Құрамы 5 мл ерітіндінің құрамында белсенді зат 0 г глюкоза моногидраты (сусыз затқа шаққанда) қосымша заттар



жүктеу 65.26 Kb.
Дата19.06.2016
өлшемі65.26 Kb.








Қазақстан Республикасы

Денсаулық сақтау министрлігі Медициналық және

фармацевтикалық қызметті

бақылау комитеті Төрағасының

2014 ж. “ 11 ” 06

№ 416 бұйрығымен

БЕКІТІЛГЕН



Дәрілік заттың медицинада қолданылуы

жөніндегі нұсқаулық
ГЛЮКОЗА
Саудалық атауы

Глюкоза
Халықаралық патенттелмеген атауы

Жоқ
Дәрілік түрі

40 % инъекцияға арналған ерітінді, 5 мл


Құрамы

5 мл ерітіндінің құрамында



белсенді зат – 2.0 г глюкоза моногидраты (сусыз затқа шаққанда)

қосымша заттар: натрий хлориді, 0,1 М хлорсутек қышқылы, инъекцияға арналған су
Сипаттамасы

Түссіз немесе сәл сарғыштау мөлдір сұйықтық.


Фармакотерапиялық тобы

Плазма алмастырғыш және перфузиялық ерітінділер. Басқа да ирригациялық ерітінділер. Декстроза.

ATХ коды B05CX01
Фармакологиялық қасиеттері

Фармакокинетикасы

Гистогематикалық бөгет арқылы барлық ағзалар мен тіндерге жеңіл өтеді. Жасушаларға тасымалдануы инсулинмен реттеледі. Организмде гексозофосфаттық жолмен (энергетикалық зат алмасудың макроэргиялық қосылыстар түзетін негізгі жолы) және пентозофосфатты жолмен (пластикалық зат алмасудың нуклеотидтер, амин қышқылдарын, глицерин түзетін негізгі жолы) биотрансформацияға ұшырайды. Гликолиз үдерісіне қосыла отырып, глюкоза АТФ түрінде қуат түзумен көмірқышқыл газына және суға дейін метаболизденеді. Глюкозаның толық тотығуының соңғы өнімдері өкпемен (көмірқышқыл газы) және бүйрек арқылы (су) шығарылады.



Фармакодинамикасы

Глюкоза энергия шығынын субстратты толықтыруды қамтамасыз етеді. Гипертониялық ерітінділерді көктамырға енгізгенде қан тамырішілік осмостық қысым көтеріледі, сұйықтықтың тіндерден қанға түсуі күшейеді, зат алмасу процесі жылдамдайды, бауырдың уыттануға қарсы қызметі жақсарады, жүрек бұлшықеттерінің жиырылу қызметі күшейеді, диурез өседі. Глюкозаның гипертониялық ерітіндісін енгізген кезде тотығу-тотықсыздану процесі күшейеді, бауырда гликогеннің жинақталуы күшейеді. Бір мезгілде организмнің тіршілік етуі үшін қажет құнарлы заттар мен қуат көзі рөлін атқарады.


Қолданылуы

  • гипогликемияда (қандағы қант деңгейінің төмендеуі)



Қолдану тәсілі және дозалары

Препаратты көктамыр ішіне сорғалатып немесе тамшылатып енгізеді.

40 % глюкоза ерітіндісін көктамыр ішіне өте баяу енгізеді (бір мәрте), ересектерге енгізуге – 20-40-50 мл-ден. Қажет болған жағдайда минутына 30 тамшыға дейінгі жылдамдықпен тамшылатып енгізеді. Көктамыр ішіне тамшылатып енгізгенде ересектерге арналған доза – тәулігіне 300 мл дейін (1 кг дене салмағына 6,0 г глюкоза).
Жағымсыз әсерлері


  • енгізген орынның ауыруы, көктамырлар тітіркенуі, флебит, көктамырлық тромбоз

  • гипергликемия, гипокалиемия, гипофосфатемия, гипомагниемия, глюкозурия, ацидоз

  • полиурия

  • полидипсия, жүрек айнуы

  • гиперволемия

  • аллергиялық реакциялар (дене температурасының көтерілуі, терінің бөртуі, ангионевротикалық ісіну, шок)


Қолдануға болмайтын жағдайлар

  • препаратқа жоғары сезімталдық

  • гипогликемияға байланысты жағдайларды қоспағанда, бассүйекішілік және жұлынға субарахноидальді қан кету

  • алкогольдік делирийді қоса, ауыр дегидратация

  • анурия

  • қант диабеті және гипергликемиямен қатар жүретін басқа да жай-күйлер

  • глюкоза-галактоза мальабсорбциясы синдромы

  • мидың ісінуі және өкпенің ісінуі

  • жедел сол жақ қарыншалық жеткіліксіздік

  • гиперлактацидемия

  • гиперосмолярлық кома


Дәрілермен өзара әрекеттесуі

Натрий хлориді ерітіндісімен бірге қолданғанда ерітіндінің осмолярлығына қатысты аддитивті әсер етеді.

