Р. С. Касымова Әлеуметтік педагогтың ЖҰмыс технологиясы оқу құралы Алматы, 2020
жүктеу/скачать 3.57 Mb.
|
- Бұл бет үшін навигация:
- «Гүлдер алаңы» мандаласы Мақсаты
- Материалдар
| «Шежіре ағаш».
Мақсаты: Қарым-қатынас құру, эмоциялық жағдайдың үйлесімділігі, үлкендерге сыйластық қатынасты құрастыру, ұрпақтардың өзара байланысын түсіну, өз орнын және әулеттегі алатын орнын сезіну. Барысы: Қағаз бен қарындаш алыңыз. Қағаз ортасына тігінен сызық сызыңыз. Бұл ағаштың діңі деп ойлап, оны аяқтап салып, балаға ата- анасына тиесілі түймелерді таңдауды сұраңыз. «Анасына» тиесілі түймені ағаш діңінің сол жағына, «әкесінің» түймесін – оң жағына қойыңыз. Былай деңіз: «Әр әулеттің өз шежіре ағашы болады. Міне осындай ағаш біздің әулетте де бар. Кел, екеуміз оны салайық. Ағаштың астыңқы бұтақтары үлкен буынға тиесілі : сенің ата – апаларыңа. Әкеңнің де ата-анасы бар, анаңның да ата-анасы бар. Әулеттің тірегі «аға буын» деп бекер айтпаған. Үлкен төрт түйме алып оны төменгі бұтақтарға қой : менің ата-анамды – сол жаққа, әкеңнің ата-анасын – оң жаққа. Үлкен буынның балалары дүниеге келді : менің ата-анамда – мен, әкеңнің ата-анасында – әкең. Әкең екеумізді – «орта буын» деп атайды. Кішірек түйме ал – бұл мен және сенің әкең. Біздің түймелерімізді апа-аталарыңның бұтақтарының үстіне қой. Әкең екеумізде сен туылдың (әпкең, ағаң). Сондықтан, одан да кіші түймелерді алып оларды ең жоғарғы бұтақтарға қой. Қарашы, қандай ғажап! Бірақ ағаш тамырсыз өмір сүре алмайды. Біздің ағашымыздың тамыры – сенің ата-әжелеріңнің ата-аналары. Оларды «ата-баба» деп атайды. Міне, мына ең үлкен түймені ал да, ағаш діңіне қой, дәл осы жерден тамырлар өседі ». Ескерту. Бұл ойын тек қана «үлкен-кіші» ұғымын түсіндіріп қоймайды, үлкенге деген құрмет дағдыларын қалыптастырып, буындардың өзара байланысын түсініп, өзінің әулеттегі орнын анықтауға көмектеседі. «Гүлдер алаңы» мандаласы Мақсаты: отбасыдағы ортасын, баланың тұлғалық ресурстарын анықтау, эмоциялық қобалжуды, өзіне деген позитивті көзқарасты ұстанымын қалыптастыру, сезімдерді өзектендіру, бейсаналықты активтендіру, шығармашылық потенциалды дамыту. Материалдар: релаксациялық әуен, бояғыштар, қарындаштар, өз таңдауына байланысты пастель (Люшердің түстерінен) . Нұсқама: 1. Балаға мандала беріледі: «Қарашы, қандай ғажап шеңбер. Бұл ғажап алаңда гүлдердің жанұясы өседі. Шеңберде басқаларына ұқсамайтын ең маңызды гүлді тап. Оны боя. Енді қара, осы гүлдің жанында оның жақындары өседі. Көрсетші, «ана», «әке», «әпке», «аға» және т.б. гүлдері қайда? Оларды да боя. Бұлардың қандай түс екенін айтшы. Ғажап алаңда тағы кім бар (достар, таныстар)? Олар бақытты болу үшін қандай түс қажет ? Бұл алаңда гүлдерге не кедергі келтіреді?» 2. Балаға сызбасын (қоршау) бояу ұсынылады: « Алаңға сай келетін түсті таңдаңыз. Неге бұл түсті таңдадыңыз? оның сен үшін қандай маңыздылығы бар? қазір сен не сезіп отырсың?» жүктеу/скачать 3.57 Mb. Достарыңызбен бөлісу:
|