Республикалық дарынды жастарды қолдау ұйымы «Тəуелсіздік – тұғырым»
жүктеу/скачать 2.87 Mb. Pdf көрінісі
|
- Бұл бет үшін навигация:
- Тəуелсіздік – тұғырым
| Тəуелсіздік – тұғырым
Оқушы: Серікұлы Бекжан Жетекші: Есжанова Алма Аятжановна Көк байрағы - көгінде, Тектілігі-тегінде. Бірлігімен тұтасып, Жеткен азат өмірге. Қазақстан 1991 жылы 16 желтоқсанда өз тəуелсіздігін алды. Қазіргі таңда тəуелсіздік алғанымызға 32 жыл толады. Тəуелсіздік күні əрбір қазақ үшін атаулы күн болып табылады. Себебі, біз осы күні өз тəуелсіздігімізді, көптен аңсап күткен азаттығымызды алдық. Тəуелсіз ел болғаннан кейін ,көп ұзамай төл теңгеміз шықты. Жерімізді ата-бабамыз бізге аманат, мұра етіп қалдырған. Біз осы аманатқа қиянат жасамай , жерімізді сақтап қалуымыз керек. Осы еліміз азат болсын деп,1986 жылы Желтоқсан көтерілісі болды. Сол желтоқсан оқиғасында аға-əпкелеріміз болашақ ұрпақ егемен елде бейбіт өмір сүрсін, қазақ елін қазақ басқаруы керек деп өздерінің басын қатерге тігіп, алаңға шықты. Одан бұрын ата- бабаларымыз да еліміз бодан болмасын, кейінгі ұрпақ қиналмасын деп қасық қандары қалғанша жер үшін ,ел үшін шайқасқан. Осы оқиғалар бостандыққа, тəуелсіздікке ұмтылған қазақ халқы үшін тарихта қалған елеулі оқиғалардың бірі болып табылады. Ата- бабаларымыздың, аға-əпкелеріміздің бізге сыйлаған тəуелсіз елімізді, азат жерімізді біз де ,кейінгі өскелең ұрпақ та құрметтеп, қастерлеп өту əр қазақ үшін міндет болып саналады. Мен де осы тəуелсіз жеріміздің дамуына, көркеюіне, өсіп-өркендеуіне өз үлесімді қосқым келеді. Ол үшін көп білім алып, сол алған білімімді шыңдап отыруым қажет. Жасасын, Қазақстан! Жасасын, Тəуелсіз жеріміз,азат еліміз! Тəуелсіздік – тұғырым Оқушы: Аманғали Шынар Жетекші: Нокербекова Салтанат Кыдыркановна Мен көгінде көк байрағы желбіреген тəуелсіз Қазақстанның азаматымын! Азияның кіндігінде орын тепкен, картадан ойып тұрып орын алған, ұлан-байтақ жердің иесі «қазақ» деген ұлы халықтың перзентімін! «Мен қазақпын, мың өліп, мың тірілген» деп Жұбан атамыз жырлағандай мың жасаған қазақ елінің ұрпағы болғанымды мақтан етемін! «Жаңа Қазақстан» республикалық дарынды жастарды қолдау ұйымы - 43 - Тəуелсіздік – ата-бабамыздың сан ғасырдан бері аңсаған арманы. Бұл сөзді естігенде бойымды қуаныш пен қайғы, мақтаныш пен қасірет сезімі билейді. Тəуелсіздік жолында батыр бабаларымыз қасықтай қаны қалғанша алысып, аттың жалы , түйенің қомында өмір сүрді. Елім деп еңіреген азаматтар, арулар қаншама... Тарихымызға көз жүгірсек, сонау ақтабан шұбырынды жылдардан бастап, орыс отаршылдығына қарсы Махамбет-Исатай бастаған ұлт-азаттық көтеріліс, халықты баудай қырған қолдан жасалған ашаршылық, 1937-38 жылдардағы жазықсыз жала жабылып, қуғынға ұшыраған зиялыларымыз, одан бері Ұлы Отан соғысы, 86-жылғы желтоқсан оқиғасы сияқты тарихымызды тізбектеп айта берсек, тəуелсіздік бізге оңайлықпен келмегенін көреміз. Осының барлығы тарихымыздан ойып тұрып орын алған, ұрпақтар жадында мəңгі сақталатын оқиғалар. Тəуелсіздік – ащы термен келген тəтті жеңіс. Төгілген қанның өлмеген жігердің отымен келген ұлы күн. Еліміз тəуелсіздік бесігінде тербелгелі 32 жыл. Осы отыз екі жыл ішінде мемлекетіміз етек-жеңін жиып, шекарасын бекітіп, өз алдына зайырлы ел болды. Бұл атадан келе жатқан ұлы жеңістің жемісі. 1991 жылы 16 желтоқсанда өз егемендігін алған еліміз өз президентін сайлап, ата заңын қабылдап, ұлттық рəміздерін ұлықтап, төл теңгемізді қолданысқа енгіздік. Бұл күндері Қазақстан тəуелсіз ел болғанымен, оның үш мың жылдық тарихы бар қасиетті ел екенін біреу білсе, біреу біле бермейді. Тəуелсіздік жолында еліміз талай тар жол, тайғақ кешуді бастан өткерді, сондықтан тəуелсіздікті таусылмас тарих деп білемін. Азаттығымызды айшықтай түсу үшін əрбір саналы азаматтың «Біз тəуелсіз мемлекетімізді нығайта түсу үшін не істеуіміз керек? Туған еліме қандай үлес қоссам болады?» деген сауал толғандыруы тиіс. Болашаққа тың серпінмен қадам басу үшін алдағы арман- мақсаттарымызды айқындап, жіберген жетістіктер мен кемшіліктерімізді ой елегінен өткізіп, еңсемізді тіктеп, ұлттық рухымызды жоғары ұстауымыз керек деп ойлаймын. Сөзімді қорытындылай келе, еліміздің келешегіне алаңдайтын жігерлі, намысшыл, отаншыл азаматтар көп болса екен деймін. Біз қайтпас қайсар батырлардың ұрпағымыз! Елін, жерін жау аяғына таптатпай, сол туған жерінің қадамы үшін басын бəйгеге тіккен бабаларымыздың бойындағы ерен күш, биік рух біздің жастарымыздың бойына да дарыса екен деймін! Қазақ халқының іргесі сөгілмей, ынтымағы берік болса екен деймін! Ел іргесі тыныш болсын! жүктеу/скачать 2.87 Mb. Достарыңызбен бөлісу:
|