Глюкоза айтарлықтай күшті тотықтырғыш болғандықтан, оны гексаметилентетраминмен, эритроциттер агрегациясы және гемолизіне байланысты қан препараттарымен бір еккіште енгізуге болмайды.

Глюкоза ерітіндісін жалпы анестетиктермен және ұйықтататын дәрілермен (белсенділігі төмендейді), алкалоидтар ерітінділерімен (олардың ыдырауы жүреді) бір еккіште араластыруға болмайды.

Глюкоза аналгетиктердің, адреномиметиктердің әсерін әлсіретеді, стрептомициннің белсенділігін жояды, нистатиннің тиімділігін төмендетеді.

Глюкозаның жақсы қорытылуы үшін нормогликемиялық жағдайларда дұрысы препаратты енгізуді қысқа мерзімді әсер ететін 4-8 ӘБ инсулин (тері астына) тағайындаумен біріктірген жөн.


Айрықша нұсқаулар

Препаратты қандағы қант деңгейін және электролиттер деңгейін бақылай отырып қолдану керек.

Глюкоза ерітіндісін бассүйек-мидың ауыр жарақатының жедел кезеңінде, мидағы қан айналымының ауыр бұзылуы кезінде тағайындауға болмайды, өйткені препарат ми құрылымы бұзылуын ұлғайтуы және аурудың (гипогликемияны түзету жағдайларынан басқасы) барысын қиындатуы мүмкін.

Гипокалиемия кезінде глюкоза ерітіндісін енгізуді калий тапшылығын түзетумен үйлестіру керек (гипокалиемия қаупінің күшеюіне байланысты).

Гипотониялық дегидратацияда – препаратты гипертониялық тұзды ерітінділерді енгізумен бір мезгілде қолдану көрсетіледі.

Ерітіндіні тері астына және бұлшықет ішіне қолдануға болмайды. Ампуланың ішіндегісін тек бір емделушіге пайдалануға болады, ампуланың тұмшалануы бұзылғаннан кейін пайдаланылмаған ерітіндіні төгіп тастау керек.



Бүйрек жеткіліксіздігі, декомпенсацияланған жүрек жеткіліксіздігі, гипонатриемия кезінде глюкоза тағайындағанда аса сақтық танытып, орталықтық гемодинамика көрсеткіштерін бақылау қажет етіледі.

Педиатрияда пайдалану

Балаларға тек дәрігердің тағайындауы бойынша және бақылауымен қолданады.



Жүктілік және лактация кезеңі

Жүктілік кезінде және лактация кезеңінде глюкоза көрсетілім бойынша қолданылуы мүмкін.



Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралын немесе қауіптілігі зор механизмдерді басқаруға әсер етпейді.


Артық дозалануы

Симптомдары: гипергликемия, глюкозурия, қанның осмостық қысымының жоғарылауы (тіпті гипергликемиялық команың дамуына дейін), гипергидратация және электролитті тепе-теңдіктің бұзылуы.

Емі: препаратты тоқтатады және қандағы глюкоза деңгейі 9 ммоль/л-ге жеткенге дейін қан глюкозасының әрбір 0,45-0,9 ммоль-не 1ӘБ есебімен инсулин тағайындайды. Қандағы глюкоза деңгейін біртіндеп төмендету керек. Инсулинді тағайындағанда бір мезгілде теңестірілген тұз ерітіндісінің инфузиясы жүргізіледі.

Қажет болғанда симптоматикалық ем тағайындайды.


Шығарылу түрі және қаптамасы

5 мл-ден бейтарап шыны ампулаларда немесе еккішпен толтырылатын стерильді ампулаларда.

Әр ампулаға заттаңбалық қағаздан жасалған заттаңба жапсырылады немесе мәтінді шыны бұйымдарға арналған терең баспа бояумен тікелей ампулаға жазады.

5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға қаптайды. Әр қаптамаға ампулалық скарификатор салынады.

Кертігі, сақинасы мен нүктесі бар ампулаларды қаптаған кезде скарификатор салынбайды.

Пішінді қаптамалар медицинада қолданылуы жөніндегі мемлекеттік және орыс тілдеріндегі бекітілген нұсқаулықтармен бірге қаптама саны бойынша тұтынушылар ыдысына арналған картоннан немесе гофрланған картоннан жасалған қорапқа салынады.


Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!
Сақтау мерзімі

3 жыл


Жарамдылық мерзімі өткеннен кейін пайдалануға болмайды.
Дәріханалардан босатылу шарттары

Рецепт арқылы


Өндіруші

«Химфарм» АҚ, ҚАЗАҚСТАН РЕСПУБЛИКАСЫ

Шымкент қ., Рашидов к-сі, 81, т/ф.: 8-(725-2) 56-08-82.


Тіркеу куәлігінің иесі

«Химфарм АҚ, Қазақстан Республикасы



Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Шымкент қ., ҚАЗАҚСТАН РЕСПУБЛИКАСЫ,

Рашидов к-сі, 81, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz







©dereksiz.org 2016
әкімшілігінің қараңыз

    Басты бет