Республикалық дарынды жастарды қолдау ұйымы «Тəуелсіздік – тұғырым»
жүктеу/скачать 2.87 Mb. Pdf көрінісі
|
| Тəуелсіздік – тұғырым
Оқушы: Айтқазы Аяжан Жетекші: Ахмадиева Меруерт Ирановна Тəуелсіздік - тəңір сыйлаған, жаныма жақын, құлағыма жұмсақ естілетін, естігенде жұдырықтай жүрегімді қуаныш кернейтін тəтті ұғым, елімнің басына қонған бақ құсы. Тəуелсіздік сөзін естігенде, елім егемендікке қалай қол жеткізіп, талай қиындықтан, тарихи кезеңдерді бастан өткізгені ойыма келеді, тіпті елестетіп, жүрегім елжіреп кетеді. Кешегі хандарымыз, ата-бабамыз қанын төгіп қорғаған ұлан ғайыр жер біздің асыл қазынамыз. Кезінде тəуелсіздікті алу үшін ата-бабамыз қаншама қиыншылықты көрді. Шүкір, қазір еліміз тыныш. Бірақ, сол қиыншылықты қазақ еліміз көрмесе екен, басымызға келмесе екен деймін. Н. Назарбаев айтқандай: «Қазақтар талай рет тұтасымен қырылып кетуге шақ қалды. Бірақ өмірге деген құштарлық, азаттық, еңсесі түскен елді қайыра түлетіп қайтадан тəуекел тұғырына қондырып отырды. Қырылды, тартысты, қан төкті, жан берді, түбінде азаттыққа қол жеткізді». Бабаның арманың бала орындап- Қазақстан Республикасы болып, өз тəуелсіздігімізге қол жеткіздік, тұнғыш елбасымыз Нұрсұлтан Əбішұлы Назарбаевты сайладық. Нəтижесінде, 1991 жылы 16 желтоқсанда еліміздің Тəуелсіздігі туралы Заң қабылданды. 1993 жылы қабылданған Конституция бойынша мемлекеттік үкімет билігі заң шығарушы, атқарушы жəне сот билігі болып бөлінді. Атқарушы үкімет билігінің біртұтас жүйесін басқаратын мемлекет басшысы ретінде президенттік билік орнады. Бұл біздің ең басты құндылығымыз! Осы күнге сан ғасырлар бойы армандап жеттік. Қазақ халқы өзінің егемендігі үшін күресіп келді. Өзінің ең жақсы қасиеттерінің бірі, қатер төнген сəтте бірігіп, ұйымдаса білуінің, сондай-ақ басқа халықтармен бейбітшілік, келісім мен тату көршілік жағдайында тұруға деген ықыласының арқасында ол тарих тасқынының астында қалып қоймай, өзінің мемлекеттігін қалпына келтіре алды. Біз - бақытты ұрпақпыз! Себебі, ата-бабамыз көрген шапқыншылықты, бір түйір дəнге зəру болған аштықты, жақының алған сұм соғысты мына біздер, жас ұрпақ көргеніміз жоқ. Бейбіт өмірмен қатар, аталарым армандаған, өз қолы жетпесе де келер ұрпағы үшін «Жаңа Қазақстан» республикалық дарынды жастарды қолдау ұйымы - 58 - күрескен, ең бастысы, тəуелсіздіктің тəтті дəмін татып жатқан жарқын ұрпақпыз! Мен қазақ болып туылғаныма əрқашан мақтанамын! Соғысқа қатысып, ата-бабамыз сияқты тер төгіп, көп қиыншылықтан өтіп, тəуелсіз болу үшін үлес қосып, жанымды бермесем де, елімді қорғап, қолдауға дайынмын! Отаныма деген махаббатым, сүйіспеншілігім ешқашан өшпес. Бірақ, елімізде əлі де талай шешілмеген əлеуметтік мəселелер бар, заңбұзушылық та бар. Ендігі біздің міндет - отанымызды сүю, тіліміз бен дінімізді ұмытпай қастерлеу, заңбұзушылықты жою жəне бірлігімізді жоғалтпау болып табылады. Мəңгілік ел болуы үшін өткенімізді еске алып, болашаққа бет бұруымыз қажет. Тəуелсіз қазақ елі мен қазақ тілі мəңгі жасай берсін! жүктеу/скачать 2.87 Mb. Достарыңызбен бөлісу:
|