Құрамы Бір таблетка құрамында



жүктеу 42.5 Kb.
Дата17.07.2016
өлшемі42.5 Kb.







Қазақстан Республикасы

Денсаулық сақтау министрлігі Медициналық және

фармацевтикалық қызметті

бақылау комитеті Төрағасының

20 _ жылғы “____” ___________

№ _____ бұйрығымен

БЕКІТІЛГЕН


Дәрілік заттың медицинада

қолданылуы жөніндегі

Тонзипрет®



Саудалық атауы

Тонзипрет®


Халықаралық патенттелмеген атауы

Жоқ
Дәрілік түрі

Соруға арналған таблеткалар
Құрамы

Бір таблетка құрамында



белсенді зат: 75 мг Capsicum annuum Dil. D3, 75 мг Guaiacum Dil. D3, 50 мг Phytolacca americana Ǿ,

қосымша заттар: лактоза моногидраты, картоп крахмалы, магний стеараты.
Сипаттамасы

Дөңгелек, беті тегіс, ашық ақшыл түсті таблеткалар.


Фармакотерапиялық тобы

Тамақ ауруларын емдеуге арналған препараттар. Антисептиктер. Басқа да препараттар.

АТЖ коды R02AА20

Фармакологиялық қасиеттері

Фармакокинетикасы

Халықаралық (EMEAHMPWG11/99) конвенция талаптарына сай өсімдік текті препараттарды клиникалық сынақтан өткізгенде фармакокинетикалық параметрлерді оқшаулап зерттеу талап етілмейді.



Фармакодинамикасы

Тонзипрет® - құрамында үш дәрілік шөптің - Capsicum annuum (бұршаққыналы қызыл бұрыш), Guaiacum (гвайяк ағашы), Phytolacca americana (америкалық фитолака) сығындысы бар біріктірілген гомеопатиялық препарат. Препараттың қабынуға қарсы, ауырғанды басатын және иммуномодулдегіш әсері бар.

Бұршаққыналы қызыл бұрыш құрамында алкалоид капсаицин бар, алдымен ауырудың медиаторы - Р субстанциясының лықсып шығуына ықпал етеді, содан соң оның кері қармалуына кедергі келтіреді. Бұл Р субстанциясының жұқаруына алып келеді, сол себепті аурудың тітіркендіргіштері аз беріледі, соның нәтижесінде жергілікті ауырғанды басу әсері қамтамасыз етіледі. Бұршаққыналы қызыл бұрыш қабынуға қарсы әсер ету арқылы жергілікті симптомдардың –жұтқыншақ аумағындағы қызару мен ісіктің азаюына алып келеді. Гваяк ағашының сүрегі құрамында бадамша без бен жұтқыншақ қабынуында емдік әсер көрсететін шайыр, эфир майлары және сапониндер бар. Америкалық фитолаканың жүйелік қабынуға қарсы әсері бар, сондай-ақ В- және Т-лимфоциттерін көтермелеу есебінен иммунмодулдегіш әсері бар, эндогенді гамма-интерферон жасалуын индуциялайды және вирусқа қарсы әсер етеді.

Қолданылуы

- жоғары тыныс алу жолдарының жедел және созылмалы ауруларында (тонзиллит, фарингит, ларингит)


Қолдану тәсілі және дозалары

Ересектер және 12 жастан үлкен жасөспірімдерге: 1 таблеткадан әрбір 30 – 60 минут сайын, бірақ тәулігіне 12 таблеткадан асырмау керек. Созылмалы ауруларда тәулігіне 1-3 рет 1 таблеткадан.

6 жастан 11 жасқа дейінгі балаларға: ересектерге арналған дозаның үштен екісінен асырмай қабылдау (1 таблеткадан әрбір 30 – 60 минут сайын, бірақ тәулігіне 8 таблеткадан асырмау керек). Созылмалы ауруларда тәулігіне 2 рет 1 таблеткадан қабылдау.

1 жастан 5 жасқа дейінгі балаларға: ересектерге арналған дозаның жартысынан асырмай қабылдау (1 таблеткадан әрбір 30 – 60 минут сайын, бірақ тәулігіне 6 таблеткадан асырмау керек). Созылмалы ауруларда тәулігіне 1- 2 рет 1 таблеткадан қабылдау.

Таблеткалар ауызда баяу еруі керек.

Кішкене балалар қабылдағанда таблетканы алдын ала аз мөлшердегі суға ерітіп алып, жұтардың алдында бұл ерітіндіні ауызда бірнеше секунд ұстап тұрады.

Қолданудың ұзақтығы: Тонзипрет® таблеткасын ауру симптомдары (тамақтың ауыруы, жұтқандағы ауырсынулар) жойылғанша қабылдау керек, әдетте 7 күннен 14 күнге дейін.

Кез келген дәрілік препарат сияқты, гомеопатиялық препараттарды да дәрігер кеңесінсіз ұзақ уақыт қабылдауға болмайды.
Жағымсыз әсерлері

Сирек

- жүрек айнуы және асқазан бұзылулары



Өте сирек

- аллергиялық реакциялар

Аллергиялық реакциялардың бірінші белгілерінде-ақ препарат қабылдауды тоқтатып, дәрігерге қаралу керек.
Қолдануға болмайтын жағдайлар

- препарат компоненттеріне жоғары сезімталдықта

- тұқым қуалайтын галактоза көтере алмаушылықта, Lapp-лактаза ферментінің генетикалық тапшылығында немесе глюкоза-галактоза сіңуінің бұзылуларында

- 1 жасқа дейінгі балалық жаста


Дәрілермен өзара әрекеттесуі

Белгісіз
Айрықша нұсқаулар


Қант диабеті бар науқастарда қолданылуы


Тонзипреттің® 1 таблеткасы құрамында орташа 0,02 нан бірлігі бар.

Жүктілік және лактация кезеңі

Жүктілік және емшекпен емізу кезеңінде препаратты қолдану жеткілікті зерттелмеуіне байланысты, препаратты тек ана үшін және ұрық немесе балаға болжамды пайдасы мен қатерінің арақатынасын мұқият таразылап алған соң ғана қолдануға болады.


Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозаларында әсер етпейді.



Артық дозалағанда

Симптомдары: диспепсиялық бұзылулар, оның ішінде құсу мен диарея болуы мүмкін.

Емдеу: препарат қабылдауды тоқтатып, дәрігерге қаралу керек. Симптоматикалық ем.

Шығарылу түрі және қаптамасы

Алюминий фольгадан (төменгі жағы) және ПВХ, ПЭ, ПВДХ (жоғарғы жағы) үлбірден жасалған пішінді ұяшықты қаптамада (блистер) 25 таблеткадан.

2 пішінді ұяшықты қаптамадан (блистер) қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!


Сақтау мерзімі

3 жыл


Қаптамасында көрсетілген жарамдылық мерзімі өткеннен кейін пайдалануға болмайды.
Дәріханадан босатылу шарттары

Рецептісіз


Өндіруші

Бионорика СЕ, D-92308 Ноймаркт/Германия


Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Bionorica SЕ /Бионорика СЕ/» өкілдігі



Алматы қ., «Баспошта», а/ж № 200, тел: 250-93-99

e-mail: info@bionorica.kz


©dereksiz.org 2016
әкімшілігінің қараңыз

    Басты бет