мәтінді мұқият оқып, мазмұны бойынша берілген тапсырмаларға дұрыс жауап беріңіз. Оқытылу орыс тілінде жүретін мектеп үшін (Т2) 9 қазан – Дүниежүзілік пошта күнінің қарсаңында «Қазпошта» АҚ «Алматы почтамты» Алматы филиалы өзінің құрылғанының 150 жылдығын атап өтуге үлкен дайындық жасап жатыр екен. Осы орайда «Казпочта» АҚ «Алматы почтамты» Алматы филиалының директоры Сәуле Егембердиева тілшілер сауалдарына жауап берді. - Сәуле Дүйсембайқызы, Ұлттық поштаның мұншалық терең тарихи тамырынан азырақ мәлімет беріп өтсеңіз ... - Иә, Алматыда алғашқы пошта байланыс бөлімшесінің ашылғанына биылғы жылдың қазан айында 150 жыл толып отыр. Патшалық Ресейдің пошта-телеграф байланысының мұрағаттық қорларынан белгілі болғандай, 1860 жылы Верныйда (Алматы қаласы) алғашқы пошталық байланыс бөлімшесі ашылып, көп ұзамай ол пошта –телеграф кеңсесі болып қайта құрылған. 1883 жылы құрамына 14 пошта бөлімшесі бағындырылған. Верныйдағы пошта байланысы 1917 жылға дейін, яғни Кеңес өкіметі құрылғанға дейін Алматыда қызметін атқарды. Сәл кейін 1919 жылдың 2 желтоқсанында Қазақстанның астанасы болған Орынбор қаласында пошта- телеграф байланыс бөлімшесі ашылды. - Бүгінгі уақыт пошта үрдістерін түбірімен өзгертіп, жаңа заманның талабына икемдеп үлгерді. Қазақстан Республикасы Дүниежүзілік пошта одағына мүше болуымен байланысты отандық поштаға инновацияның жаңа түрлері енгізілді. Осыған орай, «Казпошта» АҚ «Алматы почтамты» Алматы филиалы поштасының қазіргі қызмет ауқымы мен ерекшеліктері қандай? - «Алматы почтамты» қызметкерлері бүгінгі таңда жеке тұлғалармен қатар, жыл он екі ай Алматы қаласындағы 200-ден астам ұйымның заңды тұлғаларына күнделікті басылымдарды жеткізіп беру міндетін атқарады. Оған бізде жұмыс істейтін 263 пошташы, 96 жүргізуші жұмылдырылған. Қаланың барлық аумағын қамтитын Алматы филиалы пошта байланысының 65 бөлімшесі, алты байланыс пункттері, бес учаскесі және 90 бірлікті автомашиналар паркінен тұратын байланыс автобазасы бар. Қазіргі таңда пошта жүйесіндегі ақша аударымдарының ең көп сұранысқа ие болып отырған түрі – республика ішіндегі жедел ақша аударымдары болып отыр. Оның басты артықшылығы – автоматтандырылған пошта бөлімшесінен жіберілген ақша аударымын небәрі 10-15 минуттың ішінде алуға болатындығында. Пошталық жедел ақша аударымының бұл түрімен студеттер, зейнеткерлер, сондай-ақ еліміздің түкпір-түкпірлерінде іссапармен немесе басқа да жұмыстарымен жүрген азаматтар жиі пайдаланады. Бірінші тілші: 376 - Кәсіби мерекелеріңіз құтты болсын, сұхбатыңызға рақмет! 1. Бірінші тілшінің ниетін анықтаңыз А. Ұлттық пошта қызметімен танысу B. Қазпошта қызметкерлері туралы мәлімет алу C.Ұлттық поштаның тарихы туралы мәлімет алу D. Қазпоштаның мерейтойға дайындығы туралы білу 2. Мәтінге сәйкес басты тірек сөздерді белгілеңіз. А. Пошта, байланыс пункттері, бөлімше. B. Пошта, байланыс құралдары, ұшақ, пойыз. C. Ақша аударымы, бөлімше, іссапар, ұшақ. D. Пошта, іссапар, жолаушы, телеграф, пойыз. 3. Тілші сөзі арқылы берілген ақпаратты табыңыз. А. ҚР Дүниежүзілік пошта одағына мүше болды. B. Қазпоштада 263 пошташы, 96 жүргізуші жұмыс істейді. C. Жедел ақша аударымы қызметін зейнеткерлер жиі пайдаланады. D. 1860 жылы Верныйда алғашқы пошталық байланыс бөлімшесі ашылған. 4. Алғаш құрылған кең пошта байланысы? А. Верныйдағы пошта-телеграф кеңсесі B. Орынбордағы пошта-телеграф бөлімшесі C. Верныйдағы пошталық байланыс бөлімшесі D. 14 пошта бөлімшесі бағындырылған Алматыдағы пошта бөлімшесі 5. Мәтіннен екінші тілшінің ниетін анықтаңыз. А. Дүниежүзілік пошта күнін атап өту. B. Алғашқы қазақ поштасы туралы білу. C. Қазпоштаның 150 жылдық мерейтойын ұйымдастыру. D. Қазпошта Алматы филиалының қызмет ауқымы туралы білу. 6. Сұхбатта айтылған қазіргі таңда ең көп сұранысқа ие пошта қызметінің түрін көрсетіңіз. А. хаттарды жеткізу B. төлемдерді қабылдау C. жедел ақша аударымы D. басылымдарды жеткізіп беру 7. Сұхбаттағы әңгіме нақты қай пошта туралы болғандығын анықтаңыз. А. Ұлттық пошта B. Алматы поштасы C. «Қазпошта» жүйесі D. Қазақстан астаналарындағы пошталар 8. Сұхбаттың соңғы түйінін анықтаңыз. А. Қазпоштаның қызмет көрсету аясын кеңейту керек. B. Халыққа пошта қызметін пайдаланудың тиімділігін көрсету. C. Ауылдардағы Қазпошта филиалдарының жұмысын жақсарту керек. D. Қазіргі таңда Қазпошта халыққа заман талабына сай қызмет көрсетеді. 377 9. Пошта қызметінің қазіргі ерекшеліктері туралы сауалға сұхбат берушінің қалай жауап бергенін анықтаңыз. А. Нақты жауап берді B. Жартылай жауап берді C. Пошта қызметінің ерекшеліктері атап көрсетілді. D. Поштаның қызметі айтылып, ерекшеліктері көрсетілмеді. 10. Верныйда (Алматы қаласы) алғашқы пошталық байланыс бөлімшесі қай жылы ашылды? А. 1960 жылы B. 1860 жылы C. 1680 жылы D. 1919 жылы жүктеу/скачать 6.15 Mb. Достарыңызбен бөлісу:
|